هاى
الصراحه انا مش مرتبه اى كلام هقولو بس حسيت انى لازم اكتب الكلام ده
انا وقفت كتابه من 2024 و قررت انى كذا مره همسح الحساب و الروايات لإنى فقدت الشغف تمام
بس كان بيمنعنى كومنتات البعض و ع النقيض تماما الكومنتات اللى بتتكلم عن سرد الروايه دى فحابه اوضح نقطه انى لما قررت اكتب وقتها كان عندى 16 سنه يعنى كنت طفله و سردى مكنش احسن حاجه ده غير ان الروايه مترجمه و كل اللى عملتو وقتها انى ترجمتها ترجمه حرفيه و ده كان غلط و الروايه جزئين طوال جدا و انا حاولت اقلل عدد الاجزاء على قدر استطاعتى
بس ع العموم الفتره دى مشغوله بحياتى لإنى طالبه جامعيه و فاقده شغف الكتابه تماما و اكيد اى كاتب بيخاف ان فقدانه للشغف يطول و ساعات بنقرر نوقف عن الكتابه لإن انا مش عايزه اكتب اى قصه قرأتو زيها مليون مره انا عايزه اكتب حاجه خاصه بيا انا تبقا مميزه و تعبر عنى الكتابه بالنسبالى زى الاكسجين عالم بعرف اكون فيه ع طبيعتى بدون اى ضغط
فى الوقت الحالى قدامى حلين
يا اما اتوقف عن الكتابه و احذف الحساب تماما او ادى الحساب لواحده من قرائى تكون موهوبه و عايزه تكتب و ده هيكون بناءا عن اختيار لشخص موهوب بجد و ممكن اخلى الحساب لدعم الروايات الجديده
او انى انتظر و ارجع للكتابه بهدوء و بحاجه احسن ترضينى قبل م ترضي القراء عندى هوامش افكار عن روايه معينه هتاخد وقت عشان اكملها و لو عندكو افكار او مشاعر معينه تحبو تعيشوها و انتو بتقرأو و ملقيتوهاش ف روايه تانيه تقدرو تبعتولى برايفت
و بالنسبه للروايه دى انا مش هحذفها لإن نجاحى لاى روايه جديده هيكون ناتج عن اخطائى القديمه و انا مش حابه امحى اخطائى انا حابه اتعلم منها بفكر انى اكملها و ابدا اعدل طريقه السرد من اول و جديد او اوقفها لحد هنا لو انتو مش حابين تكملوها
لكم حق الاختيار و بس كده
ادعولى ربنا يوفقنى ف حياتى و يكون الجاى احسن
在建 💜
الى لقاء قريب
أنت تقرأ
Marido: JK
Fanfiction"زوجى مغرى للغزل، مثير للقبل" 1997.. البنفسج الأول started: 15/11/2023 100k~ 8/3/2024
