SURYAWARNA | COMPLETED ✔️

-74-

"ප්‍රියාවී!!!! ඔබ සිහිනයෙන් ලංවී!!! අත ගන්න සැරසෙද්දී!!!"

"චූටි!!!"

"ඔබ යළිත් සැගවේවී!!! ප්‍රියාවී!!!!"

"මං දැන් දොර කඩන්න කලින් එනවා එලියට!!"

මම අතේ තිබ්බ ෂැම්පූ බොට්ල් එක උඩ යන්න විසි කරලා ටවල් එක ඉන වටේ ඔතාගත්තා.. ඊටපස්සේ බොලිවුඩ් සුපර්ස්ටාර් කෙනෙක් වගේ කොණ්ඩේ ගසලා දෙපැත්තට වැනි වැනි හරිම සරාගී ලීලාවෙන් බාතෲම් එකේ දොර ඇරියම මගේ ඉස්සරහා පුපුර පුපුර හිටියේ අඩි හතරක් උස කූඩළු මලක්..

"කීයේ ඉදලද ඕක අස්සේ ඉන්නේ? බෙරිහන් දෙනවා ඉවරයක් නෑ!! හැමදාම බාතෲම් එකට රිංගගත්තම පැය තුන හතර පැළවෙනවා.. ගෙදරටම තියෙන්නේ එකයි!! ඒ නිසා නාගත්තනං එලියට එනවා!!"

අපේ අම්මා කියවගෙන කියවගෙන යන දිහා මම වශී වෙලා වගේ බලන් හිටියා.. මම එකපාරමට එයාව අතින් අල්ලලා ඇදලා ගත්තම හුලං පෙත්තක් වගේ විසි වෙලා ඇවිත් මගේ පපුවේ වැදුනා..

"නයි මිරිස්වත් මෙච්චර සැර නැතුව ඇති.."

අපේ තාත්තා අම්මට හැමවෙලේම කියන ඉන්ටර්නැෂනල් ඩයලොග් එක මගේ කටින් කියවුනාම අම්මගේ ඇස් උඩ ගියා.. මම එහෙම්ම පාත් වෙලා අම්මගේ ලිප්ස් උඩින් කිස් එකක් තියලා ඇහැකුත් ගහලා අඩියක් ඉස්සරහට තියනකොට පොලොස් කපන්න කියලා ගත්ත කැත්ත අතේ තියාගෙන තාත්තා මං දිහා අමුතුවට බලන් ඉන්නවා.. Busted!

"Konnichiwa!!"

මම තාත්තාට ඔලුව නවලා ආචාර කරලා අඩියට දෙකට රූම් එකට රිංගගත්තා. අපේ තාත්තා මට පට්ට ආදරෙයි.. ඒත් එයා අම්මව කා එක්කවත් බෙදාගන්න කැමති නෑ. හේ හේ..

මම කාමරේට ඇවිත් අයියගේ කබඩ් එක ඇදලා එයාගේ හොදම බට්න් ෂර්ට් එක ඇදගත්තා. ඊටපස්සේ කොට බොටමක් ඇදලා පර්ෆියුම් එක අරන් සම්පූර්ණයෙන්ම නෑවා. දැන් ඉන්නවා කොල්ලා නිකං මල් කුමාරයා වගේ.

මම දැන් මේ කාමරේ තනියම ජීවත් වෙන්න පටන් අරගෙන ගොඩක් කල්. අයියා නුවර ගිය මුල් දවස් වලනම් මට හරියට නින්ද ගියේ නෑ. අර එකට ඉදලා ඉදලා වෙන් උනාම ඒක හෙන අමුතුයිනේ. බැරිම තැන මං පල්ල ඇදට මාරු උනා.. එකෙන් එන හෙන අමුතු ආස හිතෙන සුවදට සිරාවටම මට නින්ද ගියා. ඒක පර්ෆියුම් සුවඳක් නෙවේ.. අනේ මන්දා කියන්න තේරේන්නෑ.. ඒක ඌ ගාව එන සුවදට සමානයි..