ﻣﺸﻴﻨﺎ ﺍﻭ ﻫﻮ ﻳﻨﻌﺴﻨﻲ ﻓﺎﻟﺒﻴﺎﺱ ﻛﻴﻒ ﺩﻳﻤﺎ ﺍﻭ ﺟﺎ ﺩﺍﻙ ﺍﻟﻤﻔﺮﻭﺡ ﻛﻴﻬﺰ ﻟﻴﺎ ﻓﺤﻮﺍﻳﺠﻲ ﺑﻼﺻﺖ ﺍﻟﻄﺒﻴﺐ، ﺿﺮﺑﺘﻮ ﻹﻳﺪﻭ ﺍﻭ ﻏﻮﺑﺸﺖ ﻓﻴﻪ ﺍﻭ ﻫﻮ ﻳﻬﺪﺍ، ﺍﻟﻄﺒﻴﺐ ﺑﻘﻰ ﻏﻴﺮ ﻛﻴﻀﺤﻚ، ﺩﺍﺭ ﻟﻴﺎ ﺍﻟﺘﻠﻔﺎﺯﺓ ﺍﻭ ﻫﻲ ﺗﺒﺎﻥ ﻭﺍﺿﺤﺔ ﺑﻨﻴﺘﻲ ﺍﻟﺤﺒﻴﺒﺔ، ﺍﻳﺪﻳﻬﺎ ﺍﻭ ﺭﺟﻠﻴﻬﺎ ﻭﺟﻴﻬﺎ ﺍﻭﻩ ﻛﺘﺤﻤﻖ ، ﺍﻣﻴﺮ ﺣﻂ ﺍﻳﺪﻭ ﻋﻠﻰ ﺷﻌﺮﻱ ﺍﻭ ﺑﺪﺍ ﻛﻴﺸﻮﻑ ﻓﺒﻨﺘﻨﺎ ، ﻭﻟﻴﺖ ﻏﻴﺮ ﺣﺎﺿﻴﺎﻩ ﺍﻭ ﻫﻮ ﻛﻴﺒﺘﺎﺳﻢ، ﻋﻄﺎﻧﻲ ﺍﻟﻄﺒﻴﺐ ﺳﺪﻱ ﻟﻺﻳﻜﻮ ﺍﻭ ﺑﺪﺍﺕ ﻛﻨﻤﺴﺢ ﻓﻜﺮﺷﻲ ﻣﻦ ﺩﺍﻙ ﺍﻟﺒﺮﻭﺩﻭﻱ ﺍﻭ ﺍﻣﻴﺮ ﺣﻴﺪﻭ ﻟﻴﺎ ﻣﻦ ﺍﻳﺪﻱ ﺍﻭ ﺟﻠﺲ ﺑﺪﺍ ﻛﻴﻤﺴﺢ ﻫﻮ ﺍﻭ ﺍﻧﺎ ﻏﻴﺮ ﻛﻨﺸﻮﻑ ﻛﻨﺖ ﻛﻨﺤﺲ ﺑﻴﻪ ﻗﺮﻳﺐ ﻣﻨﻲ ﺑﺰﺍﻑ ﺍﻭ ﺑﺪﻳﺖ ﻛﻨﻮﻟﻔﻮ ﻣﻌﺎﻳﺎ .. ﺍﻣﻴﺮ : ﻳﺎﺳﻤﻴﻦ!" .. ﺍﻧﺎ : ﻧﻌﺎﻡ " .. ﺍﻣﻴﺮ : ﻣﻐﺎﺩﻳﺶ ﻧﺎﺧﺪ ﺑﻮﺳﺘﻲ ﺧﻼﺹ" ﺍﻭ ﻗﻄﻊ ﻋﻠﻴﺎ ﻟﺤﻈﺔ ﺍﻟﻌﺎﻃﻔﺔ ﺑﺄﻓﻌﺎﻟﻮ ﺍﻟﺼﺒﻴﺎﻧﻴﺔ ﻟﻲ ﻣﺠﻬﻼﻧﻲ ﻫﻬﻬﻪ .. ﻣﺸﻴﻨﺎ ﻟﻠﺪﺍﺭ ﺍﻭ ﺩﺧﻠﺖ ﻟﺒﻴﺘﻲ ﻧﻴﺸﺎﻥ ﺍﻭ ﺿﺮﺑﺘﻬﺎ ﺑﻨﻌﺴﺔ ﻭﺣﺪﺓ .. ﻣﻠﻲ ﻓﻘﺖ ﻣﺴﻤﻌﺘﺶ ﺣﺴﻮ، ﺧﺮﺟﺖ ﻣﻠﻘﻴﺘﻮﺵ ﻓﺒﻴﺘﻮ ، ﻳﺎﻟﻠﻪ ﻏﻨﺨﺮﺝ ﻧﺸﻮﻓﻮ ﻓﺎﻟﻜﻮﺯﻳﻨﺔ ﻟﻘﻴﺘﻮ ﻭﺭﺍﻳﺎ ﺑﻔﻮﻃﺔ ﺻﺎﻓﻲ ﺷﻌﺮﻭ ﺳﺎﺭﺩ ﺍﻭ ﻫﺎﺑﻂ ﻋﻠﻰ ﻋﻮﻳﻨﺎﺗﻮ ﺍﻭ ﻗﻄﺮﺍﺕ ﺩﻳﺎﻝ ﺍﻟﻤﺎ ﻧﺎﺯﻟﻴﻦ ﻋﻠﻴﻪ ﺣﺪﺭﺕ ﺭﺍﺳﻲ ﺍﻭ ﺑﻐﻴﺖ ﻧﻤﺸﻲ ﺍﻭ ﻫﻮ ﻳﺪﻳﺮ ﺍﻳﺪﻭ ﻋﻠﻰ ﺍﻟﺒﺎﺏ : ﻓﻴﻦ ﻏﺎﺩﺍ؟ ﺩﺧﻮﻝ ﺍﻟﺤﻤﺎﻡ ﺑﺤﺎﻝ ﺧﺮﻭﺟﻮ؟ ﺍﺟﻲ ﺍﺵ ﺩﺧﻠﻚ ﻟﺒﻴﺘﻲ، ﻳﻜﻤﺎ ﻗﺮﺭﺗﻲ ﺗﻌﻄﻴﻨﻲ ﺑﻮﺳﺘﻲ؟ ﻫﻬﻬﻪ " .. ﺍﻧﺎ : ﺣﻴﺪ ﻣﻦ ﺩﻳﻚ ﺍﻟﺒﺴﺎﻟﺔ، ﺑﻐﻴﺖ ﻧﺨﺮﺝ ﻓﺤﺎﻟﻲ، ﻣﺘﺤﻠﻤﺶ ﻧﻌﻄﻴﻚ ﺷﻲ ﺣﺎﺟﺔ " .. ﺣﻴﺪ ﺍﻳﺪﻭ ﺍﻭ ﻣﺸﻴﺖ ﻓﺤﺎﻟﻲ، ﺟﻠﺴﺖ ﻛﻨﺎﻛﻞ ﻓﺒﻴﺘﻲ ﺣﺘﻰ ﺳﻤﻌﺖ ﺍﻟﺪﻗﺎﻥ، ﺩﺧﻞ ﺍﻭ ﻫﺎﺯ ﺷﻲ ﺣﻮﺍﻳﺞ ﻓﺈﻳﺪﻳﻪ : ﻫﺎﺩﻭ ﻭﻻﻭ ﻟﻴﻚ ﺩﺍﺑﺎ، ﺗﻘﻀﺮﻱ ﺗﻠﺒﺴﻴﻬﻢ" .. ﺍﻧﺎ : ﺍﻣﻤﻢ ﺍﻭ ﺷﻨﻮ ﻟﻲ ﻏﻴﺮ ﺍﻟﻘﺮﺍﺭ ﺩﻳﺎﻟﻚ ﻫﺎﻛﺎ؟ ﺍﻣﻴﺮ : ﻋﻤﺮﻱ ﻓﻜﺮﺕ ﻓﺤﻴﺎﺗﻲ ﺍﻧﻪ ﺗﻘﺪﺭ ﺗﺪﺧﻞ ﺣﻴﺎﺗﻲ ﻭﻻ ﻗﻠﺒﻲ ﺷﻲ ﻭﺣﺪﺓ ﻣﻦ ﻏﻴﺮ ﻧﻮﺭﺓ .. ﻭﻟﻜﻦ، ﻃﺮﺍﺕ ﺍﻭ ﻣﻦ ﻏﻴﺮ ﻣﺎ ﻧﺤﺲ، ﻳﺎﺳﻤﻴﻦ، ﺍﻧﺎ ﻛﻨﺒﻐﻴﻚ" .. ﺑﻘﻴﺖ ﻏﻴﺮ ﻛﻨﺸﻮﻑ ﻓﻴﻪ، ﺑﺤﺎﻻ ﻣﺴﻤﻌﺖ ﻭﺍﻟﻮ، ﺍﻭﻻ ﻣﻤﺘﺄﻛﺪﺍﺵ ﺑﻠﻲ ﺳﻤﻌﺘﻬﺎ .. ﺍﻧﺎ : ﺵ ﺷﻨﻮ؟ ﺷﻨﻮ ﻗﻠﺘﻲ ﺩﺍﺑﺎ؟" .. ﺣﻂ ﻟﺤﻮﺍﻳﺞ ﻓﻮﻕ ﺍﻟﻜﺮﺳﻲ ﺍﻭ ﺟﺎ ﺟﻠﺲ ﺣﺪﺍﻳﺎ ﻓﺎﻟﻨﺎﻣﻮﺳﻴﺔ : ﻗﺪﺭﺗﻲ ﺩﺧﻠﻲ ﻟﻘﻠﺒﻲ ﺑﺘﺼﺮﻓﺎﺗﻚ ﺍﻟﺒﺮﻳﺌﺔ ﻣﻠﻲ ﻛﻨﺘﻲ ﻛﺘﻮﺣﻤﻲ، ﻓﻬﻤﺖ ﺑﻴﻠﻲ ﻛﺘﺴﻨﺎﻳﻨﻲ ﻧﺤﻤﻴﻚ ﻣﻠﻲ ﺷﺪﻳﺘﻲ ﻟﻴﺎ ﻓﻘﻤﻴﺠﺘﻲ ﺍﻭ ﺗﺨﺒﻴﺘﻲ ﻭﺭﺍﻳﺎ، ﻣﻠﻲ ﻏﻮﺕ ﻋﻠﻴﻚ ﺍﻭ ﺧﻠﻴﺘﻴﻨﻲ ﺣﺴﻴﺖ ﺑﻠﻲ ﺷﻲ ﺣﺎﺟﺔ ﻧﺎﻗﺼﺎﻧﻲ ﺍﻭ ﻣﻘﺪﺭﺗﺶ ﻧﺼﺒﺮ ﺍﻭ ﻧﺘﻲ ﺑﻌﻴﺪﺓ ﻋﻠﻴﺎ، ﺩﻛﺸﻲ ﻋﻼﺵ ﺟﻴﺖ ﺍﻭ ﺍﻧﺎ ﻧﺎﻭﻱ ﺗﺴﺎﻣﺤﻴﻨﻲ ﻋﻠﻰ ﻣﺎ ﺩﺭﺕ، ﺍﻭ ﻣﻠﻲ ﻛﻨﺎ ﻋﻨﺪ ﺍﻟﻄﺒﻴﺐ ﻋﺮﻓﺖ ﺑﻠﻲ ﻧﺘﻲ ﻏﺎﻟﻴﺔ ﻋﻠﻴﺎ ﺑﺰﺍﻑ ﺍﻭ ﻻ ﻛﻨﺒﻐﻴﻚ ﺑﺰﺍﻑ ".. ﺗﻜﻰ ﺣﺪﺍﻳﺎ ﻓﺎﻟﻨﺎﻣﻮﺳﻴﺔ ﺍﻭ ﻫﺰ ﺍﻟﺒﻮﺩﻱ ﺍﻭ ﺣﻂ ﺍﻳﺪﻭ ﻋﻠﻰ ﻛﺮﺷﻲ ﺍﻭ ﺑﺎﺳﻬﺎ ﺍﻭ ﺣﻂ ﺭﺍﺳﻮ ﻋﻠﻴﻬﺎ ﺍﻭ ﺍﻧﺎ ﺍﻟﻔﺮﺣﺔ ﻣﺤﺎﻃﺎﻧﻴﺶ ﻓﻮﻕ ﺍﻷﺭﺽ.. ﺷﻮﻳﺔ ﻗﻔﺰ ﻣﻊ ﻗﻔﺰﺗﻲ : ﺣﺴﻴﺘﻲ ﺣﺴﻴﺘﻲ؟ ﺿﺮﺑﺎﺗﻨﻲ ﻭﺍﻟﻠﻪ ﻭﺍﺵ ﺣﺴﻴﺘﻲ ﺑﻴﻬﺎ؟ " ﺍﻧﺎ : ﻫﻬﻬﻬﻬﻬﻪ ﻋﻼﻩ ﻫﻲ ﻧﻴﻀﺔ ﻓﻴﻦ؟ ﺭﺍﻫﺎ ﻓﻜﺮﺷﻲ ﻭﻋﺘﺎﺗﻨﻲ" ﻫﻬﻬﻪ ﺍﻭ ﺑﻘﻴﻨﺎ ﻛﻨﻀﺤﻜﻮ ﺍﻭ ﻧﻌﺴﺖ ﻷﻭﻝ ﻣﺮﺓ ﺑﻴﻦ ﺍﻳﺪﻳﻪ ﺍﻭ ﻛﻨﻌﻨﻘﻮ ﺑﺤﺎﻻ ﻏﻴﻤﺸﻲ ﺍﻭ ﻳﺨﻠﻴﻨﻲ ﺍﻭ ﻭﻟﺪ ﺍﻟﺤﺮﺍﻡ ﻣﻦ ﻓﻌﺎﻳﻠﻮ ﻣﺎ ﺗﻬﻨﻰ ﺣﺘﻰ ﺧﺪﺍ ﺑﻮﺳﺘﻮ ..يتبع
