SURYAWARNA | COMPLETED ✔️

-63-

"තව එකක් කියන්නකෝ.."

ධවාන් අයියා ගිටාර් එක අතේ තියාගෙන කල්පනා කරනකොට මම කොට්ටේ උඩ ඔලුව තියාගෙන මුනින් අතට පෙරලිලා හිටියා. එක කකුලක් ගෙම්බෙක් වගේ ඈත් කරගත්තම මාර සනීපයි.. මට කොහොමත් එක ඉරියව්වෙන් එකම විදිහට ගොඩක් වෙලා ඉන්න බෑ. නරපණුවෙක් වගේ කැරකෙන්න ඕන.. එහෙම කැරකිලා කැරකිලා හොදම පොසිෂන් එක හම්බුනාම තමා වැඩේ නවත්තන්නේ..

"ම්ම්.. මං ස්කූල් යන කාලේ අහන්න ආසම සින්දුව කියන්නද?"

"අන්න මරු!!"

ධවාන් අයියා හිනා වෙලා ගිටාර් එකෙ ස්‍ර්ට්‍රිං ඔක්කොම එකට ප්ලේ කරලා ටලාංං ගාලා සද්දයක් දැම්මා.. එයා දැන් ඔය කියන්න යන්නේ හතරවෙනි සින්දුව.. මම තමා සින්දු රික්වෙස්ට් කරන එක්කනා.. හැබැයි මනුස්සයා බෑ නොකියා සින්ග් කරා..

මොකද අද මට ටිකක් මහන්සි දවසක්.. මම එයා එක්ක මහන්සි අරිනවා..

හවස වෙච්ච සිද්ධිය නිසා හිත රිද්දගෙන අඩාගෙන ඇවිත් යුනිෆෝම් එක පිටින්ම ධවාන් අයියගේ ඇදට වැටුන පාර දැන් පැයකට කලින් ඇහැරුනේ.. නින්ද ගිහින් තිබ්බා මැරිලා වගේ.. මම හිතන්නේ මගේ හිත නොසෑහෙන්න නිදහස් උනා.. මොකද මෙච්චර දවසක් හිතේ පැසව පැසව හිටිය දේ එලියට දැම්මනේ..

ඊටපස්සේ නාලා ආයෙත් ඇදට වෙලා ඉන්නකොට මෙයා ගිටාර් එක උස්සන් ඇවිත් මාවත් අල්ලං සින්දු කියන්න පටන් ගත්තා.. සාමාන්‍යයෙන් අපේ අයියයි එයයි එකතු උනාම පරණ කාලේ සින්දු කියනවා. මම ඒවා අහලා නැති උනත් ඒ දෙන්නා කියනකොට අහං ඉන්න ආස හිතෙනවා.. ධවාන් අයියට එච්චරටම ලස්සන කටහඩක් තියෙන්නේ.. අපේ අයියා සින්දු කියනකොට කොහොමත් ලස්සනයි.. උට මොනවද බැරි?

"හරි මං කියන්නම් හැබැයි පුතා මට පොරොන්දුවක් දෙන්න ඕන.."

"මම? මොකක්ද?"

"ඊලගට ඔයා සින්දුවක් කියනවා කියලා.."

මම ඔලුව උස්සලා පාත්තයෙක් වගේ එයා දිහා බැලුවේ..

"මේ මම?"

"ඔව් ඔයා තමා.."

"අනේ මට බෑ!!"

මම එහෙම්ම කොට්ටේ අස්සේ මූණ ඔබාගත්තා.. මට ඔව්වට ලැජ්ජයි!

"මියුසික් කරන ළමයෙක් කියන කතාවක්ද ඔය?"