ﺍﻣﻴﺮ: ﺍﻟﺤﻤﺪ ﻟﻠﻪ ﺩﻛﺘﻮﺭ، ﻧﻔﺺ ﺍﻟﻔﺤﻮﺹ ﻳﺎﻙ؟" .. ﺍﻟﺪﻛﺘﻮﺭ : ﺍﻩ ﻧﻔﺴﻬﻢ، ﺑﺎﻗﻲ ﻋﺎﻗﻞ ﻋﻠﻴﻬﻢ؟" .. ﺍﻣﻴﺮ : ﻣﻨﻘﻀﺮﺵ ﻧﻨﺴﻰ ﺑﺤﺎﻝ ﻫﺪﺷﻲ " .. ﺍﻧﺎ ﻛﻨﺖ ﺑﺤﺎﻝ ﺍﻟﺒﻬﻠﺔ ﻏﺎ ﺣﺎﻟﺔ ﻓﻤﻲ.. ﺧﺪﺍ ﺍﻟﺪﻡ ﻣﻨﻲ ﺍﻭ ﻣﻨﻮ ﺍﻭ ﺩﺧﻠﻨﺎ ﺑﺎﺵ ﻳﺪﻳﺮ ﻟﻴﺎ ﺍﻹﻳﻜﻮ ﺍﻭ ﻧﻌﺮﻑ ﺟﻨﺲ ﺍﻟﺠﻨﻴﻦ، ﺍﻟﻄﺒﻴﺐ : ﻫﻨﺘﻲ ﻫﻮ ﺍﻟﻘﻠﺐ ﻛﻴﻒ ﻛﻴﺘﺤﺮﻙ ﺍﻭ ﺭﺟﻠﻴﻪ ﻫﺎﻫﻮﻣﺎ ﺍﻳﺪﻳﻪ" .. ﺍﻧﺎ ﻣﺘﺒﻌﺔ ﺍﻭ ﺍﻣﻴﺮ ﻋﻴﻨﻴﻪ ﻣﺤﻴﺪﻫﺎﺵ ﻋﻠﻰ ﺍﻟﺘﻠﻔﺰﺓ ﻏﻴﺮ ﻣﻘﺎﺑﻠﻬﺎ، ﺍﻣﻴﺮ: ﻳﻌﻨﻲ ﻫﻮ ﻭﻟﺪ؟" .. ﺍﻟﻄﺒﻴﺐ : ﻫﻬﻪ ﻻ ﺑﻨﺖ، ﺣﻴﺖ ﻣﻮﺍﺿﺤﺎﺵ ﻣﺰﻳﺎﻥ، ﺍﻟﻮﻟﺪ ﻓﻬﺎﺩ ﺍﻟﻮﻗﺖ ﻛﻴﻜﻮﻥ ﺑﺎﻳﻦ ﻣﺰﻳﺎﻥ" .. ﻟﻘﻴﺖ ﺍﻣﻴﺮ ﺍﺑﺘﺎﺳﻢ ﺍﺑﺘﺴﺎﻣﺔ ﻛﺒﻴﻴﻴﺮﺓ ﺍﻭ ﺑﻘﻰ ﻛﻴﻘﻮﻝ: ﺑﻨﺖ ﻫﻪ ﺑﻨﺘﻲ"، ﺍﻧﺎ ﻛﻨﺖ ﻓﺮﺣﺎﻧﺔ ﺣﻴﺖ ﺣﺘﻰ ﻫﻮ ﻓﺮﺣﺎﻥ ﺍﻭ ﻏﺘﻮﻟﻲ ﻋﻨﺪﻧﺎ ﺑﻨﺖ، ﺭﺟﻌﻨﺎ ﻟﻠﺪﺍﺭ ﺍﻭ ﻛﻨﺖ ﻏﻴﺮ ﻣﻘﺎﺑﻼﻩ ﺍﻭ ﻫﻮ ﺑﻘﻰ ﻣﺒﺘﺎﺳﻢ .. ﺍﻟﻤﻬﻢ ﻭﻻﺕ ﻋﻼﻗﺘﻨﺎ ﻣﺰﻳﺎﻧﺔ ، ﺑﺪﻳﺖ ﻛﻨﺴﻰ ﺩﻛﺸﻲ ﻟﻲ ﺩﺍﺭ .. ﻛﺮﺷﻲ ﻭﻻﺕ ﻛﺘﻜﺒﺮ ﻛﺜﺮ ﺍﻭ ﻫﻮ ﻭﻻ ﻛﻴﻀﺤﻚ ﻣﻌﺎﻳﺎ ، ﺍﻭ ﺍﺳﺎﻣﺔ ﻭﻟﻰ ﻛﻴﺒﻐﻴﻨﻲ ﺍﻭ ﻭﺻﻼﺕ ﻟﺒﻌﺪ ﺍﻟﻤﺮﺍﺕ ﻛﻴﺒﺎﺕ ﻣﻌﺎﻳﺎ.. ﻭﺍﺣﺎﺩ ﺍﻟﻤﺮﺓ ﺑﺎﻥ ﻟﻴﺎ ﺍﻣﻴﺮ ﺧﺎﺭﺝ ﻛﻴﺠﺮﻱ ﺗﻌﻄﻞ ﻋﻠﻰ ﺍﻟﺨﺪﻣﺔ ﺍﻭ ﻃﺎﺣﻮ ﻟﻴﻪ ﺷﻲ ﺳﻮﺍﺭﺕ، ﺍﻭ ﺣﻴﺖ ﻣﻜﻨﻘﻀﺮﺵ ﻧﺠﺮﻱ ﻣﻘﻀﺮﺗﺶ ﻧﻮﺻﻠﻬﻢ ﻋﻠﻴﻪ، ﺩﺭﺗﻬﻢ ﻓﺠﻴﺒﻲ ﺍﻭ ﺗﻤﻴﺖ ﻃﺎﻟﻌﺔ ﻟﺒﻴﺘﻲ ﺣﺘﻰ ﻃﺎﺣﺖ ﻓﺒﺎﻟﻲ ﺍﻟﻐﺮﻓﺔ ﺍﻟﻤﺴﺪﻭﺩﺓ، ﻳﻤﻜﻦ ﺷﻲ ﺳﺎﺭﻭﺕ ﻣﻦ ﻫﺎﺩﻭ ﻏﻴﺤﻠﻬﺎ .. ﻣﺸﻴﺖ ﺑﺸﻮﻳﺔ ﻟﻴﻬﺎ ﺑﺎﺵ ﻣﺘﺴﻤﻌﻨﻴﺶ ﻟﻴﻠﻰ ﺍﻭ ﺗﻤﻨﻌﻨﻲ ﻭﺻﻠﺖ ﻟﻴﻬﺎ، ﺟﺮﺑﺖ ﺍﻟﺴﻮﺍﺭﺕ6 ﺍﻭ ﻣﺒﻐﺎﻭﺗﺶ ﻳﺘﺤﻠﻮ ﺍﻭﻑ ﺩﺭﺕ ﻫﺪﺷﻲ ﻏﻴﺮ ﻫﺎﻛﺎﻙ، ﻳﺎ ﺍﻟﻠﻪ ﻏﻨﻤﺸﻲ ﻛﺘﺒﺎﻥ ﻟﻴﺎ ﺷﻲ ﺣﺎﺟﺔ ﻛﺘﺒﺮﻱ ﻓﻤﺤﺒﻖ ﺻﻐﻴﺮ ﻛﻴﻦ ﺣﺪﺍ ﺍﻟﻐﺮﻓﺔ، ﻗﺮﺑﺖ ﻟﻴﻬﺎ ﻟﻘﻴﺘﻬﺎ ﺳﺎﺭﻭﺕ، ﺣﻠﻴﺖ ﺑﻴﻪ ﺍﻟﻐﺮﻓﺔ ﺍﻭ ﻫﻮ ﻳﺘﺤﻞ، ﻛﺤﻜﺤﻜﺢ ﺍﻭﻩ ﻛﻠﻮ ﻏﺒﺮﺓ، ﺩﺧﻠﺖ ﺍﻭ ﺳﺪﻳﺖ ﺍﻟﺒﺎﺏ ﺍﻭ ﺷﻌﻠﺖ ﺍﻟﻀﻮ ﺣﻴﺖ ﺣﺘﻰ ﻣﻦ ﺍﻟﺴﺮﺍﺟﻢ ﻣﺴﺪﻭﺩﻳﻦ، ﻟﻘﻴﺘﻮ ﺑﻴﺖ ﻧﻌﺎﺱ ﻛﻠﻮ ﻏﺒﺮﺓ ﻳﻌﻨﻲ ﺑﻴﻨﺔ ﻓﻴﻪ ﺑﻠﻲ ﻛﺜﺮ ﻣﻦ 3 ﺳﻨﻴﻦ ﻣﺘﺤﻞ ، ﻛﻴﻦ ﻓﻴﻪ ﻣﺎﺭﻳﻮ ﻛﺒﻴﻴﺮ ، ﻣﺸﻴﺖ ﺣﻠﻴﺘﻮ ﺍﻭ ﺍﻧﺎ ﻧﻠﻘﻰ ﻓﻴﻪ ﺑﺰﺍﻑ ﺩﻳﺎﻝ ﺍﻟﺒﺲ ﺩﻳﺎﻝ ﻟﻌﻴﺎﻻﺕ ﻭﻟﻜﻦ ﻓﺎﻳﺖ ﺍﻟﻤﻮﺿﺔ ﺩﻛﺸﻲ ﻗﺒﻞ 5 ﺳﻨﻴﻦ ﺗﻘﺮﻳﺒﺎ ، ﺍﻭ ﻭﺍﺣﺎﺩ ﺍﻟﻄﺒﻘﺔ ﻓﻴﻬﺎ ﻛﺴﻴﻮﺍﺕ ﺩﻳﺎﻝ ﺍﻟﺤﻤﻞ ﺯﻭﻳﻴﻴﻴﻨﻴﻦ ﻋﺠﺒﻮﻧﻲ ﺍﻭ ﺷﻲ ﺍﻛﺴﻴﺴﻮﺍﺭﺍﺕ، ﻫﺰﻳﺘﻬﻢ ﺑﺎﺵ ﻧﻠﺒﺴﻬﻢ ﺑﻼﺻﺔ ﻣﻨﺸﺮﻱ ﻭﺣﺪﻳﻦ ﺁﺧﺮﻳﻦ، ﺳﺪﻳﺖ ﺍﻟﻐﺮﻓﺔ ﺍﻭ ﺣﻄﻴﺖ ﺍﻟﺴﺎﺭﻭﺕ ﻓﻴﻦ ﻛﺎﻥ.. ﻃﻠﻌﺖ ﻟﺒﻴﺘﻲ ﻧﻴﺸﺎﻥ ﺍﻭ ﺑﺪﻳﺖ ﻛﻨﻘﻴﺲ ﻓﺪﻭﻙ ﺍﻟﻠﺒﺴﺎﺕ، ﺍﻭ ﻭﺣﺪﺓ ﻓﻴﻬﻢ ﺟﺎﺗﻨﻲ ﺯﻭﻳﻴﻴﻴﻨﺔ ، ﻛﺎﻧﺖ ﻋﺒﺎﺭﺓ ﻋﻦ ﻛﺴﻴﻮﺓ ﺳﻤﻴﻄﺎﺕ ﻛﺤﻠﺔ ﻣﺸﺪﻭﺩﺓ ﻣﻦ ﺍﻟﺴﺪﺭ ﺍﻭ ﻛﻠﻬﺎ ﻣﻔﺮﻓﺮﺓ ﺍﻭ ﺣﺪ ﺍﻟﺮﻛﺒﺔ ، ﻃﻠﻘﺖ ﺷﻌﺮﻱ ﺍﻭ ﺩﺭﺕ ﺑﻮﻧﻀﻮ ﺍﻭ ﻭﺍﺣﺎﺩ ﺍﻟﺨﺎﺗﻢ ﻭﺳﻂ ﺍﻹﻛﺴﺴﻮﺍﺭﺍﺕ ﺭﻗﻴﻖ ﺍﻭ ﺣﺠﻴﺮﺍﺕ ﺻﻐﺎﺭ، ﺍﻭ ﺧﺮﺟﺖ ﺑﺎﺵ ﻧﻮﺭﻳﻬﺎ ﻟﻠﻴﻠﻰ ﺣﺘﻰ ﻟﻘﻴﺖ ﺍﻣﻴﺮ ﻟﺘﺤﺖ، ﻣﻠﻲ ﺩﺍﺭ ﺷﺎﻓﻨﻲ ﺗﺼﺪﻡ ﺍﻭ ﺑﻘﺎ ﻭﺍﻗﻒ، ﺍﻭ ﻛﺎﻥ ﻫﺎﺯ ﺷﻜﺎﺭﺓ ﻓﺈﻳﺪﻭ ﻃﻴﺤﻬﺎ ﺍﻭ ﺑﻘﺎ ﻣﻘﺎﺑﻠﻨﻲ، ﺍﻧﺎ : ﻝ ﻟﻴﻠﻰ .. ﻩ ﻩ ﻫﺎﺩ ﺍﻟﺤﻮﻳﺞ ﺍﻧﺎ.." " ﻧﺘﻲ؟ .. ﻧﺘﻲ ﺷﻨﻮ؟ ﺷﻜﻮﻥ ﻗﺎﻟﻴﻚ ﺩﺧﻠﻲ ﺍﻟﻐﺮﻓﺔ؟ ﺍﻭ ﺍﺵ ﻟﺢgﻙ ﻟﻬﺎﺩ ﺍﻟﺤﻮﻳﺞ؟ ﻣﻌﻤﻦ ﺗﺸﺎﻭﺭﺗﻲ ﻳﺎ ﺍﻟﻠﻪ ﻧﻄﻘﻲ" .. ﺷﺪﻧﻲ ﻣﻦ ﺩﺭﺍﻋﻲ ﺍﻭ ﻭﺭﻙ ﻋﻠﻴﺎ ﺣﺘﻰ ﺗﻮﻋﺖ ﺍﻭ ﻋﻴﻨﻴﺎ ﻏﺮﻏﺮﻭ " ﻧﺘﻲ ﺍﻛﺒﺮ ﻏﻠﻄﺔ ﺩﺭﺕ ﻓﺤﻴﺎﺗﻲ، ﺍﻭ ﺍﻟﻐﻠﻄﺔ ﺍﻷﻛﺒﺮ ﻧﻬﺎﺭ ﻋﺮﺿﺖ ﺍﻟﺰﻭﺍﺝ ﺣﻴﺖ ﺍﻟﻠﻬﻢ ﺍﻟﺤﺒﺲ ﻭﻻ ﺍﻟﻌﻴﺸﺔ ﻣﻌﺎﻙ " .. ﺗﺼﺪﻣﺖ ﺍﻭ ﺑﻘﻴﺖ ﻏﻴﺮ ﻛﻨﺸﻮﻑ ﺍﻭ ﺩﻣﻮﻉ ﺳﻴﻠﻴﻦ ﻣﻦ ﻋﻴﻨﻴﺎ .. ﺩﺍﺯﺕ ﻫﺎﺩ 5 ﺷﻬﻮﺭ ﻟﻲ ﺩﻭﺯﺕ ﻣﻌﺎﻫﻢ ﻓﻠﺤﻈﺔ، ﺗﻔﻜﺮﺕ ﻧﻬﺎﺭ ﻣﺴﺢ ﻟﻴﺎ ﻓﻤﻲ ، ﻧﻬﺎﺭ ﻗﺎﺱ ﻛﺮﺷﻲ ﺍﻭ ﺧﺎﻑ ﻋﻠﻴﺎ، ﺍﻭ ﻧﻬﺎﺭ ﺷﻔﺖ ﺍﻟﻔﺮﺣﺔ ﻓﻌﻴﻨﻴﻪ ﻣﻠﻲ ﻋﺮﻑ ﻋﻨﺪﻧﺎ ﺑﻨﺖ، ﻭﺩﻧﻴﺎ ﺗﺴﻤﻜﻮ ﻣﺒﻘﻴﺘﺶ ﻛﻨﺴﻤﻊ ﺷﻨﻮ ﻛﻴﻘﻮﻝ، ﺍﻭ ﺭﺟﻊ ﻟﻴﺎ ﺩﻛﺸﻲ ﻟﻲ ﺩﺍﺭ ﻓﻴﺎ، ﻧﻄﺮﺕ ﺍﻳﺪﻱ ﻣﻨﻮ ﺍﻭ ﻃﻠﻌﺖ ﻟﺒﻴﺘﻲ ﺑﺪﻟﺖ ﺣﻮﺍﻳﺠﻲ ﺍﻭ ﺟﻤﻌﺖ ﺍﻟﺸﻲ ﻻﺧﺮ ﻑ ﻓﺎﻟﻴﺰﺗﻲ ﺍﻭ ﺑﺪﻳﺖ ﻛﻨﺠﺮﺟﺮ ﻓﻴﻬﺎ ﺑﺎﺵ ﻧﻤﺸﻲ ﺑﺪﻳﺖ ﻣﻬﺒﻄﺎﻫﺎ ﺍﻭ ﻫﻮ ﻣﻜﻴﻨﺶ ﻛﻴﻨﺎ ﻏﻴﺮ ﻟﻴﻠﻰ ﺍﻭ ﻣﺎﻣﺎﻩ .. ﻟﻴﻠﻰ : ﻳﺎﺳﻤﻴﻦ ﻧﻌﻠﻲ ﺍﻟﺸﻴﻄﺎﻥ ﻓﻴﻦ ﻏﺎﺩﺍ، ﺭﺍﻩ ﻏﻴﺮ ﻣﻌﺼﺐ، ﻫﻮ ﻣﻜﻴﺒﻐﻴﺶ ﻟﻲ ﻳﺪﺧﻞ ﻟﺪﻳﻚ ﺍﻟﻐﺮﻓﺔ ﺍﻭ ﺣﺬﺭﺗﻚ ﻗﺒﻞ، ﻋﺎﻓﺎﻙ ﻟﻤﺎ ﺩﻳﺮﻱ ﻋﻘﻠﻚ" .. ﻭﺍﻟﻮ ﻣﻘﻀﺮﺍﺗﺶ ﺗﺤﺒﺴﻨﻲ ﺩﺭﺕ ﻟﻲ ﻓﺮﺍﺳﻲ ﺍﻭ ﺧﺮﺟﺖ ﺣﺘﻰ ﻣﻦ ﺍﻟﺸﻴﻔﻮﺭ ﻣﺨﻠﻴﺘﻮﺵ ﻳﻮﺻﻠﻨﻲ .. ﺑﻘﻴﺖ ﺟﺎﺭﺓ ﻓﺎﻟﻴﺰﺗﻲ ﺍﻭ ﻛﺮﺷﻲ ﻗﺪﺍﻣﻲ ﺍﻭ ﻛﻨﺒﻜﻲ ﺣﺘﻰ ﺧﺮﺟﺖ ﻟﻠﺸﺎﻧﻄﻲ ﺍﻭ ﺷﺪﻳﺖ ﻃﺎﻛﺴﻲ ﺩﺍﻧﻲ ﻟﺪﺍﺭﻧﺎ، ﺍﻟﻄﺮﻳﻖ ﻛﺎﻣﻠﺔ ﺍﻭ ﺍﻧﺎ ﻛﻨﺘﻔﻜﺮ ﺍﻟﻜﻠﻤﺔ ﻟﻲ ﻗﺎﻝ ﻟﻴﺎ " ﻧﺘﻲ ﺍﻛﺒﺮ ﻏﻠﻄﺔ ﺩﺭﺕ ﻓﺤﻴﺎﺗﻲ" ..يتبع.
