SURYAWARNA | COMPLETED ✔️

-70-

"දගලන්නැතුව ඉන්නවා කුරුළු!!"

"බඩගිනී මට!!"

"ඉන්නවා දැන් ගෙදර යනවනේ"

අයියා මගේ ඔලුවට උඩින් ෂර්ට් එක දැම්මම මම අත් දෙක දෙපැත්තට දාලා ඒක ඇන්දා.. මරු කිට් එක.. වයිට් කලර් ෂර්ට් එක මැද ස්පයිඩර් මෑන් කෙනෙකුත් ඉන්නවා. හිච්චං කාලේ ආසාවට ඇන්දට මට දැන් මේවා අදින්න හෙන ලැජ්ජයි අනේ...

"තමුසේ අර යුපුන්ගේ නංගිට ඕන්නැති කතාවක් කිව්වද?"

"කවුද මම?"

"නැත්තං"

"අපෝ පිස්සුද!! මං මුකුත්ම කිව්වේ නෑ"

"ෂුවර්ද? නැගිටපං"

"ඔව් ලොවෙත් ෂුවර්!! සත්තම සත්තයි!!"

මං මගේ අත ඔලුවට තියලා දිවුරලා ඇදෙන් බැස්සම අයියා කට කොනක් උස්සලා මට කලිසම අදින්න හෙල්ප් කරා. ඒක කලිසමක් නෙවේ ලූසට තියන බොටමක්..

"එහෙනම් ඇයි ඒ කෙල්ල අඩාගෙන එලියට දිව්වේ? මට ඇත්ත කියනවා"

"ච්ක්.. යුපුන් අයියා බැන්නා ඒ කෙල්ලට. මං එපා කියද්දි බැන්නේ"

අපේ අයියා මගේ මූණ හොදට ස්කෑන් කරලා පනාව අතට ගත්තා. එකෙන් කන්න වෙයිදෝ කියලා හිතන ගමන් මම දිවෙන් විදුරුමහ තල්ලු කරා..

"මං ආයේ අහන්නෑ මට ඇත්ත කියපං!"

"ඇයි දැන් ඔයාගේ හොර මිනිහා ඉතුරු ටික කිව්වේ- ආව්හ්!! අම්මා!!!!"

"කට වැඩී උබේ"

අයියා මට පනාවෙන් ගැහුවා පිට කීස් ගෑවෙන්න. ඊටපස්සේ ගානට මගේ කොණ්ඩෙත් පීරලා ඒක බැග් පැක් එකට එබුවා..

"මං අහගන්නංකෝ යුපුන්ගෙන්"

"අහගන්න ඉතින්"

"හරි ඒක පැත්තක දාමුකෝ.. අද මං නිදි අතරේ තමුසෙව හම්බෙන්න කවුරුත් ආවද?"

අයියා එයාගෙයි මගෙයි අඩුම කුඩුම බෑග් එකට ඔබන ගමන් හීන් සීරූවට නූල බස්සන්න ගත්තම මම කිසි වෙනසක් නැතුව බොරූවට මතක් කරනවා වගේ රගපෑවා..

"ඉසුරු අයියා ඇවිත් ගියේ ඔයාට නින්ද ගිය වෙලාවේ"

"නෑ වෙන කෙනෙක් මං අහන්නේ"