Ms. SUNGIT meets Mr. MAS MASUNGIT

maarteng kapatid

Pagdating ng bahay ay agad sumalubong sa akin  ang kapatid kong  nag-aaral pa lang  sa  college at number one fan ng Jiro Migz dela Merced na iyon.

Ayon nga, habang pauwi ay kinondisyon ko iyong isip ko na hindi isipin ang lalaking iyon pero nang bumungad sa'kin ang pagmumukha nitong kapatid ko ay nasayang ang effort ko dahil agad pumasok sa isip ko ang Jiron ba iyon.

Mukhang inabangan talaga ako ng magaling kong  kapatid dahil bago pa ako nakakatok ng pinto ay all smile na nitong binuksan iyon.

"Oh, ano ate? Nakita mo ba sa personal ang " Miggy" ng buhay ko?" halos tumitili nitong tanong.

Naaburido tuloy ako lalo.
    

" Pwede ba Alicia, tigilan mo ako. Inuna mo pa talagang itanong sa'kin iyan? Kumustahin mo naman sana kung natanggap ba ako sa trabaho!" singhal ko  dito.

Nabubwesit pa ako sa Jiron na iyon tapos pinapaalala pa nang presensiya ng babaeng ito!
     
"Ate naman eh! Alam ko namang kayang kaya mong makapasok sa trabahong iyon noh! Ikaw pa!"
      
"Wag mo akong daanin dyan sa style mo na iyan!"  nakaismid kong  sabi sabay talikod sa kanya  pero sumunod pa rin siya sa akin.
       

" Ate naman!!! Kahit naswertehan kang nakita sa personal at nalanghap ang hanging hinihinga ng "Miggy ng buhay ko" ay super sungit ka pa rin!"
       

" Anong swerte sa pagmumukha ng lalaking iyon!" di ko napigilang sigaw dito.
       

" Lahat!!!" tila wala sa sariling anas nito baliwala ang pagtaas ng boses ko. "Para siyang diyos mula sa  Olympus na bumaba dito sa lupa upang bigyang inspirasyon lahat ng mga  kababaihan. Mapang-akit na mga mata, matangos ang perpektong mga ilong at mga labing parang kaysarap-"
    

" Tumigil ka Alicia!! Pinapaaral ka hindi para magpantasya ang  lalaking iyon!!" putol ko sa madramang   pahayag ng kapatid kong may pagkasinto-sinto.

Sino ba kasing matinong babae ang magkakagusto sa masungit na Jiron na iyon?
     
Nanggigil ako sa  kapatid kong  ito, katulad din ito ng halos lahat ng mga kababaihan sa Pilipinas maging sa ibang bansa na halos sambahin ang nilalakaran ng antipatikong lalaking iyon!
      

Kung iisipin nga bakit ba kasi kahit minsan ay hindi ako nagkainteres na tingnan ang larawan ng lalaking iyon na halos nakadikit sa lahat ng sulok ng silid ng kapatid kong  ito? Sana ay may ideya man lang ako sa hitsura ng lalaking iyon.

Iyon iyong unang beses na nakita ko ang Jiron na iyon. Hindi ko siya nakilala noong magpang-abot kadi sa taxi at napagkamalan ko pa siyang nag-aapply ng trabaho noong makasabay ko siya sa elevator.

Ang tanga ko talaga!

" Mag-aral ka at wag kung anu-ano ang inaatupag mo!"
nandidilat kong  sabi kay  Alicia  sabay pasok sa silid ko.
       

Kailangan kong  maghanda para bukas dahil di ako paaapi sa kulogong iyon! Akala mo kung sinong gwapo! Ang arte parang si Alicia lang din sa kaartehan!
Sarap pag- untogin! Nakakagigil..Bigla akong  napatigil nang may kumatok sa pinto.
       
" Ate.."
       

" Bakit?"  pasinghal kong sagot. Ang maarte kong  kapatid  ang kumakatok pero di ko ito pinagbuksan...
       
" Mas yummy ba talaga sa personal si Jiron Migz?"
       

" Aliciaaaa!!! Lumayas ka!"
        

"Ay...ang sungit para nagconfirm lang!"
        

" Bwesit kang bata ka!!!"

Lumagapak sa sarado kong pinto ang unan na itinapon ko dito bago ko narinig ang papalayong yabag ng kapatid ko.

Gusto niya bang matuyuan ako ng dugo?

Anong pinagsasabi niyang yummy? Si Coco Martin lang ang alam kong yummy kaya huwag siyang atribida!

Ang kulugong iyon, yummy? Paano ko malalaman eh  balot na balot ng three-piece suits ang isang iyon!!

Malapad nga iyong mga balikat niya pero hindi ko pa rin masiguro kung yummy ba talaga iyon dahil di ko pa nasilip kung may abs ba.

Ano bang pinag-iisip ko?

Naiinis kong sinabunutan ang buhok ko dahil sa tinatakbo ng utak ko.

Kasalanan lahat ito ni Alicia!  Hindi ko maisip ang bagay na ito kung hindi sinimulan ng babaeng iyon.

Babawasan ko ang allowance ng isang iyon! Akala niya hah!