علي
اتصلت عليها ... فتحت الخط وكلانا صامت اسمع صوت بكائها وتسمع صوت بكائي .... كسرت حاجز الصمت وقلت ... حضري ملابسج وكوني جاهزه على الساعه 2بليل ...
ليان ببكاء : يعني ننهزم
علي : ماكو غير حل .... مستحيل اخليج تكونين لغيري ... ولتنسين جواز السفر
ليان ببكاء : ماشي ...علي خلي ببالك اني احبك وشنو يصير مراح استغني عن حبك ....
علي : ليان اني هم احبج وما راح اعوفج لو اموت .....
.
.
.
ليان
انتهيت من تجهيز اغراضي وكل شيء احتاجه .... خرجت من المنزل بحذر كان علي يقف امام الباب ... عندما رأني خرجت نزل واخذ مني الحقيبه وضعها في الصندوق ... وانطلقنا الى حيث لا اعلم .... اسندت رأسي على المقعد وقلت بحيره ... هسه وين راح نروح
علي : ما ادري وين ما عند الله كاع ....
ليان : اني خايفه
علي : امسكت يدها ... لتخافين اني وياج
ليان : ضغطت على يده اشعر معه بالامان .... ليش هيج دايسون بيه ... جايبيني للدنيا علمود يعذبوني .... 😢
علي : حبيبتي احنا لازم نتزوج ونخليهم امام الامر الواقع
ليان : اني علمودك اسوي كلشي ....
علي : بقيت اسير في الشوارع حتى خرجنا من بغداد قلت....احتمال نروح لأربيل
ليان : احتمال لو اكيد
علي : ما اعرف حاير
ليان : خلص حبيبي لتدوخ نفسك .... خلينا نروح لاربيل والله كريم
علي : اوكي ...
ليان : علي اكو واحد من عائلتك يعرف بينا انو راح ننهزم اني وياك ...
علي : لا محد يعرف بس امي وحذرتهه متكول لأحد
ليان : يي همزين ...
.
.
.
في اليوم التالي
في منزل ليان
والد ليان
الصراخ يعم المكان والكل يفكر اين يمكن ان تكون ليان
صفاء : يمه احجي اذا تعرفين ليان وين ...
والدة ليان : والله العظيم ما اعرف وينهه علمي علمكم ...
والد ليان : اني اعلمهه الكاها لو تطير ....
صفاء : يمه انطيني عنوان صديقاتهه خاف عند وحده منهن
والدة ليان : اني ما اعرف عنوان اي وحده من صديقاتهه
صفاء : ماشي اني اعرف شلون الكاهه ... اخذت صورتها وذهبت الى الاذاعه اعطيتهم الصوره لكي يعرضوها على العالم وقلت من يجدها يحصل على مبلغ مالي مقداره مليون واعطيتهم رقمي وبدأو يبثون الصوره على جميع القنوات
