علي
اني عشقتك واتخذت قراري فلمن اقدم يا ترى اعذاري ....
لا سلطه في الحب تعلو سلطتي فالرأي رأي والخيار خياري
(نزار قباني )
كنت اتأمل ذلك القلب الذي بيدي ... هل مازلتي تحبينني ... ام اصبحت مجرد ذكرى بالنسبه لك ... هاا قد مرت ايام واسابيع وانا لم اسمع صوتك ... لم ارى وجهك الجميل الذي اتفائل به كل يوم ... نزلت دموعي وانا اتذكرها ... كيف لي ان انساك كيف ... وانتي زرعتي بذره حبك في داخل قلبي وكل يوم يكبر حبي لك اكثر واكثر .... انتبهت الى خاتم الخطوبه ... خلعته ووضعته على الطاوله وخرجت من المنزل....
.
.
.
جوري
كنت في المطبخ اجهز الغداء مع خالتي ووالدتي وعندما انتهينا قالت خالتي ...
والدة علي : جوري حبيبتي روحي صيحي علي خل يجي يتغده
جوري : اي خاله هسه راح اصيحه ... ذهبت الى غرفته طرقت الباب ودخلت ... علي تعااا... لم يكن بالغرفه اين ذهب قبل ان اخرج لفت انتباهي شي يلمع على الطاوله ... اقتربت حتى رأيت خاتم الخطوبه ... ادمعت عيناي وانا اراه مرمى على الطاوله ... التقطته من على الطاوله وخرجت من الغرفه... ذهبت الى غرفتي ونزلت دموعي المحرقه ... كنت ابكي بحرقه ... لماذا هو يفعل هكذا معي ما الذي فعلته له لكي يجرحني بهذه الطريقه ... دخلت ناديا للغرفه ... مسحت دموعي بسرعه ....
ناديا : جوري وينج ماما دزتج تصيحين علي وانوب انتي تختفين مثله ... يلا تعالي تغدي
جوري : اني ما اريد انتو تغدو ...
ناديا : جوجو حبيبتي بيج شي
جوري : هاا... لا ما بيه شي
ناديا : اقتربت منها وجلست بجانبها ... انتي صارلج فتره مو طبيعيه وتصرفاتج غريبه ... احجيلي فضفضيلي ...
جوري ببكاء : من يوم خطوبتنا ولحد هسه ما حجه وياي ... ولا طلعنه مره ... ما اعرف دا احسه مايردني ...
ناديا : لج شنو هالحجي شنو ميريدج لو ميريدج جان ما خطبج
جوري : اخرجت الخاتم من جيبي وقلت .... لعد شنو تفسرين هذا ...
ناديا : هاي حلقه علي ...
جوري : اي ... اكو واحد ينزع حلقه خطوبته ... تعرفين لكيتهه مشموره على الطاوله ....
ناديا : تره انتي مكبره السالفه ... يمكن نزعهه ونساهه على الطاوله ...
جوري : اذا اني بهاي مكبره السالفه ... زين احنا مخطوبين ومن حقي اكعد ويا تسولف سوه نطلع سوه اريد احس اني مخطوبه .... بهاي هم مكبره السالفه
ناديا : بصراحه حقج ... ولا يهمج اليوم اني احجي ويا ...
جوري : لا لتحجين ويا عوفي على راحته ... او اني راح احجي ويا ...
