International Play Boy Mg

38

လေဆိပ်ကအပြန် ကားပေါ်တွင်လည်း လေထုသိသိသာသာ အေးစက်တင်းကျပ်ဖွယ်။
နဂိုကတည်းက Jiminတို့က ကားနှစ်စီးလာတာဖြစ်တာကြောင့် အပြန်ကျ Bogumနဲ့ ဟိုမောင်နှံက တစ်စီး၊ Taehyung၊ Jungkookနဲ့ သားငယ်က တစ်စီးဖြစ်လေသည်။
Taehyungက ကားမောင်းပြီး မောင်ကတော့ဘေးမှာထိုင်လေသည်။ ကားအနောက်ခန်းက တိတ်ဆိတ်နေတဲ့သားဖြစ်သူကို သူတို့နှစ်ဦးစလုံး ကားမှန်ကနေ ခိုးခိုးကြည့်ရသည်မှာ အမောပေ။

" အဟမ်းး သားငယ်က ကျောင်းကို ကိုရီးယားမှာဘဲ တက်မှာမလား "

သည်းမခံနိုင်တော့အဆုံး Taehyungလည်း စကားစလိုက်ရလေသည်။

" ဟင့်အင်း Yejunဒီမှာ တက်မှာ "

" ဟော Jiminပါးပါးတို့က သားငယ်ကို သူတို့နဲ့လာနေဖို့ မျှော်လင့်နေကြတာ "

" Yejunသွားရင် ဖေဖေတစ်ယောက်ဘဲ ကျန်ခဲ့မှာ၊ Jiminပါးပါးမှာက အာပါးYoongiရှိတယ်လေ၊ ဖေဖေမှာက Yejunဘဲရှိတာ "

ကလေးငယ်၏စကားကြောင့် Jungkookမျက်နှာပျက်သွားသည်မှာ ထိန်းမထားနိုင်လောက်အောင်ပင်။

" ပြီးတော့ ဒီမှာက စိုက်ခင်းနဲ့ ကျူးလစ်ပန်းတွေရှိတယ်လေ Yejunဒီကနေ မသွားချင်ဘူး "

သားငယ်မွေးကတည်းက Taehyungကလေးအပေါ် တင်းကျပ်ခဲ့သည်ကားမရှိခဲ့ပေ။ Bogum Hyungကလည်း Taehyungစိတ်ချရသူမို့ သာမန်လိုဆို Taehyungသားငယ်ဆုံးဖြတ်ချက်ကို လိုက်လျောမိမှာပင်။ သိုပေမဲ့ ဘေးမှာထိုင်နေသောသူကို Taehyungအားနာမိလွန်းတာကြောင့် သားငယ်ကို ဖျောင်းဖျဖို့ကြိုးပမ်းမိလေသည်။

" မကြာမကြာလာလည်လို့ရပါတယ် သားငယ်‌ရာ.. ကိုရီးယားမှာဆိုရင် ပါးပါးရော Jiminပါးပါးတို့ရောလေ "

" ဟင့်အင်း Yejunနယ်သာလန်မှာဘဲ နေချင်တယ် "

ဂျစ်ကန်ကန်လေသံမဟုတ်ဘဲ သူလိုရာကို ဆွဲပြောနေသော Yejunပုံစံမှာ ကလေးဟုပြောလျှင် ယုံနိုင်ပါအံ့။

" ဒါပေမဲ့ကွာ- "

သူစကားပင်မဆုံးသေးပါ၊ တစ်ချိန်လုံးတိတ်ဆိတ်နေသောဘေးကလူထံမှာ အသံထွက်လာလေသည်။

" ကလေးစိတ်တိုင်းကျဘဲ လုပ်ရအောင် Kim Taehyung "

ထိုအသံသည် အားလျော့နေသောအသံဖြစ်လေသည်။ ထိုအသံထဲတွင် ဝမ်းနည်းမှုတစ်စိတ်တစ်ဒေသကို Taehyungပင် ခံစားမိပါချေသည်။