Let Me Know

Seven

Andi flashback ON

Pas kelar ngerjain catetan gue tentang flora dan fauna, gue langsung kumpul ntu catetan, kaga lama abis ntu bel pulang bunyi.

"Woy bro, gue duluan ye!" Teriak si curut dari depan kelas.

"Iye, tunggu gue di lapangan basket!" Teriak gue dari dalam kelas.

Ntu anak langsung jalan sambil angkat tangannye, terus ngancungin jari jempol nye ke atas. Gue kudu bawa nih tumpukan buku catetan ke ruang guru, pas gue bawa ntu catetan, badan gue serase di tabrak sesuatu/? Pas gue liat sape yang nabrak gue, tau nye yang nabrak ntu bidadari gue/? Langsung dah gue tolongin die buat bediri.

"Lu kaga ape, Liv?" Tanye gue sambil megang tangannye buat bantu die bediri. 'Gila! Tangannye mulus coy!'

"Iya gue gapapa, Ndi. Maap gue nabrak elu tadi, gue mesti ambil hp gue ketinggalan di kelas" jawabnye.

"Oohh gitu ye, yodeh ambil sono, gue tungguin disini"

"Iyaa.. tunggu bentar ya.." Bidadari gue langsung ke kelas buat ngambil hp nye, abis ntu die balik lagi

"Udeh ketemu hp elu?"

Die ngangguk sambil senyum, terus nunjukin hpnye "ada didalem laci gue hehehehe"

Seketika dunia berase berhenti pas ntu cewe senyum, cantik banget bro! Makin cinta gue ame nih cewe, gue kudu mikirin carenye supaya gue bisa dapetin Livi.

"Ndi?? Hallo?? Lu kenapa bengong??" Seketika gue sadar dari acara bengong gue.

"Ha? Iye? Ngape Vi?"

"Gapapa.. elu kenapa bengong?? Lu sakit??" Tanye nih cewe ke gua.

"Kaga elah.. gua kaga ape hehehe" jawab gue sambil nyengir.

"Yodah.. yok jalan, gue kudu anter ini buku dulu, kalo lu mau keluar duluan mah kaga ape.." celetuk gue langsung.

"Barengan elu aja deh.." tukasnye

"Yodah, yok"

Sepanjang jalan gue ame dia cuma ngobrol dikit tentang pelajaran, otak nih cewe cem memori komputer ae dah, inget semua pelajaran dari kelas 10. Tapi semua omongannye kaga ade yang nyambung ame gua, gue cuma merhatiin muka die doang. Pas kelar narok buku diruang guru, gue langsung jalan bareng die ampe pintu masuk ke sekolah.

"Ndi, gue duluan ya. Abang gue udah jempu, sama thanks ya udah nungguin gue tadi" die ngomong gitu sambil senyum ke gua. Saat ntu juga gue terbang ke galaxy/?.

"Iye Vi, tiati dijalan ye" kata gue.

Livi cuma jawab pake senyumannye-lagi- yang kaga bosan dipandang. Abis mobil abangnye jalan, gue langsung nyusul Andre yang udeh nunggu gua dilapangan. Sepanjang gue jalan kelapangan, gue kaga bisa berenti senyam-senyum, gue serasa orang gila, tapi bodo lah mo dikate ape.

'THIS IS THE BEST DAY EVER!' Girang gue dalem ati.

Pas udeh dilapangan, si Andre banyak tanye ke gua. Yodah gue bilang ntar ae ceritanye dirumah gue. Abis ntu langsung dah kite bedua caw ke tempat futsal biasa gue ame die maen tiap seminggu sekali.