Birthday Special (Completed)

The Man Who Wears Skirt (Epilogue)

Storyline By Me
Posted On : 03/09/2017
Starring : Sung Yeol , OC , Sung Jong

အိပ်တန်းဝင်သွားတဲ့နေရောင်ခြည်တွေကို တိမ်စိုင်တစ်ချို့က စောင်ခြုံပြီး ချော့သိပ်ပေးနေချိန် သူမ ဘေးက ယောကျ်ားဟာတော့ စကတ်ပန်းရောင်ကြီးတကားကားနဲ့ ဟိုပြေးဒီပြေး။

အဲ့ဒီစကတ်ကို ဘယ်လိုနည်းနဲ့ဖြစ်ဖြစ် သူ သိပ်ဝတ်ချင်နေရှာတာ။
ဘယ်လောက် ဝတ်ချင်လွန်းသလဲဆို Cosmetic အရောင်းဆိုင်မှာ သီချင်းတွေဖွင့်ပြီး ဆိုင်အပြင်ထွက် ကပြရတဲ့ အဲ့ဒီ အချိန်ပိုင်းဝန်ထမ်းတောင် နေ့ချင်းညချင်း ဝင်လုပ်ပစ်တဲ့အထိ။

Cosmetic ဆိုင်က ဝန်ထမ်းမလေးတွေက သူ့ Outfit ကို ငေးပြီး အကြောင်းအရင်းမရှိ ကြည်နူးရိပ် တဖွဖွ သင်းပျံ့နေလင့်ကစား။ သူ့ဘေးမှာ ရှိတဲ့ သူမသည်တော့ သူ့ Outfit ကို ငေးပြီး အကြောင်းအရင်းရှိရှိ သေချင်စော် တလှိုင်လှိုင် နံဟောင်လို့။

"အဲ့ဒီတော့ ဒီနေ့ အဲ့ဒီကောင်လေးက သူ့ကောင်မလေးအတွက် Cosmetic လာဝယ်ပေးမယ်လို့ နင့်ကို ဘယ်ဗေဒင်ဆရာဟောလိုက်လဲ ပြော"

ဒီဆိုင်က ပစ္စည်းလည်း အားနာနာနဲ့ တစ်ခုတစ်လေ ကောက်မဝယ်ဘဲ ဒီဆိုင်နားမှာတင် အခါတစ်ထောင်မက ရစ်သီရစ်သီ ဝဲနေတဲ့ သူမကို ဝန်ထမ်း ကောင်မလေးတွေ တော်တော်လေးတော့ မြင်ပြင်းကပ်နေလောက်ပြီ။

မတတ်နိုင်ဘူးလေ။

သူမ သုံးနေကျ Brand မဟုတ်တဲ့ ဒီ Cosmetic တွေအတွက် ငွေတစ်ပြားမှ မဖြုန်းချင်သလို သူမရည်းစားခန္ဓာကိုယ်ကိုလည်း ဒီ စပ်စလူးမနဲ့ နှစ်ယောက်တည်း ပစ်မှ မထားခဲ့နိုင်တာ။

"ငါ အလိုလိုသိတယ် ငါ့မှာ အာရုံရှိပါတယ်ဆို
ငါ့ကို ယုံပြီး ခဏလေးပဲစောင့်စမ်းပါ Ha Yumi ရာ"

ပထမဆုံးအကြိမ်အဖြစ် သူမနာမည်ကို သူ ရင်းရင်းနှီးနှီး ရေရွတ်လိုက်တယ်။
ဝမ်းနည်းဖို့ သိပ်ကောင်းတာက
ဒါဟာ တကယ့် Lee Sungyeol မဟုတ်ဘူးလို့ သတိဝင်လာပြီး၊ တစ်ဆက်တည်းမှာပဲ၊ သူမရဲ့ တကယ့် Lee Sungyeol ဘယ်များရောက်နေမလဲ လို့ သေမလို လွမ်းဆွတ်လာခဲ့တာ။

ဟုတ်ပါရဲ့ Sungyeol ရယ်။
နင် ဘယ်တွေများ ရောက်နေတာလဲ။

"ဒါနဲ့ နင့်နာမည်လေးက ခေါ်လို့ ကောင်းလိုက်တာ... Ha Yumi တဲ့!
ဟဲ့ ငါ့နာမည်နဲ့တောင် Mi တစ်လုံး ဆင်သေးတယ်... Mina နဲ့ Yumi... Yumi နဲ့ Mina... ဟီးဟီး"