Birthday Special (Completed)

My Girlfriend and Her Oppa

Storyline By Me
Posted On : 8/ 2/ 2016
Starring : WooHyun, OC

"​အောင်မယ်လေးဟဲ့.. ​အောင်​မယ်​​လေး.. ဖြူစင်​လိုက်​တာ.. အပြစ်​ကင်းလိုက်​တာ.. ချစ်​ဖို့​တွေ​ ကောင်းလိုက်​တာဟယ်​.. ​အောင်​မယ်​​လေး.. ​အောင်​မယ်​​လေး.. အသည်းယားလို့ ကိုက်တောင်​ စားပစ်​ချင်​တယ်​"

လက်​သီးကို ကျစ်​ခနဲ ဆုပ်​လိုက်​၊ ပြန့်ခနဲ ဖြန့်လိုက်။
နှုတ်​ခမ်းကို ကိုက်​၊ မျက်​လုံးကို စကောဝိုင်းလောက်​ ပြူး၊ ပြီးရင်​ မနာတဲ့အတိုင်း ကိုယ့်ပေါင်​​ကိုယ်​ တ​​ဖောင်းဖောင်းနဲ့ ရိုက်​နေသေးတာ။

​နေစမ်းပါဦး၊ အဲ့ဒါ ဘာဖြစ်​​နေတာလဲ။

ကိုယ့်ရည်းစား​ တစ်​​ကောင်​လုံး.. အဲ​လေ.. တစ်​​ယောက်​လုံး အ​ရှေ့မှာ ငုတ်​တုတ်​ကြီး ထိုင်နေတာ​တောင်​ အားနာရ​ကောင်းမှန်းမသိ။
အ​ရည်​လည်း မလုပ်​၊ (အဖတ်)အဖက်​လည်း မလုပ်​။
အောင်​မယ်​​လေးချင်းထပ်​​၊ အိ​န္ဒြေမ​ဆည်​နိုင်​​လောက်​​အောင်​ ဖြစ်​​ပျက်​နေတာ မြင်​မ​ကောင်း၊ ရှုမ​ကောင်း။

သုံးနှစ်​​ကျော်​ တွဲလာတဲ့ ဒီက ရည်းစား ဖုန်းနံပါတ်​ကို အလွတ်​မရွတ်​နိုင်​​ရင်​သာ ရှိမယ်​၊ အဲ့အ​ကောင်​​ တစ်​​နေ့ အသက်​ဘယ်​နှစ်​ကြိမ်​ ရှူတယ်​ဆိုတာ၊ အဲ့အ​ကောင် ခေါင်းပေါ်မှာ ဆံပင်မွှေး ဘယ်​နှစ်​​ချောင်း ပေါက်​​နေသလဲဆိုတာ​တော့ သူမ အကုန်​ သိတယ်လေ။

ရှားရှားပါးပါး ရည်းစား​လေးတစ်​​ယောက်​ ထားမိပါတယ်​ဗျာ။ အလုပ်​ဆင်းလို့ အနီးနားက ​ကော်ဖီဆိုင်​​လေးမှာ ခဏ ချိန်း၊ မျက်​နှာ​လေး ​ကြည့်ပြီး အ​မော​​ဖြေမယ်​ဆိုတဲ့ အကြံက တစ်မိနစ်​​တောင်​ မခံလိုက်။
ရောက်​လာကတည်းကိုက အဲ့ဒီ ဖုန်းနဲ့ မျက်​လုံး မခွာ​တော့တာ။
ဘာ Event ရှိတယ်​ဆိုလား ​ပြောသံ​တော့ ကြားလိုက်​ပါရဲ့။ ဘာ Event ရှိရှိ​ပေါ့ဗျာ၊ ကိုယ့်ရည်းစားထက်​​ ပို အရေးကြီးနိုင်​ပါ့မလား။
မဟုတ်​ရင်​​တောင်​ အလုပ်​များလွန်းလို့ တစ်​ပတ်​မှ အများဆုံး နှစ်​ခါ​လောက်​​ပဲ ​တွေ့နိုင်​တာကြီး။ သူမ တကယ်​ လွမ်းရော လွမ်းတတ်​ရဲ့လား မသိ​​တော့ပါဘူး။
ကျွန်​​တော်​က​တော့ဖြင့် ဘယ်​​လောက်​​တောင်​လွမ်းသလဲဆို Senior ​တွေ အထက်​လူကြီး​တွေဆီက မျက်​စိစပါး​မွှေး စူးခံရမယ်​မှန်း သိသိကြီးနဲ့​ကို နယ်က အ​မေ၊ Seoul တက်​လာတယ်​ဆိုတဲ့ မုသားစကားနဲ့ ကုမ္ပဏီစားပွဲ​တောင်​ လိုက်​မသွားဘဲ ချန်​ရစ်​​နေခဲ့တာ။ သူမကို​တွေ့ချင်​လွန်းလို့၊ ဒီ​နေ့မှ မတွေ့လိုက်​ရရင်​ တစ်​ပတ်​လုံး သတိရနေရမှာမို့လို့။
ဒါ​ပေမယ့် ခု​တော့ ကြည့်ပါဦး။
ဘာ​သောက်​မလဲ​မေး​တော့ "Cuppuccino" တဲ့။ ပါးစပ်​လှုပ်​ရုံ ပြန်​​ဖြေတယ်​။ ကျွန်​​တော့်မှာ​​တော့ သူမ ​ချောင်းဆိုး အရှင်းမ​ပျောက်​​သေးဘူးဆိုတာကြီးက ဦး​နှောက်​ထဲကို သံမှိုစွဲသလို ရိုက်​သွင်းထားလို့ Creamy Coffee ​တွေ ​မသောက်​​ခိုင်းစေချင်​​သေး​တဲ့ ရည်​ရွယ်​ချက်​နဲ့ Americano ပူပူ​လေး တစ်​ခွက်​ပဲ မှာ​ပေးလိုက်​တယ်​။ Coffee လည်း လာချ​ရော၊ ဒီအတိုင်း​ဆို မ​သောက်​ဖြစ်မှာ​စိုးလို့​တောင်​ ရက်​ရက်​​ရော​ရောနဲ့​ ခွက်​ကို မ ပြီး နှုတ်​ခမ်းဝထိ​ ​တေ့​ပေးလိုက်​​သေး​တာ။
ဖုန်းနဲ့ မျက်​လုံး မခွာဘဲ ​တေ့​ပေးထားတဲ့ ခွက်​ထဲက Coffee ကို တစ်​ငုံနှစ်​ငုံ ​သောက်​တယ်​။ Cuppuccino လား Americano လား​ဆိုတာလည်း ခွဲခြား သိပုံ မ​ပေါ်​လောက်​ဘူး။