That Zombie Feeling - A Collection of Poems of an Undiscovered Kikay Poet

Isang Tula Para sa Aking Puso Ngayong Pasko

Isa lang naman ang hiling ko ngayong pasko,

'Yon ay magpatuloy nawa ang ating nasimulan,

Hanggang sa habambuhay ako ay nasa puso mo,

Sa mainit at mahigpit mong yakap ako ay lunurin, 

Hindi ko kailangan ng materyal na bagay,

Basta paggising ko ikaw ang kapiling, 

Sa bawat pagsubok tayo ay magkaramay,

Sa ilalim ng mga bituin, pangalan ko'y sambitin,

Dumating man ang maraming problema,

Alam ko lahat ng ito at kakayanin,

Ipangako mo sa akin na hindi ka magsasawa,

Ibibigay ko sa'yo anuman ang naisin,

Ikaw lang ang laman ng aking mga pangarap,

Pero kung sakali mang sa bandang huli,

Hindi sapat ang aking halik at yakap,

Sabihin lang at h'wag nang patagalin,

Kakayanin kong mabuhay at lumipad,

Hindi mapapangakong ako ay lilimot,

Pero kasali ito sa pipiliting matupad,

Ang ating mga karakter at nakaraang masalimuot.

Sa pagtatapos ng taong ito, hahawakan ang iyong kamay,

Nais pa rin kitang pasalamatan sa lahat,

Sa regalong saya, lungkot, tawa at luha, samu't saring emosyon,

At sa pagmamahal na dadalhin natin sa susunod na taon.