علي
ذهبت الى مكتب والد جود عندما رأني وقف ورحب بي ثم قال
والد جود : هاا بشر شصار وياك ... بعد ما اكدر اتحمل الشركة يوم عن يوم جاي تخسر ....
علي : والله ما اعرف شنو اكولك ...
والد جود : كول علي ...
علي : الصراحه الي عرفته انو اخوك هو الي ت يبيع المناقصات الشركات المنافسة ويأخذ قابيله كل مناقصه مبلغ يضاعف ربحهه ... وهدف من كل هذا .... انو انت تخسر وهو اليربح ... وهو يريد يقتلك علمود يستولي على كلشي ...
والد جود بصدمه : شنووو لا مستحيل اخويه ميسوي هيج بيه ....
علي : اني حجيت ويه الولد الي تعرضلك هذاك اليوم ... وسجلت المكالمه ... اخرجت هاتفي وشغلت تسجيل المكالمه التي كانت بيني وبين محمد قلت .... تفضل اسمع
والد جود : سمعت كل الكلام الذي قاله الشاب بقيت متصنم في مكاني لا اصدق ان اخي يفعل معي هذا ....
علي : هسه شنو راح تسوي
والد جود بغضب : مستحيل اخلي يفلت من بين اديه قلتها وخرجت من الشركة واتجهت الى منزله ....
علي : هههه كل هذا الي سويته وقليل بحقكم وبعدني ما حركت كلوبكم مثلماحركتو كلوبنه
.
.
.
والد ليان
كنت اهم بالخروج من المنزل متجها الى الشركة لكن رأيت اخي ينزل من سيارته تقدم نحوي ابتسمت له وقلت.... هلا والله تعرف هسه جنت دااجي للشركه
والد جود : ميحتاج تجي للشركه لأن شراكتنه انتهت ....
والد ليان : هاي شبيك ليش تحجي هيج ....
والد جود : ولك انت تستغفلني اليوم نهايتك على ايدي قلتها وهجمت عليه ...
والد ليان : ابعدته عني وصرخت بوجهه ... انت تخبلت شلون تمد ايدك عليه ... وبشنو اني استغفلتك ...
والد جود بصراخ : تسوي نفسك متعرف شي ...
والد ليان : احجي عدل خليني افتهم الموضوع ...
والد جود : ابشرك الي ردته صار الشركه على وشك الافلاس ... وشراكتك وياي خلص انتهت وبنتك راح اخلي ابني يطلكهه ويذبهه عليك ... وخلي العالم تأكل وجهك
والد ليان : تصنمت في مكاني من الذي سمعته لا اصدق ان اخي يشك بي اخي الذي لطالما اعتبرته قدوتي ... اخي الذي كسرت ابنتي وزوجتها لأبنه رغما عنها ... شعرت بألم قوي وتقلص في قلبي ... وضعت يدي على قلبي وانا اتألم قلت بألم ... الحكلي راح اموت من الوجع
والد جود : عساك بالموت .... تركته وذهبت
والدة ليان : خرجت من الصاله ورأيت الباب الخارجي مفتوح ذهبت لكي اغلقه ولكني رأيت زوجي ممدد على الارض ركضت اليه .....
