(teaser)
Unang beses pa lang na makita ni Athena si Lance ay kumulo na agad ang dugo niya dito. Paano bang hindi siya magagalit eh, nagkasagutan agad sila nito. Muntik pa silang makulong ng kanyang pinsan sa kasalanang hindi naman nila ginawa dahil dito.
Akala niya ay hindi na muling magkukrus pa ang kanilang landas. Subalit dumating na lang ito isang araw sa kanyang bahay at may kasama pang isang medyo may edad nang lalaki na nagpakilalang kanya raw ama.
Mukhang madalas na silang magkikita ng binata dahil ito ang abogado ng nagpakilalang ama niya. Kaya ito na ang pagkakataon niya para gumanti sa binata.
Ngunit sa pagtataka niya ay bigla na lang itong humingi ng sorry at nakipagbati. Gusto lang daw nitong makipagkaibigan.
Paano kung may iba pang dahilan?
