بين انياب الذئب

bart 1

قلباني:
"انثى بين انياب الذئب"
بقلمي : اديـان الحمراني

البارت الاول .

علقوا بين الفقرات +تصويت للبارت.
حساباتي كلهم بنهاية البارت .
<><><><><><><><><><><><>
فَتاهُِ  بريئة  لأكن الحياة خَلُقت منها شخصية مَتمرده
فتقول على لساني....

مختلفة… لا تُشبه سواها
متكبّرة بطبعها، متقلبة كالفصول
غاوية بعينيها، عاشقة لنفسها حد الإدمان
مثيرة بالفطرة، تعشق التملك،
وتجيد أسر القلوب بنظرة
يجثو الرجال تحت قدميها، طوعًا،
كأنهم سحروا بها… أو هلكوا دونها."

.....................

هاي هي تقول هكذا باختصار شخصيتها ،وتفكيرها يمحي على ما قالته "القطة الشرسه"..
٠٠٠٠٠٠٠٠٠

ناردين:.: تبلش قصتي من عمري 6 سنوات جنت اني وامي عايشين بيت جدي كنت دائماً اشوف امي تتعذب بشغل البيت ومحد يساعدها نسوان خوالي نايمات وامي خطيه تنظف البيت وتطبخ وهنآ علو الجاهز ياكلن وينامن...

جدي عصبي كلش واذا حجت امي وكالت ما اشتغل لو تعبت لو تطلع للسوگ يضربها بدون اي رحمة مو بس جدي حتى خوالي  وحرام اسميهم خوال..

ماما صايره خدامه  الجدي وبيبي وللي يسمون اخوانهه هم نسوانهم وجهالهم اني كنت اشوفها  على طول تتعب وتكضي لليل كله تبجي وتدعي ...

امي عدها اثنين اخوان واخت وحده بس خوالي وجدي كلش  حقراء وجلاب ميحبوني ولا يحبون ماما يكرهونها حته اولدهم يضربوني اروح الامي تسكت ماتحجي اني اكللها ..هسه لو عندي ابوي يدافع عني
ومحد يكدر يضربني ..

امي كالتلي اسكتي ماما هذا حكم القوي على الضعيف
ان شاء الله ربج يفرجها عليج وبلكت حظج يطلع احسن من امج وتكملين دراسه اصرين دكتوره وافرح بيج ..

باوعتلها واني طفله عمري سته سنوات لأكن من صغري ذكيه ونبهه كتله ..

: ماما لعد وين بابا اريد يروح وياها للمدرسه مثل البنات كلهن يروحن وي ابائهم ..

سكتت وكالتلي ..

: ماما ناردين ابوج الله اخذه وهسه هو نجمه بسماء ..
 
:يعني شنو ماما بابا صار نجمه بعد مايرجع

كتله ابسذاجه طفله

: لعد يوسف ابوه يمه ما صار نجمه ليش بس بابا صار نجمه وكمت ابجي ..

ضلت امي تسكت بيه  واني يوميه اكلها ماما يوسف وزهره يضربوني (هذول اولاد خالي يعقوب وخالي هيثم ماعنده جهال )

اصفن بعيون امي يعني اني ماعندي حظ لو عندي حظ ما عافني ابوي مثل متكول بيبي اني فكر لو مو فكر ما عافني ابوي وصار نجمه ...

ضلت فكره انو ابوي صار نجمه متروح من بالي دوم كنت  اصعد للسطح احجي وي نجمه محدده  مخليته
بالي انو هي ابوي اسرق نفسي من الجميع واختفي عن انظار الكل واتسللسل للسطح احجي وي نجمة ابوي ..