" كنت أخاف من رساله الوداع... وكان الوداع بدون رساله"
نفت براسها ورجعت تقرب من خالتها تشوفها بنظرات عجزت الهنوف تفهما: بعدي!
نوره: تعالي يا ماما
مشت ورد تتجنب خالتها إلي وقفت بمكانها تحس انها تشوف تشوف منصور بنظرها، وطلعت وانتبهت عليه جالس على الكنب إلي جنب الغرفه يشوفها بنفس نظرات ورد قبل شوي وقالت بربكه: خير؟
منصور إلي ابتسم من لاحظ ربكتها: خير بويهج عموه!
الهنوف: شفيها بنت عمتك قالبه ويها؟
منصور بروقان: شدراني؟ مو انتي خالتها؟
الهنوف إلي تنرفزت من كلامه: الواحد يغلط يكلمج، ونزلت تحت تاركته واقف عند باب الغرفه يسمع حوارهم
بدور: عموه شو تحسين فيه الحين؟
عدلت مزنه جلستها بمساعده ورد إلي قالت وهي ترفع المخدات لها: أمايه انتبهي على صحتج
مزنه وهي تطبطب على ايدها: اوامر ثانيه؟
ورد ببتسامه تمسح دموعها: لا... أهم شيء انتي
نوره إلي استغربت تعب امها: امي شو استوى؟ حد قالج شيء؟ سامعه شيء؟
بدور: عموه عيالج قايلين شيء؟
مزنه وهي تشوف ورد، موجهه كلامها لبنتها: اخوج يا نوره... عبدالله امس متضارب مع بنتج ولما دافعو أخوانج عنها زعل!
نوره بعد اعجاب: أنزين؟
بدور: عموه هذي سوالف عبدالله من زمان، وين اليديد؟
مزنه إلي شافت نظرات ورد إلي طغى عليها البرود: واليوم لما طلعت ورد و منصور مره وحده، شافوهم محمد وشمه
ورد ببرود: انزين؟
نوره: اصبري يا ماما، كملي أمي... شو قالو؟
مزنه: يقول أن بنتج دايما تتضارب مع الكبير والصغير في المدرسه، حتى ان في مدرسه فصلوها بسبب ضراباتها... و شمه تقول أنها شايفه ورد وكم بنت يدخلونهم للدوريه
نوره إلي نقلت نظرها لبنتها: الحين فصل المدرسه والضرابات اعرفها، بس موضوع الدوريه ها عاد جذب صح ورد؟
كانت ساكته ومنزله راسها للارض ما تعرف كيف ترد عليهم، قالت بدور وهي تنتظر اجابه: ورد شفيج، دافعي عن نفسج؟
اخذت ورد نفس تقول: صح الكلام إلي قالته أمايه بس...
ضربتها نوره كف تسكتها لأول مره، نزلت ايدها الراجفه إلي رفعتها لأول مره في حياتها: انتي! أنتي كيف تسوين جي؟شو مسويه عشان تركبين دوريه؟
أنت تقرأ
ياأجمل روايات هالدنيا ابشكي لك
Tiểu Thuyết Chungاول روايه لي كمبتداء اتمنى تدعموني في يوم ميلادها ال20 واثناء نزولها من الدرج تسمع جدتها تتكلم مع أحد عن موضوع يخصها هذا انت.. وأنا اقول منو إلي مسكر علي؟ شوي شوي بسم الله... الناس تقول صباح الخير أول؟ يا بنتي ابي اكلمج بموضوع خاص ما اقدر الحين أبو...
