I'M YOURS✔

Part 13

••••Unicode••••

ကောင်လေးရဲ့စကားလုံး တွေက သူ့ရဲ့ရင်ကို ကွဲကြေစေသလိုဘဲ။
ဒါမဲ့ ရင်တွေကွဲရင်ကွဲပါစေ၊ မိုးတွေပြိုရင်ပြိုပါစေ ဒီကောင်လေးကိုတော့ သူပြန်မလွတ်နိုင်ဘူး။ အဆုံးထိမုန်းမယ်ဆိုလည်း ကိုယ်မကြောက်ဘူး။ မင်းအနားမှမရှိတာထက်စာရင် မုန်းနေတာကလည်း အဆင်ပြေတယ်။

ကောင်လေးကို သဲ့ညှာသော အားဖြင့် သူဆိုဖာပေါ်မှာသာ ထိနေ့ညက အိပ်လိုက်သည်။ ကောင်လေးသည်တော့ တရှုံ့ရှုံ့ နှင့် အိပ်ရာပေါ်မှာ သူ့အားကျောပေးလို့အိပ်သွားခဲ့သည်။

.

.

.

မနက်ခင်းရဲ့ နေရောင်ခြည်မှာ လိုက်ကာစများအား ထိုးဖောက်၍ အိပ်ရာပေါ်သို့ကျရောက်လာသည်။

ငှက်တို့၏ တကျီကျီအော်သံက ​ဤနေရာမှာ လူခြေနည်းပါးသည့် မြို့ပြင်ပါဟု ထပ်ခါသတိပေးနေသလိုပင်။

ညကတည်းက အသံမကြားရတော့သော ဂျောင်ဂု၏ အိပ်ခန်းတံခါးကို နမ်ဂျွန်း ခေါက်လိုက်သည်။

ကြိမ်ဖန်များစွာ ခေါက်ပြီးသော်လည်း အကြောင်းပြန်မလာသောကြောင့် တံခါးအား ဆွဲဖွင့်လိုက်သော် သွေးပေးနေသော အနက်ရောင်ရှပ်အင်္ကျီနှင့် ဆေးပုလင်းဘူးများသာ အိပ်ရာပေါ်၌ ရှိနေသည်။

သူ ခြေလှမ်းကျယ်များနှင့် စားပွဲအပုလေးဆီသို့သွား၍ အံဆွဲအားဆွဲဖွင့်ကာ SD cardအား ရှာလိုက်သော် ပျောက်လို့နေသည်။

ဂျောင်ဂု ယူသွားသည်ဘဲဖြစ်မည်။ သေချာပေါက် cardကို ဖွင့်ကြည့်ပြီးရင် ဂျောင်ဂုက သူ့ကို လက်စားချေဖို့ပြန်လာမှာဘဲ။

ထိုကတ်ထဲမှာ နမ်ဂျွန်းက ထယ်ယောင်းအား မစ္စတာဂျွန်အား သတ်လျှင် မစ္စတာဂျွန်ရဲ့သားဖြစ်သူ ဂျောင်ဂုကို အကြွေးမနစ်စေရဘူးဟု ကတိပေးထားသည့်အကြောင်းပင်။

သူမကြောက်ပါ။ အကြောင်းမှာ ထိုထဲ၌ မစ္စတာဂျွန်ရဲ့ လူသိမခံနိုင်တဲ့ မကောင်းမှုလုပ်ရပ်တွေပါပါသည်။ မစ္စဂျွန်က မစ္စတာဂျွန့်ကို မချစ်သည်လည်းမပြောနှင့်။ မစ္စတာဂျွန်က လူဆိုးတစ်ယောက်ပေတည်း။