انثى بين انياب الذئب"
بقلمي : اديـان الحمراني
البارت_ الأربعون
علقوا بين الفقرات +تصويت للبارت.
حساباتي كلهم بنهاية البارت .
همتكم. بتصويت
********************
باچر يورد حلمنا وباچر يجازينا
الله بگد تعبنا....
___ _ _____
نبدأ الحكاية......
_ طلگني شيخ!! وياك شفت عناد تحرك جاي يريد يسحلني عيونه ينطن شرار كتله يمك لا تگرب خطوه اذا تدنيت اكتل نفسي عناد لا تدنه والله مخبله واسويها هسه...
_ اطلك بس فوتي جوه وره العقد نتفاهم
بهاي الأمور...
_ ما اريد اتفاهم بس طلك وقبل العقد مو اني
تنزل على راسي مره لو اعرف اليوم اموت
بس ما تعقد واني علئ ذمتك خليته صارت
لحم الشيخ مدنك ويكلي
استهدي بالله بويه أبغض الحلال عنده الله
هو طلاق اتركي عنج الانفعال وذكري ربج
هذا مو حل يابنتي...
_ عناد يريد بس يلزمني يگضي بيه العافيه
عمي هم ولده وكلهم خازريني لو اطيح بيدهم ياكلوني
بساعتها گبت واليعقد ماقبل واحد يكرب
صوبي كلها تهد علي واني واكفه بهيبة عباتي
وبوشيه بس عيوني طالعات العروس تبجي
اسمعها خليتهم حافي يردم حافي مضيف
متروس زلم كلها تسمع سويت العقد عليهم
مصيبه
رجعت كتلهم؟ قبل هذا العقد طلگوني
مو اني اللي تجي وحده على رأسي لن
يتيمه محد يوكفلها وياخذ حگها عبالكم
وحدي اعدل ميه رجال وهسه ما تصير
الملجه إذا ما اطلگ بحضور الجميع
حجه عمي هو عيونه تنط غضب..
_ مثل ما تردين بويه يجرالج لكن محد ما خذ
حقج وانا عمج بمقام ابوج جان اجيتي وكلتلي
كذا كذا بويه وانه ما اريد يجيب حرمه ثانيه
شهد الله علي ما اردج وجان مصر اخذج منو؟
هسه فوتي وكلشي ينحل...
_ كلامك على عيني وراسي لكن عناد لازم
يختار يا انا يا هي لو يطلكني لو يطلكني ويعقد
عليها....
_ مثل ما تردين فوتي ونتفاهم جوه يلا من
رخصتكم عناد تعال مرتضئ اخذ الشيخ
ورجع للمضيف...
_ اخوته اخذوا الشيخ ودخلوا للمضيف عناد
واگف لكن عباره عن قمبلة موقته عمي خازرني
وي ما شاف الشيخ فات للمضيف ركض يريد
يسحلني ابوه وگف بوجهه
_ اكسر ايدك إذا تمدها عليها طلگاها
وعقد على بنت خالتك بدون فضايح...
_ ألتفت علي عمي خاطره مكدر مني
وگال...
_ ارتاحيتي بويه بردتي گلبج هلا فضحتينا
گدام خلگ الله سواد الله وجهكم مثل
ما صغرتوني گدام الناس يلا عناد ما اريد
فضايح ثانيه هاي كافي....
أنت تقرأ
بين انياب الذئب
أدب نسائيحين تظن أن الذئب هو العدو، تكتشف متأخرًا أنك كنت تسير نحو أنيابه بإرادتك... القصه جريئة جداً لا اسمح بدخول المراهقين واقعيه من صلب المجتمع
