International Play Boy Mg

extra 1

မှန်ရှေ့မှာထိုင်သော Kim Taehyungကို Jungkookငေးနေမိ၏။ Taehyung ဘေးတွင် လူ‌များစွာက ဝိုင်းအုံကာ Taehyungဆံပင်ကိုပြင်ဆင်နေကြ၏။

" သတို့သားလေးက ချောလိုက်ရယ် "

" အဲတာကြောင့်ထင်ပါရဲ့ ခန်းမထဲရောက်နေမဲ့သူက သူများအလှပြင်တာထိုင်ကြည့်နေရော "

ထိုစကားက Jungkookကိုဦးတည်လိုက်သည်မို့ Jungkookမှာ ရှက်ဝဲဝဲဖြင့် လည်ပင်းကိုအသာပွတ်နေမိ၏။
Kim Taehyungကလည်း သူ့ကိုနောက်တာလိုလိုပြောင်တာလိုလိုနှင့် ခပ်ပြုံးပြုံး။
Jungkookအပြစ်ရယ်တော့မဟုတ်ပါ။
ဘာကြောင့်လဲဆိုတော့ Kim Taehyungမှာ သတို့သားဝတ်စုံအဖြူလေးနှင့် သိပ်နှစ်လိုဖွယ်ကောင်း၏။
ကောင်ကင်ပေါ်ကဆင်းသက်လာသော နတ်သားလေးနှယ်။

" အခမ်းအနားကစတော့မယ် သတို့သားရေ သွားတော့လေ "

အတင်းနှင်လွှတ်နေကြသည်သူတွေကြောင့် Jungkookမင်္ဂလာခန်းမထဲရောက်သွားရပြန်သည်။
ဒေစီပန်းခင်းအလယ်မှာမင်္ဂလာပွဲကျင်းပသည်မို့ ဘာနေရာကြည့်ကြည့်ဒေစီပန်းတွေသာ။ ဧည့်ပရိသတ်လည်းစုံနေပြီးဖြစ်သလို အခမ်းအနားအချိန်ကလည်း ကျရောက်နေပြီပေ။
မင်္ဂလာစင်မြင့်ပေါ်ကနေ Jungkookမှာ ခြေမကိုင်မိလက်မကိုင်မိစွာဖြင့် ရင်ခုန်နေမိ၏။

ပီယာနိုမှ Ed Sheeran၏ perfectသံစဉ်လေးက ဖြည်းညင်းစွာဖြင့်‌လွင့်မျောလာ၏။ သီချင်းဆိုသူ၏အသံသည်လည်း ထွက်ပေါ်လာ၏။

🎼 I found a love for me....
Oh,. darling, just dive right... in and follow my lead.. 🎼

သီချင်းအသံနှင့်အတူ မင်္ဂလာလျှောက်လမ်းပေါ်တွင် ဖခင်နှင့်အတူလျှောက်လာတဲ့ Kim Taehyung ....
အဖြူရောင်သတို့သားဝတ်စုံ ဒေစီပန်းစည်းလေးနှင့် ခေါင်းပေါ်ကပုဝါဖြူဖြူလေး ထိုပုဝါဖြူလေးအောက်က ပြုံးနေပါသော Jungkookအသည်းအသက်။
Jungkookထိုဝတ်စုံကိုကူရွေးခဲ့သလို Kim Taehyungဝတ်တာကိုလည်း အကြိမ်ကြိမ်ကြည့်ခဲ့ဖူး၏။
သို့ပေမဲ့ ယခုအခါတွင် Jungkookစိတ်နှလုံးတွင် ခံစားချက်တွေပြည့်လျံနေ၏။ ဒီလူကို သူတရားဝင်ပိုင်ဆိုင်ခွင့်ရပါပြီဆိုတဲ့အသိက Jungkookမျက်ဝန်းတွေကို မျက်ရည်တွေဖြင့်စိုစွတ်စေ၏။

Jungkookအနားကိုရောက်လာကာ ကမ်းလာတဲ့လက်ကလေးကို Jungkookဆုတ်ကိုင်မိ၏။
အချိန်ကိုက်ပင်။