ياأجمل روايات هالدنيا ابشكي لك

الفصل الحادي عشر

الحمدلله دائما وابداً

وعت غزل في هذي اللحظه وقالت بصوت مبحوح: ماا..

وداخت على طول، انهارت بين يدين سلطان الي دخلها داخل تحت صدمت غلا من شكل الميلس الي متكسر فيه كل شيء

ومسكت الممرضه اللي قالت: والله يا غلا لو ماوصل كانت ماتت بين يده؟

وكانت تأشر على حارث اللي للحين طايح على الارض ودخلت للصاله وشافت  جدها الي يصيح بحرقه على غزل وسلطان الي يحاول انه يصحيها ولما تذكر شيء قال للممرضه: لا تخلين احد يقرب منها 

وطلع ركض يجيب بخاخ شافه في موتر عمه ورجع وقال: بعدو شوي!

وبخ بختين وكحت غزل ونزلت البخاخ وقالت: خلاص خلاص

بعد عنها شوي ولكن كان الاقرب منها وجلست غلا جنبها ولكن بينهم مسافه بسبب نظره سلطان، وقالت: أخ سلطان ممكن اعرف شو استوى هني؟

التفت سلطان على غانم وقال: ليش ما تسألين اخوج أول؟ وله اقولج اعرفه بيجذب عليج بكلمتين 

غلا وهي توجه نظرات ناريه لغانم وقالت: غانم تكلم، شو مسوي؟

جلس غانم على الكنب بدون ما ينطق بأي كلمه، وقالت غزل بصوتها المبحوح: كيف عرف ال**** اني بكون موجوده؟

قرب منها سلطان وقال: غزل ممكن ارمس؟

ولتفتت غزل له واخيرا استوعبت انه سلطان ولد خالها وقالت بربكه من قربه: كمل لاني للحين مو عارفه شو صار؟

عدل سلطان جلسته وهو ما حرك عيونه عن غانم حط كوعه على رجله ويده مثبت فيها فكه وقال: دخلت وشفت ال***** يخنق غزل، وضربته وطلع اخوكم العزيز هو الي مخطط لكل هذا!!

غلا توسعت عيونها ولكن الي صدمهم اكثر هو تقدم غزل الي للحين مو متوازنه بصمت من اخوها الي رفع نظره لها وكانت عيونها حمره مخطلته بزرق عيونها وضربته كف خلت راسه يلف الصوب الثاني وقالت: ما اقول غير الحمدالله ان ابوي توفي عشان ما يشوف فعايلك يا ****،وضربته مره ثانيه وكملت: موكافي الي عشته بسببه؟؟؟ مايكفي؟؟ جسمي تشوهه يا نذل؟؟؟ يا حقيير؟؟ انت شوو؟؟ انت من شو مصنوع؟؟؟ ارمس يا نذل ارمس؟؟انحبست في غرفه لاني ما اسوي الي يبيه؟ما اعرف اذا كان صبح أو ليل؟مافكرت بأمي الي تنتظرني؟تبيعني يا غانم؟ تبيع اختك حق واحد رخيص؟؟

ولما وقف غانم ورفع يده بنيه ضربها، سحبها سلطان واخذ كف بدالها ولما حاول انه يسحبها مسكه سلطان من رقبه الكندوره وقربه له وهمس في اذنه: اتوقع انك ما تبي تروح العنايه صح؟ واذا حاب انك تلحق ال***** ما عندي مانع اني اطلب اسعاف ثاني لك!