I'M YOURS✔

Part-11

•••Unicode•••

နံနက် အချိန်1နာရီဝန်းကျင် ၌

ဝုန်း!!! ဖောင်း!!

ကင်မ်ထယ်ယောင်းကို ဖမ်းဆီးခေါ်ဆောင်လာသော ချွဲယောင်းဘို ၏ရဲ ကားများအား 12ဘီးထရပ်ကားကြီးက ဝင်တိုက်သွား၏။

တစ်ခြားရဲကားများလည်း အရှိန်တွေနှင့် အဆင့်လိုက် ကားချင်းဝင်ဆောင့်မိကြ၏။ မီးခိုးလုံးများ ထောင်တက်လာသည်ကြောင့် high wayလမ်းမပေါ်ကြီး၌ မည်သည်ကိုမျှရှင်းရှင်းလင်းလင်းမမြင်ရချေ။

ထိုအချိန်၌ အနက်ရောင် BMWကား3 စီးက အရှိန်နှင့် ထိုးရပ်လာပြီး ချွဲယောင်းဘို၏ရဲကားထဲမှ ထယ်ယောင်းအား ဆွဲထုတ်ကြသည်။

" သူဌေး..!သူဌေး ကိုချက်ချင်းခေါ်ပြီး ဆရာဝန်ရောခေါ်ထားလိုက်! "

အနက်ရောင် တိုက်ခိုက်ရေးဝတ်စုံများနှင့် နောက်လိုက်တို့အား Tay ခိုင်းစေရင်း 3ပတ်လှည့် ပြီး မှောက်သွားသော ရဲကားထဲမှ သူဌေးအား ဆွဲထုတ်ကြသည်။

ကားဆီတိုင်ကီမှ ဓာတ်ဆီများ စိမ့်ထွက်လာသည် ကြောင့် အားစိုက်ထုတ်ပြီး သူဃေးကို ဆွဲထုတ်ရ၏။

" သူဌေး! "

သူဌေးကို သူ ကားအပြင်ထိရောက်အောင်ဆွဲထုတ်ပြီး ခပ်ဝေးဝေးရောက်အောင်ထိဆွဲထုတ်သည်။

ရဲကားများလည်း ထပ်ဝိုင်းလာသည်ကို နောက်လိုက်များက ခုခံထားသည်ကြောင့် BMW ကားထဲ သူဌေးအားဆွဲထည့်ပြီး အရှိန်နှင့် မောင်းထွက်ရသည်။

သူဌေးရဲ့ မြို့ပြင်က villa စီသို့ဉီးတည်းရင်း သူဌေး အချိန်အနေကိုလည်း တစ်ချက်တစ်ချက်လှည့်ကြည့်ရသေးသည်။

" Tay..Tsk! .."

ဒဏ်ရာများ၏ နာကျင်မှုကြောင့် စုတ်သတ်လိုက်သည့် သူဌေးက ကားထိုင်ခုံနောက်မှီကို သေချာမှီရင် Tay ဘက်ကိုလှည့်ကြည့်သည်။
အသက်ကိုပြင်းပြင်းရူသွင်းလိုက်သည်က စကားဆက်ပြောမည့်ပုံ။

" မင်းတို့ သူဌေးကတော်ရော.."

သူဌေး နှုတ်မှ ထွက်လာသည့် အမေးကြောင့် သူ သူဌေးဘက်သို့ တစ်ချက်မှ ငဲ့စောင်းကြည့်လိုက်သည်။