Birthday Special (Completed)

Visible Woman

Storyline By Me
Posted On : 22/11/2016
Starring : Dong Woo , OC
Special Cameo : Nam Woo Hyun❤️

မနေ့က ဆိုတာ ဒီနေ့ရဲ့ အတိတ်ဟောင်း တစ်ခု ဖြစ်သလို ..
မနက်ဖြန် ဟာတော့ ဒီနေ့အတွက် အိပ်မက်တွေ ဖြစ်တယ် ..တဲ့။

မင်း လာပါ့မလား မသေချာပေမယ့် ..
ကိုယ်ကတော့ မင်းကို
အဲ့ဒီ အိပ်မက်တွေထဲ နေ့စဉ်ရက်ဆက်မပြတ် မငြီးမငွေ့ စောင့်ဆိုင်းနေဆဲပဲ.. Hana..။

•••

We accidently met again (or on purpose)

အဲ့ဒီနေ့က ၁၉၉၈ ခုနှစ် နိုဝင်ဘာလ ၂၂။

ဆုပ်ကိုင်လို့ သိပ်ကောင်းတဲ့ ပျော့အိအိ လက်ဖဝါးလေး နှစ်ဖက်က ကျွန်တော့် လက်ဖျားတွေကို ခပ်ဖွဖွ ထွေးပွေ့ရင်း ...
သကြားလုံးထက် ပို ချိုမြိန်တဲ့ အနမ်းလေးတစ်ပွင်ကို ပါးတစ်ဖက်ပေါ် သက်ရောက် ကြွေဆင်းခွင့် ပေးတယ်။

" နင် ကြီးလာရင် ငါ့ကိုပဲ လက်ထပ်ရမှာနော် "

အိုဟောင်းနေပြီ ဖြစ်တဲ့ Diary စာရွက်ဟောင်းပေါ်က ခပ်ဖျော့ဖျော့ နေ့စွဲတွေဟာ ရာသီတွေ ပြောင်း၊ ဥတုတစ်ချို့ ဖောက်ပြန်ခဲ့သည့်တိုင် အမှတ်တရများကို အသက်နီးနီး ချစ်မြတ်နိုးတတ်သော ကျွန်တော့်အတွက် အချိန်တိုင်း သစ်ဆန်းကာ နေမြဲ။

" ဒါပေါ့ ! ငါ ကြီးလာရင် နင့်ကိုပဲ လက်ထပ်မှာ "

ဦးခေါင်းကို မိုးထက် မော့ကာ ရဲရင့်စွာ ပြန်လည် ကတိသစ္စာ ခံခဲ့စဉ်က ကျွန်တော်ဟာ ညနေခင်း နေရောင်ခြည် အရှုံးပေးရမည့် နွေးနွေးထွေးထွေး အပြုံးတစ်ပွင့်အား ဒီနေ့လိုပဲ ဝံ့ဝံံ့ကြွားကြွား ခံဆောင်ထားခဲ့မိမလား ?

" ငါ နင့်ကို ချစ်တယ် Jang Dong Woo "

အချစ်ဆိုသည်အား မည်သည့် ခံစားမှုမျိုးမှန်း မသိတတ်ခင် အရွယ်ကတည်းက အချစ်ဆုံး ဟု သတ်မှတ်ခဲ့ဖူးပါသော ကျွန်တော့်ရဲ့ အချစ်ဦး။

ရယ်လိုက်ရင် ဖျတ်ခနဲ ပေါ်လာတတ်သည့် ညာဘက် ပါးထက်က သူမရဲ့ အဲ့ဒီ ပါးချိုင့် ခွက်ခွက်ကလေးတစ်ခုကို အခုထိတိုင် ကျွန်တော် တိတိကျကျ မှတ်မိလို့ နေပါသေး၏။