SURYAWARNA | COMPLETED ✔️

-75-

"අහ්ම්.."

සැපට තිබ්බ මගේ නින්ද කැඩුන නිසා ඇදේ එහා මෙහා පෙරලිලා ආයෙ වතාවක් නිදාගන්න පොසිෂන් එකක් හදාගන්නකොට නිකං වෙහෙසක් දැනුන නිසා මම දගලන්නේ නැතුව හිටියා.. ඊයේ රෑ උනේ මොකක්ද කියලා ඔලුවේ ප්ලේ උන ගමන් මං ටාර් ගාලා ඇස් දෙක ඇරියා.. යමක් සිදු උනා නේද?

ඇස් ඇරියත් ආයෙත් මගේ ඇස් පියවිලා ගියේ බැල්කනියට වැටිලා තිබ්බ ඉර අව්ව නිසා.. මොකද ග්ලාස් වෝල් එකේ කර්ට්න්ස් එහා මෙහා කරලා තිබ්බේ.. එතකොට කෙලින්ම ඉර එලිය වැටෙන්නේ මූණට.. මම එහෙම්ම ඉන්න ගමන් ඇස් දෙක පොඩි කර කර ඇදේ අනික් පැත්ත අතගාලා බැලුවත් මුකුත් අහු උනේ නෑ.. මං කිව්වේ යුපුන් අයියා නෑ. ඇස් දෙකත් ඇරලා ඇදේ කොන බැලුවත් එයා හිටියේ නෑ..

කම්මැලි හුස්මකුයි පත ඈනුමකුයි යවන ගමන් මම අත් දෙකට බර දීලා කොන්දෙන් කෙලින් උනා.. එතකොට තමා මං දැක්කේ බැල්කනි එකේ ලී අත් වැටට බරදීලා උණු උණු කොෆී කෝප්පයක් බොන යුපුන් අයියව. යුපුන් අයියා ඇදගෙන හිටියේ කොට ෂෝර්ට් එක්කුයි, කළුපාට ආර්ම් කට් වෙස්ට් එකකුයි. නිකං කියලා ඇන්ද චිත්‍රයක් වගේ..

අහම්බෙන්ද මන්දා එයා ඔලුව හරවලා පිටිපස්ස බැලුවා.. මට ලෝකේ නැති ලැජ්ජාවක් ගහපු නිසා හෙමීට පාත් වෙලා බෙඩ්ෂීට් එක අස්සට රිංගත්තා..

ටික වෙලාවකින් මට දැනුනා එයා හෙමින් හෙමින් එනවා කියලා. ඊටපස්සේ බෙඩ් එකේ කොනක් පාත් වෙනකොට මට තේරුනා එයා ඇදටම ගොඩ උනා කියලා.. නාලාද කොහෙද මාරම ෂැම්පූ සුවදයි එයා ගාව..

"ගුඩ් මෝනීන් බබා.. මේ මොකද මේ?"

යුපුන් අයියා මගේ ඔලුවේ ඉදලා වැහිලා තිබ්බ බෙඩ්ෂීට් එක අයින් කරලා මගේ මූණට එබුනම මම හොර පූසෙක් වගේ ඇස් දෙක හදාගත්තා.

"නිකං අනේ.."

මං ආයේ වතාවක් ඈනුමක් ඇරියම යුපුන් අයියා මගේ කම්මුලක් ලාවට මිරිකලා කොණ්ඩේ පස්සට කරා..

"දැන් නවයටත් කිට්ටුයි නැගිටින්න බබා.. කන්නේ නැද්ද?"

"අනේ කම්මැලී අප්පාහ්.."

"කම්මැලී කියලා හරිද? ම්ම්..?"

"අනේහ්.."

මම කෙරිදි ගාන ගමන් යුපුන් අයියගේ බෙල්ලට අත දාලා ඇදලා ගත්තම සුදු මහත්තයා පෙරලිලා ඇවිත් මගේ ඇග උඩට වැටුනා..