Birthday Special (Completed)

Star Shooters

Storyline By Me
Posted On : 28/ 03/ 16
Starring : Hoya, Myungsoo, Byul (OC)
(T/N : "Byul" means "Star" in Korean)

​ယောကျ်ားတွေ ဆိုတာကလည်းဗျာ... တစ်ခါတစ်လေကျ နားလည်ရတော့ အခက်သား။
ဘယ့်နှယ့်... လာပါ လာပါ ရက်ရက်ရောရော ခေါ်နေရင် လာချင်မှ လာမယ်၊ မလာပါနဲ့ မလာပါနဲ့ ဇွတ်အတင်း ငြင်းဆန်နေကြည့်ပါလား... ထိပ်ဆုံးကကို ရောက်အောင်သွားကြဦးမှာ။

ဟော... မိန်းကလေး တစ်ယောက်ကို စ ပိုးပြီပဲ ထားဦးစို့။ ဦးနှောက် အခန်းလား.. နှလုံးသား အခန်းလား.. အော်... ကုန်ကုန်ပြောဦး၊ ရှိရှိသမျှ အခန်း အလုံးစုံထဲက အနှစ်နှစ်အလလ စုဆောင်းသိမ်းဆည်းထားတဲ့ စကားလုံးတွေကို အသားကုန် ရှာဖွေ နှိုက်ထုတ်ပြီး သနားစရာ အားနွဲ့နွဲ့ မိန်းကလေးတွေရဲ့ နှလုံးသားကိုပါ အပိုင် သိမ်းသွင်းတတ်သေးတာ။ ကဲ... ထားပါ... အဲ့ဒါ အသာ ထားပါလေ။
ဒီလို ဆိုရိုးစကားပုံလေးတောင် ရှိသေးတယ် မဟုတ်လားဗျ... ဘာတဲ့? "လူတစ်ကိုယ် အကြိုက်တစ်မျိုး" ဆိုလား။
ဟုတ်ပြီ။ ဒီနေရာမှာ စဉ်းစားစရာတစ်ခုတော့ ပေါ်လာပြီ ထင်ရဲ့။
ဟော... တကယ်လို့များ "လူနှစ်ကိုယ် အကြိုက်တစ်မျိုး" ဖြစ်သွားခဲ့မယ်ဆိုရင်??
ကဲ... ဘယ်လိုလုပ်ကြမလဲ??

အဲ့ဒါကြီးကတော့ နည်းနည်း Shock ရှိတာပေါ့ဗျာ.. နော့?

လောကကြီးမှာ ယောကျ်ားနှစ်မျိုးနှစ်စား ရှိတယ်ဗျ။

သူ့ကို ရန်သွားမစသရွေ့ ဘယ်သူ့မှ အန္တရာယ်မပြုတဲ့ မြွေဟောက်လို ယောကျ်ားမျိုးရယ်...

သူ့ကို ရန်စစ မစစ ဘယ်သူ့မှ အလွတ်မပေးဘဲ အသေကိုက်သတ်မယ့် ခြံင်္သေ့လို ယောကျ်ားမျိုးရယ်...

သေချာတာ ကျွန်တော်က မြွေဟောက်တော့ မဟုတ်ဘူးဗျ... ဟားဟား။
တကယ့် မြွေဟောက်အစစ်က Kim Myung Soo

အော် .... ဟုတ်သားပဲ !

Kim Myung Soo ဆိုတာ ဘယ်သူလို့ ခင်ဗျားတို့ကို ကျွန်တော် မပြောပြရသေးဘူးနော်?

အဲ့လိုပြောမှ သတိရတယ်။ ကျွန်တော့်ကိုယ် ကျွန်တော်လည်း မိတ်မှ မဆက်ရသေးဘဲ။

အမေပေးတဲ့ ကျွန်တော့် နာမည်က Lee Ho Dong

တော်ပါဗျာ... တောဆန်လွန်းလို့ Seoul လည်း ရောက်ရော "Lee Ho Won" လို့ ကိုယ့်ဘာသာကိုယ် ပြန်ပြောင်းပလိုက်တယ်။ အဟဲ။
အာ... ကျွန်တော် အဓိက ပြောချင်တာ ဒီနာမည် ကိစ္စ မဟုတ်ဘူး။ ခုန ကျွန်တော် အစပျိုးခဲ့တဲ့ "လူနှစ်ကိုယ် အကြိုက်တစ်မျိုး"
ဟုတ်တယ်... အဲ့ကိစ္စ။