[a/n: ကျွန်မတို့ရေခဲတုံးကြီးရဲ့ ဖောလင်းအင်လပ် era စပါပြီ။ ]
_______
အရာအားလုံး ပြတ်စဲသွားတယ်။ ပုံမှန်ပြန်ဖြစ်သွားလိမ့်မယ်လို့လည်း သူက ပြောခဲ့တယ်။ ဒါပေမဲ့ ပုံမှန်လို့ပြောတာဟာ အမှားပဲ။ ပုံမှန်ဖြစ်နေရာကနေ အခြေအနေအားလုံး တစ်ခါပြောင်းလဲဖူးပြီး သို့မဟုတ် အကြိမ်အကြိမ်ပြောင်းလဲဖူးခဲ့ရင် ပုံမှန်အခြေအနေပြန်ဖြစ်သွားမယ်ဆိုတာ နှုတ်ဖျားက စကားအလိမ်အညာတစ်ခုပါ။
မနက်နိုးလာတိုင်း အလုပ်မှာ အလုပ်တွေနဲ့အဖော်သွားလုပ်တယ်။ သောက်လေ့မရှိတဲ့ ကော်ဖီအခါးတွေက နှိုးစက်တွေထက်သစ္စာရှိလာတယ်။ တစ်ခါတလေ ဘယ်နှခွက်သောက်မိလဲ မမှတ်မိတော့ဘူး။ အိမ်ပြန်တဲ့နေ့ရက်တွေက မပြန်တဲ့နေ့ရက်တွေနဲ့ လုံးလုံး မညီမျှတော့ဘူး။ ဒါပေမဲ့လည်း သူပြောခဲ့ဖူးတာကို ကိုယ်အမြဲမှတ်ထားရတယ်။ " အရာအားလုံး ပုံမှန်ပြန်ဖြစ်သွားမှာပါ " တဲ့
မုတ်ဆိတ်တွေ မရိတ်ဖြစ်တော့လောက်အောင် အလုပ်များလာတာက ပုံမှန်လား။ မင်း မုတ်ဆိတ်တောင် မရိတ်တော့ဘူးလား~ အလုပ်တွေရှုပ်လို့ပါ - ကော်ဖီတွေက အရမ်းသောက်ရင် ကျန်းမာရေးအတွက် မကောင်းဘူး ~ လျှော့သောက်မှာပါ - တကယ်ပဲ မေးခွန်းတွေကို အပ်စပ်အောင်ဖြေနိုင်ပေမဲ့ တကယ်တမ်း ကိုယ့်မှာပုံမှန်ဖြစ်တာဆိုလို့ အသိစိတ်နဲ့ကိုယ်နဲ့ ကပ်တာတောင် ရှိမနေတာပဲ။
အိမ်မွေးငှက်လေးတစ်ကောင် လှောင်ချိုင့်လေးနဲ့ မွေးဖူးတယ်။ ငှက်လေးက ကိုယ်နဲ့ အစကတော့ ရိုင်းပေမဲ့ နောက်ကျတော့ သူ့မျက်လုံးထဲမှာ ကိုယ့်ကိုပဲမြင်တော့တဲ့အထိ ကိုယ့်ကိုပဲ ချစ်စရာကောင်းအောင် ပြုံးပြတတ်ပြီး ဘယ်နည်းနဲ့မှ အမုန်းစကားတွေမပြောဘူး။ လွန်ဆန်တာမျိုးလည်း မရှိဘူး။ ဒါပေမဲ့ ကိုယ်က သူ့ကို အဖော်လုပ်ကစားပေးလွန်းတယ်နဲ့တူတယ်။ ကိုယ်အချိန်မပေးမိတဲ့အခါမှာ သူက ပုံမှန်လိုမနေတော့ဘူး။ အစာလည်းမစားဘဲ နုံးခွေ့လာတယ်။ ကိုယ်ဘာမှားသွားမှန်း ကိုယ်ဘာဆက်လုပ်ပေးရမှန်းလည်း မသိတော့ဘူး။ သူ့ခံစားချက်တွေကို သူကိုယ်တိုင် ပြောမပြတတ်တာက.. ကိုယ့်အတွက် ဘယ်လောက်ထိရင်ကွဲရလဲဆိုတာကိုလည်း ဘယ်သူကမှခန့်မှန်းနိုင်မယ်မထင်ဘူး။
YOU ARE READING
ရှင်သန်ခြင်းကို အဓိပ္ပါယ်ဖွင့်တဲ့အခါ • 성선
Fiksi PenggemarI must be the little dust that sticks to Koko's shoulder. Even though he is not easily noticed, I still secretly want to rely on him. -image via pin.
