တိုက်ခန်း ကော်ရစ်ဒါတစ်လျှောက်လုံး ဒယိမ်းဒယိုင်ခြေလှမ်း လှမ်းတဲ့သူနဲ့ သာမန်ခြေလှမ်း လှမ်းတဲ့သူ နှစ်ယောက်ပဲ ရှိနေတယ်။ ဒယိမ်းဒယိုင်သွားနေတဲ့သူက အသိစိတ် လွတ်မထွက်သွားတာအပြင် တင်းခံပြီးတော့ သူ့တိုက်ခန်းဆီကို သွားနေခဲ့တာ။ ပင်လယ်ကနေ ဆက်တိုက် ဒီကို ရောက်လာတဲ့အထိ မောင်းလာခဲ့တာ ဒီဂရီမြင့်လာတဲ့ အပြင်းဖျားဒဏ်နဲ့ မရမက လွန်ဆွဲထားတဲ့ သူ့စိတ်အဖုံဖုံထဲက မာနစိတ်ကတော့ အနိုင်ပဲပေါ့။
သူ ခပ်ကွာကွာ နေခိုင်းခဲ့တဲ့ ကောင်လေးက သူ့ကို တွယ်ပေးထားရှာတယ်။ ကောင်လေးရဲ့ မျက်နှာမှာတော့ သောကများနေတယ်။ သူက ဒီလောက်အထိ မီးလိုလောင်ကျွမ်းနေတဲ့ အပူရှိန်နဲ့ ဆေးရုံကို မသွားဘဲ ဒီကို တန်းပြန်လာခဲ့လို့ ဖြစ်မှာပါ။
ပင်လယ်မှာ မမြင်လိုက်ရတဲ့နေက အလုံးလိုက် သူ့ကိုယ်ထဲ ရောက်နေတဲ့အတိုင်း မီးမကျွမ်း ပြာမကျရုံတမယ် လောင်ကျွမ်းလို့နေတယ်။
"ဒီအတိုင်း နေ
တစ်ယောက်တည်း အေးဆေးနေချင်တယ်" လို့ ပြောခဲ့ပေမဲ့
ဘယ်လိုလုပ်ပြီး ဒီအတိုင်းနေရမှာလဲ။ ဘယ်လိုစိတ်နဲ့လဲ။ ကိုယ့်ဟာကိုယ် မဆီမဆိုင် စိတ်တိုမိပြီး ဆိုဖာမှာ ပစ်လဲနေတဲ့ ဆောင်ဟွန်းရဲ့ ခြေအိတ်တွေကို ချွတ်ပေးနေခဲ့ပြန်တယ်။
ထပ်ပြီးတော့ ဆက်လုပ်ရန် ရည်ရွယ်ထားတဲ့ အဖျားတိုင်းတာ၊ ဆန်ပြုတ်ပြုတ်တာ၊ ရေပတ်တိုက်တာမျိုးကို ဆောနူက အပြောခံပြီးလုပ်မယ် တေးထားပုံရပါတယ်။ နောက်တော့ သူ့အင်္ကျီလက်တွေကို လုံးတင်လိုက်တယ်။ အသားပါးတဲ့ ရှပ်လေးတစ်ထည်က လွယ်လွယ်ကူကူပဲ ဆောနူရဲ့ လက်မောင်းလေးတွေပေါ်လာပြီး လုံးထားတဲ့အတိုင်း ပြန်မပြေထွက်ဘဲ ရှိနေခဲ့တယ်။ ဒါ အားသွန်ခွန်စိုက်မဟုတ်ပါဘူး။ ကြင်နာမှုကဲလွန်းတဲ့ ဆန္ဒပြင်းပြခြင်းလေးတစ်မျိုးပါ။
ဖန်ဇလုံထဲကို အရေအသင့်အတင့်ထည့်လာပြီး သဘက်ဖြူတစ်ထည်ကလည်း အဆင့်သင့်။ အိပ်ပျော်သွားတဲ့ ဆောင်ဟွန်းက အဖျားနည်းနည်းလျော့ကျလာခဲ့ချိန် သဘက်ဖြူ နဖူးပေါ် တင်လိုက်ချလိုက်လုပ်ရတဲ့ အရေအတွက်က ဆယ်ကြိမ်လောက် ရှိရော့မယ်။ ဝတ်ထားတဲ့ ဂျာကင်ကို ဆောင်ဟွန်းက ရောက်လာကတည်းက ချွတ်လိုက်တာဖြစ်တဲ့အတွက် အပူခိုကပ်မှာ စိတ်ပူစရာ မရှိတော့ဘူး။
YOU ARE READING
ရှင်သန်ခြင်းကို အဓိပ္ပါယ်ဖွင့်တဲ့အခါ • 성선
Fiksi PenggemarI must be the little dust that sticks to Koko's shoulder. Even though he is not easily noticed, I still secretly want to rely on him. -image via pin.
