ဂျောင်ဝန်းက ဖုန်းချပြီးသွားလို့ မကြာခင်မှာပဲ သူ့ဆီကို ခပ်ဆိုက်ဆိုက် ရောက်လာခဲ့တယ်။ ဒါပေမဲ့ ဂျောင်ဝန်းက သူ့ကို အရမ်းစိတ်ဆိုးနေတဲ့ပုံပဲ။ ဘာစကားမှ မပြောဘဲ မျက်ခုံးတွေ ကြုတ်လို့ သူ့ကို ထူဖို့ပဲ ကြိုးစားနေတယ်။
အနည်းဆုံးတော့ ဘယ်လိုလုပ်ပြီး ဒီကို ရောက်လာလဲ... အမြင်တွေ မှန်သေးရဲ့လား.. တစ်ခုခုတော့ မေးသင့်တာပေါ့။
"ငါ ခေါင်းမမာတော့ရင် သူ ချစ်များချစ်လောက်မလား"
ဆွဲထူဖို့ လုပ်နေတဲ့ လက်တွေ အလိုအလျောက် တုံ့ဆိုင်းသွားခြင်းက တစ်ခုခုကြောင့်တော့ ဟုတ်နေခဲ့တယ်။ ရှူရှိုက်နေတဲ့ လေဟာနယ်တစ်ဝိုက်ဟာ အတူတူပဲဆိုတာကို သူ ကံဆိုးစွာ အသိမဝင်ခဲ့ဘူး။ သူ အဲဒီမျက်နှာကို နည်းနည်းလေးတောင် သတိမထားမိခဲ့ဘူး။ သူဘာတွေ အသိဝင်နေခဲ့တာလဲ။ သူ့ခေါင်းထဲမှာ ဘာတွေရှိနေခဲ့တာလဲ။
ဒူးထောက် အရုပ်ကြိုးပြတ် ဖြစ်သွားစေမဲ့ အမှန်တရားတစ်ခုကတော့ သူ့ဆီ ရောက်လာခဲ့တာ ဂျောင်ဝန်းမဟုတ်ဘဲ ပတ်ဆောင်ဟွန်းဖြစ်နေခဲ့တာပဲ။
ပုလဲလုံးတွေလို မျက်ရည်စက်တွေ ပြွတ်သိပ်လာကြတဲ့ သူ့မျက်လုံးတွေကို ဆောင်ဟွန်း မျက်နှာမလွှဲဘဲ ကြည့်နေခဲ့တယ်။ ဒီလိုဖြစ်ပျက်ခဲ့တဲ့အတွက် သူ အသိ၀င်လာတဲ့အခါကျ သူ့ကို ဘာထပ်ပြောလာမလဲ ... သူ့ကို မထိခိုက်ပေမဲ့ ခနဲ့တဲ့ စကားလုံးတွေကို အောက်ဆီဂျင်ပမာ စုပ်ယူ လက်ခံနိုင်ဖို့ ပြင်ဆင်ထားသင့်တယ်နော် လို့ အဲဒီ အရိပ်အယောင်တွေ လွှမ်းမိုးပေးလိုက်သလိုပဲရယ်။
စောင့်ကြည့်လာခဲ့တဲ့ အတောအတွင်း ဟုတ်များဟုတ်ပါ့မလား ဆိုတဲ့ မရေမရာ အတွေးအမြင်တွေဟာ သူ့ရဲ့ထင်ယောင်ထင်မှား ခံစားမိတဲ့ ကျောက်စရစ်ခဲလေးတွေသာသာပဲ ဟုတ်မနေခဲ့ပါဘူး။
"ဟျောင်းအတွက် ငါ လိမ္မာအောင် နေရင်တောင်
ဟျောင်းက ငါ့ကို လှည့်ကြည့်လာမှာ..မဟုတ်ဘူး"
...
အချစ်..
ဘောင်ခတ်ပြီး ကြိုက်ရာ အရာတစ်ခုခုနဲ့ ကောက်နှိုင်းပြတာမျိုး၊
ကိုယ့်ဟာကိုယ် .. စွဲလမ်းမိပြီး ရူးသွပ်စေတဲ့ ခံစားချက်ကို ဓာတ်လိုက်သလို ရမိတဲ့အချိန်မှာ သတ်မှတ်လိုက်ကြတာမျိုး၊
ဘယ်မျဉ်းကို ကျော်ပြီး ဘယ်အတိုင်းတာကို ရောက်ရင် ဒါဟာ အချစ်ပဲဆိုပြီး ပြောကြတာမျိုး၊
YOU ARE READING
ရှင်သန်ခြင်းကို အဓိပ္ပါယ်ဖွင့်တဲ့အခါ • 성선
FanfictionI must be the little dust that sticks to Koko's shoulder. Even though he is not easily noticed, I still secretly want to rely on him. -image via pin.
