International Play Boy Mg

extra 2

အဖြူရောင်အုတ်ဂူလေးဘေးတွင် ရပ်နေသော အသက်70ကျော်လူတစ်ဦးနှင့် အသက်50ကျော်လူတစ်ဦး။
ထိုလူနှစ်ယောက်မှာ ရုပ်အဆင်းအလွန်ဆင်တူကာ။
မည်သူကြည့်ကြည့် သားအဖမှန်းသိသာလေသည်။
ထိုလူနှစ်ဦးသည် Jeon Jungkookနှင့် Jeon Yejunပင်။
Yejunသည် အသက်ကြီးလှသည်နှင့် Jungkookနှင့် သိပ်တူလှ၏။

" ကျွန်တော်သိပ်မှားတယ်လို့ ခံစားနေရတယ် "

Yejun ဆီကထွက်လာတဲ့စကားပင်။
Yejunက ခေါင်းမာ၏။ Jungkookနဲ့Taehyungရဲ့ လက်ထပ်ပွဲတုန်းကလည်း Yejunမလာခဲ့ပါ။
ဒီနှစ်ပေါင်း 40ကျော်50အတွင်း ဖခင်တွေရှိရာကို Yejunတစ်ခေါက်တောင်မလာခဲ့ပါချေ။ နယ်သာလန်မှာဘဲအနေများပြီး ကိုရီးယားရောက်ခဲ့တောင် ဖခင်၏အိမ်ကိုခြေဦးတောင်မလှည့်ခဲ့ချေ။

Jungkookတိတ်ဆိတ်နေမိ၏။
သူဘာများပြောနိုင်ဦးမလဲ။ သူရဲ့တစ်ဦးတည်းသောသား ဘယ်တုန်းကမှ သူ့အပေါ်မကြည်ဖြူတဲ့သား။ နာမည်တောင် သူ့မျိုးရိုးကိုမလိုချင်တဲ့သား။ Jungkookမမုန်းနိုင်ပေမဲ့ ရင်ထဲနာကျင်မိတာတော့အမှန်ပင်။

" ကျွန်တော့်ကိုပြောစရာမရှိတော့ဘူးလား "

" ပြောစရာတွေများလွန်းလို့ ဘာကနေဘယ်လိုစပြောရမလဲမသိတာ "

" ကျွန်တော်.. "

Yejunဘယ်လိုစိတ်နဲ့တောင်းပန်ရမလဲ။
ဒီနှစ်တွေမှာ နယ်သာလန်ကစိုက်ခင်းတွေရော ကိုရီးယားက Yoongiအာပါးရဲ့လုပ်ငန်းတွေအထိ Yejunအကုန်ဆက်ခံခဲ့ပေမဲ့ Jungkookရဲ့လုပ်ငန်းတွေကိုလှည့်တောင်မကြည့်ခဲ့ပါ။
အခုထိဆေးတောင် မခြောက်သေးသောပါးပါးရဲ့အုတ်ဂူရှေ့မှာ Yejunဘယ်လိုစိတ်နဲ့တောင်းပန်ရမလဲ။

" ကျွန်တော်မုန်းခဲ့တာ.. ပါးပါးအပေါ် ခင်ဗျားလုပ်ခဲ့သမျှကို ပါးပါးလည်း သိပ်သနားခဲ့သလို နားမလည်နိုင်လည်းဖြစ်ခဲ့တယ် "

Yejunအကြည့်တွေက ဒေစီပန်းခင်းကြီးထံ။ Yejunသည် Jungkook နှင့် သိပ်တူလှသည်။ Yejunသည် Jungkook၏ပုံတူရုပ်ထုပမာပင်။

" ပါးပါးက ဒေစီပန်းတွေကိုချစ်တယ် ပြီးတော့ ခင်ဗျားကိုရောဘဲ "

Jungkookအုတ်ဂူအဖြူလေးကိုငေးကြည့်ကာ မျက်ရည်တွေကျလုပင်။

" ကျေးဇူးတင်ပါတယ် ပါးပါးကိုချစ်ပေးခဲ့လို့ ပါးပါးကအမြဲလူရွေးမှန်ခဲ့တယ် "