جود
منذ مده وانا افكر بها حتى بالعمل لا اركز في عملي وافكر بها ... كنت ممدد على السرير اغمضت عيناي لأرسم شكلها في مخيلتي ... صحوت من افكاري على صوت والدتي وهي تقول
والدتي : جود حبيبي تعال تغده
جود : يي يلا ... ذهبت معها الى غرفة الطعام جلست امام والدي ... قلت ... بابا شوكت تخطبلي ليان
والدي : مو هسه بعد خل تكمل دارستهه
جود : لا يابه اخاف تطير من ايدي وتزوج ....
والدي : ابني احنا حاجزينها الك من وانتو اصغار ليان لجود وجود لليان ... يعني لتخاف ابوهه مينطيهه الك الك
جود : يي ميخالف اني اريدهه هسه .... كانت والدتي منزعجه من الموضوع تدخلت قائله
والدتي : يعني هسه انت ما لكيت غيرهه ....
والدي : ليش شبيهه بنت اخوي
والدتي : ما احبها لا هي ولا امهه وما يشرفني اخذهه لأبني ابني يستاهل وحده تسوه ليان واهلهه
والدي : لتحبيهه هاي مشكلتج .... وبعدين هذا الموضوع منتهي ... مو انتي تجين تتحكمين بأمور العائله ...
جود : يمه شبيهه ليان خوش بنيه ... ويكفي انو اني احبها
والدتي : 😬 شحبيت منهه متكلي
جود : ليان حبيبتي منذ الصغر
والدتي : كافي اسكت تريد تتزوجه لتكولي روح كول لأبوك لأن اني مو امك ولا يحقلي ادخل بيك
جود : هاي شبيج يمه .... ليش عصبتي
والدتي : يعني كل الامهات هن الي يزوجن اولادهم وهن الي يختارن العروسه الا اني ما اكدر ازوج ابني الوحيد على اختياري ....
والدي : يعني حتى لو اكولج روحي دوريله الي تعجبج هو راح يرفض ... لأن يريد بنت عمه
جود : صح كلام ابويه
والدتي : يي انت شيكول ابوك كول مثله ....اني متأكده ساحراتلك ...
والدي : شنو هذا الحجي متستحين ....
والدتي : ليش استحي هاي الحقيقه ...
والدي : لا اله الا الله تره طلعتي الغده من خشمي ... شوف جود باجر نروح لبيت عمك واخطبلك ليان رسمي جهز نفسك...... وانتي اذا متردين تجين خفه وراحه ....
جود : انشالله يابه باجر باجر .... كنت سعيد جدا ليان سوف تكون لي او بالاحرى هي لي انا فقط ....
.
.
.
جوري
اسير بحيره اذهب يمين وشمال وافكر هل علي يحبني ام لا فجأه اصطدمت بناديا ....
ناديا : هاي شبيج تفترين مثل الثوله ...
جوري : ناديا راح اموت من التفكير
