ﺷﺎﻓﺘﻨﻲ ﻣﺎﻣﺎ ﺗﺨﻠﻌﺎﺕ ﺣﻴﺖ ﺟﻴﺖ ﺣﺎﻟﺘﻲ، ﺗﺮﻣﻴﺖ ﻓﺤﻀﻨﻬﺎ ﺍﻭ ﺑﻘﻴﺖ ﻛﻨﺒﻜﻲ .. ﺩﺭﺕ ﺍﻛﺒﺮ ﻏﻠﻄﺔ ﻣﻠﻲ ﺳﻤﺤﺖ ﻟﻴﻪ .. ﻃﻠﻌﺖ ﺍﻭ ﻧﻌﺴﺖ ﻋﻠﻰ ﺭﺟﻞ ﻣﺎﻣﺎ ﺍﻭ ﺍﻧﺎ ﻛﻨﺘﻨﺨﺼﺺ، ﻣﻔﻘﺖ ﺣﺘﺎﻝ ﺍﻟﺼﺒﺎﺡ، ﻓﻘﺖ ﺭﺍﺳﻲ ﺿﺎﺭﻧﻲ ، ﻣﻘﻀﺮﺗﺶ ﻧﺘﺤﺮﻙ ﻣﻦ ﺑﻼﺻﺘﻲ ﺍﻭ ﻏﻴﺮ ﺗﻔﻜﺮﺕ ﺷﻨﻮ ﻃﺮﺍ ﺑﻘﻴﺖ ﻛﻨﺒﻜﻲ ، ﺳﻤﻌﺖ ﺍﻟﺪﻗﺎﻥ ﻓﺒﻴﺘﻲ ﺍﻭ ﻫﻲ ﺗﺪﺧﻞ ﻣﺎﻣﺎ : ﻳﺎﺳﻤﻴﻦ ﺣﺒﻴﺒﺔ ، ﺍﻣﻴﺮ ﺟﺎ ﻳﺸﻮﻓﻚ" .. ﺍﻧﺎ : ﻣﺒﻐﻴﺘﺶ ﻧﺸﻮﻓﻮ ﺍ ﻣﺎﻣﺎ، ﺑﻐﻴﺖ ﻧﻨﻌﺲ" .. ﺳﺪﺍﺕ ﺍﻟﺒﻴﺖ ﺍﻭ ﺍﻧﺎ ﻛﻤﻠﺖ ﺑﻜﺎﻳﺎ، ﺣﺘﻰ ﺳﻤﻌﺖ ﺍﻟﺪﻗﺎﻥ ﻋﺎﻭﺗﺎﻧﻲ : ﻣﺎﻣﺎ ﻗﻠﺖ ﻟﻴﻚ ﻣﺒﻐﻴﺖ ﻧﺸﻮﻑ ﺣﺪ" .. ﺗﺤﻞ ﺍﻟﺒﺎﺏ ﺍﻭ ﺩﺧﻞ ﺍﻣﻴﺮ .. ﺍﻧﺎ : ﻋﺎﻓﺎﻙ ﺧﺮﺝ ﻓﺤﺎﻟﻚ ﺍﻧﺎ ﺑﺎﻏﺎ ﻧﻨﻌﺲ" ﺳﺪ ﺍﻟﺒﺎﺏ ﺍﻭ ﺟﺎ ﺟﻠﺲ ﺣﺪﺍﻳﺎ : ﻧﻮﺭﺓ ﻛﺎﻧﺖ ﻛﺘﻘﺮﺍ ﻣﻌﺎﻳﺎ ﻓﻜﻠﻴﺔ ﺍﻟﺘﺠﺎﺭﺓ ﺍﻭ ﻛﻨﺖ ﻛﻨﺒﻐﻴﻬﺎ ﺑﺰﺍﻑ ﺑﺄﺧﻼﻗﻬﺎ ، ﻛﺎﻧﺖ ﺃﻗﺮﺏ ﺻﺪﻳﻘﺔ ﻟﻴﺎ ﺍﻭ ﻛﺎﻧﺖ ﻋﻨﺪﻫﺎ ﻭﺣﺎﺩ ﺍﻟﻀﺤﻴﻜﺔ ﻛﺘﺤﻤﻖ، ﻭﻟﻜﻦ ﻛﺎﻧﺖ ﻓﻘﻴﺮﺓ ﻫﺪﺷﻲ ﻟﻲ ﻣﺨﻼﺵ ﺍﻷﺏ ﺩﻳﺎﻟﻲ ﻳﻮﺍﻓﻖ ﻋﻠﻰ ﺯﻭﺍﺟﻲ ﻣﻨﻬﺎ، ﺩﻛﺸﻲ ﻋﻼﺵ ﺗﺨﻠﻴﺖ ﻋﻠﻰ ﻛﻞ ﻣﻤﺘﻠﻜﺎﺗﻲ ﺍﻭ ﺗﺰﻭﺟﺘﻬﺎ ﺍﻭ ﻛﻨﺖ ﺧﺪﺍﻡ ﻋﻠﻰ ﻗﺪ ﺍﻟﺤﺎﻝ ﺍﻭ ﺣﺘﻰ ﻫﻲ ﻋﻤﺮﻫﺎ ﻣﺘﺸﻜﺎﺕ ﻣﻦ ﺷﻲ ﺣﺎﺟﺔ ﺍﻭ ﻛﺎﻧﺖ ﺻﺎﺑﺮﺓ ﻣﻌﺎﻳﺎ ، ﻣﻠﻲ ﻣﺮﺽ ﺍﻷﺏ ﺩﻳﺎﻟﻲ ﻋﻴﻂ ﻟﻴﻨﺎ ﻧﻌﻴﺸﻮ ﻣﻌﺎﻩ ﺍﻭ ﻃﻠﺐ ﻣﻨﺎ ﺍﻟﺴﻤﺎﺣﺔ، ﺍﻭ ﻣﺎﺕ ﺍﻟﻠﻪ ﻳﺮﺣﻤﻮ ﺍﻭ ﺗﻜﻠﻔﺖ ﺑﺎﻟﺸﺮﻛﺔ، ﺍﻭ ﻓﺎﻟﺤﻤﻞ ﺩﻳﺎﻟﻬﺎ ﻛﺎﻥ ﻋﻠﻴﻬﺎ ﺧﻄﺮ ﺍﻭ ﻧﺼﺤﻬﺎ ﺍﻟﻄﺒﻴﺐ ﺑﺎﻹﺟﻬﺎﺽ ﻭﻟﻜﻦ ﺍﺧﺘﺎﺭﺕ ﺗﻮﻟﺪ ﺍﺳﺎﻣﺔ، ﻫﺪﺷﻲ ﺩﺍﺭﺗﻮ ﺗﺨﺒﻴﺔ ﻋﻠﻴﺎ ، ﻣﻠﻲ ﻣﺎﺗﺖ ﺣﺴﻴﺖ ﺑﺮﺍﺳﻲ ﻣﻌﻨﺪﻱ ﺣﺘﻰ ﺃﻫﻤﻴﺔ ﻓﻬﺎﺩ ﺍﻟﺪﻧﻴﺎ، ﻭﻟﻜﻦ ﻟﻘﻴﺖ ﺑﻴﻠﻲ ﻃﺮﻑ ﻣﻨﻬﺎ ﻗﺪﺍﻣﻲ ﺍﻭ ﺍﺧﺘﺎﺭﻳﺖ ﻧﻌﺘﻨﻲ ﺑﻴﻪ ﺍﻧﺎ ﺑﻨﻔﺴﻲ، ﺟﻤﻌﺖ ﻛﻠﺸﻲ ﻛﻴﺘﻌﻠﻖ ﺑﻴﻬﺎ ﺍﻭ ﺣﻄﻴﺘﻮ ﻓﺎﻟﺒﻴﺖ ﺍﻟﻨﻌﺎﺱ ﺩﻳﺎﻟﻨﺎ ﺍﻭ ﺳﺪﻳﺘﻮ ﺍﻭ ﻣﻨﻌﺖ ﺍﻱ ﻭﺍﺣﺪ ﻳﻘﺮﺏ ﻣﻨﻮ ﻭﻻ ﻳﻠﻤﺲ ﺃﻏﺮﺍﺿﻬﺎ، ﺣﺘﻰ ﺟﻴﺘﻲ ﻧﺘﻲ ﺍﻭ ﺩﺧﻠﺘﻲ ﻟﻴﻪ ﺍﻭ ﻟﺒﺴﺘﻲ ﺍﻟﻜﺴﻮﺓ ﻟﻲ ﻛﺎﻧﺖ ﻻﺑﺴﺔ ﻗﺒﻞ ﻣﺎ ﻧﻤﻮﺕ، ﻛﻨﺖ ﻛﻨﺸﻮﻓﻬﺎ ﻫﻲ ﻧﺎﺯﻟﺔ ﻣﻊ ﺍﻟﺪﺭﻭﺝ ﺣﺘﻰ ﻗﺮﺑﺘﻲ ﻣﻨﻲ، ﻣﻌﺮﻓﺘﺶ ﺷﻨﻮ ﻃﺮﺍ ﻓﻴﺎ ﺣﺘﻰ ﺩﺭﺕ ﻫﺎﻛﺎﻙ ﻭﺍﻟﻠﻪ، ﻳﺎﺳﻤﻴﻦ ﺳﻤﺤﻲ ﻟﻴﺎ ﻣﻘﺼﺪﺗﺶ ﻧﻐﻮﺕ ﻋﻠﻴﻚ " ﺍﻧﺎ: ﻧﺴﻤﺢ ﻟﻴﻚ؟ ﻋﻼﻳﺎﺵ ﻧﺴﻤﺢ ﻟﻴﻚ؟ ﻣﻘﺪﻛﺶ ﺩﻛﺸﻲ ﻟﻲ ﺳﻤﺤﺖ ﻟﻴﻚ ﻋﻠﻴﻪ؟ ﺿﺮﺑﺘﻴﻨﻲ، ﺍﻏﺘﺎﺻﺒﺘﻴﻨﻲ، ﺣﻤﻠﺘﻴﻨﻲ ﺍﻭ ﺧﺮﺟﺘﻲ ﻟﻴﺎ ﻋﻠﻰ ﻣﺴﺘﻘﺒﺎﻟﻲ ﺍﻭ ﻓﺮﻗﺘﻴﻨﻲ ﻋﻠﻰ ﺍﻛﺜﺮ ﺍﻧﺴﺎﻥ ﺑﻐﻴﺘﻮ ﻓﺤﻴﺎﺗﻲ ﺍﻭ ﺳﻤﺤﺖ ﻟﻴﻚ، ﺍﻭ ﺷﻮﻑ ﺍﻟﻐﻠﻂ ﻟﻲ ﺩﺭﺕ ﺍﻧﺎ ﺍﻭ ﺑﺎﺵ ﻋﺎﻗﺒﺘﻴﻨﻲ، ﻣﺤﺎﻭﻟﺘﻴﺶ ﺣﺘﻰ ﺗﻤﻨﻌﻨﻲ ﻣﻨﻤﺸﻴﺶ .. ﺍﻧﺎ ﻣﻐﻨﺴﻤﺤﺶ ﻟﻴﻚ ﻓﻬﻤﺘﻲ ﺍﻭ ﺩﺍﺑﺎ ﺧﺮﺝ ﻋﻠﻴﺎ ﻓﺤﺎﻟﻚ" .. ﺑﺎﻥ ﻟﻴﺎ ﻭﻻ ﺣﻤﺮ ﺍﻭ ﻋﻴﻨﻴﻪ ﻣﻐﺮﻏﺮﻳﻦ، ﺧﺮﺝ ﺍﻭ ﺍﻧﺎ ﺑﺪﻳﺖ ﻛﻨﺒﻜﻲ ﺣﺘﻰ ﻛﻨﺤﺲ ﺑﻜﺮﺷﻲ ﺿﺮﺍﺗﻨﻲ، ﻳﻤﻜﻦ ﻛﻨﻀﺮﻫﺎ ﺩﻛﺸﻲ ﻋﻼﺵ ﻗﺮﺭﺕ ﻧﻨﻌﺲ ﺍﻭ ﺍﻧﺎ ﻣﺘﺄﻛﺪﺓ ﻣﻦ ﺣﺎﺟﺔ ﻭﺣﺪﺓ، ﺍﻧﺎ ﻛﻨﺒﻐﻲ ﺍﻣﻴﺮ .. ﻓﻴﻘﻨﻲ ﺍﻟﺪﻗﺎﻥ ﻓﺎﻟﺒﺎﺏ، ﻣﺒﻐﻴﺘﺶ ﺍﻟﻨﻮﺽ ﺣﻴﺖ ﻋﺎﺭﻓﺔ ﻣﺎﻣﺎ ﻏﺘﺤﻞ، ﻭﻟﻜﻦ ﺍﻟﺪﻗﺎﻥ ﻃﻮﻝ ﺍﺫﻥ ﻣﺎﻣﺎ ﻣﻜﻴﻨﺎﺵ، ﻧﻀﺖ ﺍﻭ ﺍﻧﺎ ﺷﺎﺩﺓ ﻛﺮﺷﻲ، ﺣﻠﻴﺖ ﺍﻟﺒﺎﺏ ﺍﻭ ﺍﻧﺎ ﻟﻘﺎ ﺍﻣﻴﺮ ﻫﺎﺯ ﻓﺎﻟﻴﺰﺗﻮ ﺍﻭ ﻛﻴﻀﺤﻚ، ﻣﻔﻬﻤﺖ ﻭﺍﻟﻮ ﺍﻭ ﺑﻘﻴﺖ ﻏﻴﺮ ﻣﺴﻤﺮﺓ ﻓﺎﻟﺒﺎﺏ.. ﺍﻣﻴﺮ: ﺍﻣﻤﻢ ﻏﺘﺨﻠﻴﻨﻲ ﻭﺍﻗﻒ ﻓﺎﻟﺒﺎﺏ ﺑﺰﺍﻑ؟ " .. ﺑﻌﺪﺕ ﻋﻠﻰ ﺍﻟﺒﺎﺏ ﺍﻭ ﺧﻠﻴﺘﻮ ﺩﺧﻞ ﺍﻭ ﺍﻧﺎ ﺑﺎﻗﺔ ﻏﺎ ﺣﺎﻟﺔ ﻓﻤﻲ ﺍﻭ ﻣﻔﺎﻫﻤﺔ ﻭﺍﻟﻮ : ﺍﺵ ﺟﺎﺑﻚ؟ ﺍﻭ ﺷﻨﻮ ﻫﺎﺩ ﺍﻟﻔﻠﻴﺰﺓ؟" .. ﺍﻣﻴﺮ: ﺍﻟﻤﻬﻢ ،ﺍﻧﺎ ﺷﺪﻳﺖ ﻛﻨﺠﻲ ﺍﻭ ﺟﻴﺖ ﻧﺪﻭﺯﻭ ﻫﻨﺎﻳﺎ" .. ﺍﻧﺎ: ﻛﺘﻔﻠﻰ ﻋﻠﻴﺎ؟ ﺷﻨﻮ ﺟﺎﺑﻚ ﺍ ﺍﻣﻴﺮ" .. ﺍﻣﻴﺮ: ﺍﻧﺎ ﻏﻨﺒﻘﻰ ﺟﺎﻟﺲ ﻫﻨﺎﻳﺎ ﺣﺘﻰ ﺗسمحي ليا او ﻣﺎﻣﺎﻙ ﺭﺍﻫﺎ ﻣﺸﺎﺕ ﺗﻘﺎﺑﻞ ﺍﺳﺎﻣﺔ، ﻗﻮﻟﻲ ﺗﺒﺎﺩﻟﻨﺎ ﺍﻷﺩﻭﺍﺭ ﺍﻧﺎ ﻭﻳﺎﻫﺎ" .. ﺍﻧﺎ : ﺍﻭ ﻣﻌﺎﻣﻦ ﺗﺸﺎﻭﺭﺗﻲ !يتبع ..
