•••••••Unicode•••••••
ကားကို အရှိန်များစွာ ဖြင့်မောင်းနှင်နေသော သူ။ ကားမှန်တွေကိုလည်း တင်ထားပြီး စိတ်ထဲ၌ မတင်မကျဖြစ်နေသည်ကိုပင် ဒေါသ ထွက်လာရသည်။ ချယ်ရီနီရောင် mustang ကားသည်လည်း ဝီဝီမြည်အောင်ပင် အမောင်းခံနေရပါသည်။
လမ်းတစ်လျှောက် မိုးနှင်းများအနည်းငယ်ကျလာနေသည်မို့ လမ်းဟာ အနည်းငယ်ချော်လို့နေသည်။
" မောင်...အရှိန်လျော့ပါအုံးဗျာ..မတော်လို့ အက်ဆီးဒန့်တွေဖြစ်နေပါအုံးမယ်.."
ဂျောင်ဂု၏ ငြူစူစူ သံရှည်ဆွဲသံကြောင့် ထယ်ယောင်း ပင့်သက်ရှိုက် သက်ပြင်းချလိုက်သည်။ ကားကိုလည်း အနည်းငယ် အရှိန်လျော့လိုက်ပြီး ဂျောင်ဂုဘက်သို့ စောင်းငဲ့ကြည့်လိုက်၏။
" မောင်တို့ ဒယ်ဂူးကို ပြောင်းအောင်..."
ဟော။ တစ်နေရာပြီးတစ်နေရာသို့ ပြောင်းချင်နေသော မောင်သည် သူ့ကို အသိပေးရုံလောက်သာ ဖြစ်ပါမည်။
သူ အနည်းငယ် မျက်မှောင်ကျုံ့၍ မေးလိုက်သည်။
" ဘာလို့လဲမောင်...ကျွန်တော့်မွေးရပ်မြေကို မကြိုက်လို့လား.."
သူက မေးတော့ မောင်က ကားကို လမ်း၏ဘေး၌ ရပ်လိုက်ပြီး သူ့ဘက်ကို လှည့်ကြည့်လာသည်။ ကားကူရှင်ကို မှီရင်း တွေတွေဝေဝေ ကြည့်နေသည်။
မောင့်၏ ထိုအကြည့်တွေကို သူသိပ်သဘောမကျ။ စိတ်ပူလွန်နေသည်ဘဲလား မျှော်လင့်ချက်မဲ့နေသည်ဘဲလား။
" ဆော့ဂျင်းနဲ့ အနီးမှာ မောင်မင်းကို မထားနိုင်ဘူး.."
မောင့်ရဲ့ အသံခပ်သြသြဟာ ယခုမှာဖြင့် အနည်းငယ် တိုးငင် နေသည်။ သူလည်း သက်ပြင်းချလိုက်မိ၏။ မောင်က အရှေ့တည့်တည့်ကို လှည့်သွားသည်။ ဘေးတိုက်မြင်နေရသော မောင့်၏ မေးရိုးများက အနည်းငယ် တည်တင်းလို့နေသည်။
" မောင့်သဘောဘဲ..ကျွန်တော်ကတော့ မောင်ရှိရာလိုက်မှာ.."
သူရဲ့ ပြတ်သားတဲ့ အဖြေကြောင့် မောင်က လှည့်ကြည့်လာပြန်သည်။ အကြည့်ချင်း တွေ့ဆုံတော့ မောင်က အားရကျေနပ်သည့်ဟန် ခပ်ရေးရေးပြုံးလာသည်။ နက်ခ်တိုင်အား အနည်းငယ် ဖြည်ရင်း မောင်က သူရဲ့ ခေါင်းကို လက်တစ်ဖက်ဖြင့် အသာအယာ လာပုတ်သည်။
YOU ARE READING
I'M YOURS✔
Fanfictionကိုယ်အောက်ကျုံ့ပြီးပေးတဲ့ မြတ်နိုးမှုတွေက မင်းရဲ့ အတ္တကမ္ဘာထဲချာချာလည်နေတာကို မင်းက ရယ်သွေးသွမ်းခဲ့တယ် ချစ်သောရယ်..... ကိုယ္ေအာက္က်ုံ့ျပီးေပးတဲ့ ျမတ္နိုးမွုေတြက မင္းရဲ့ အတ္တကမ္ဘာထဲခ်ာခ်ာလည္ေနတာကို မင္းက ရယ္ေသြးသြမ္းခဲ့တယ္ ခ်စ္ေသာရယ္..... Zawgyi and...
