Royale Series 1: HATE THAT I LOVE YOU (COMPLETED)

Chapter One

Chapter One

            “Bakit ba ikaw ang habol ng habol sa akin? Hindi ba halata na wala akong gusto sa iyo? Mahiya ka naman Megan hindi gawain ng isang matinong babae na manligaw sa lalaki.” Kunot noong bulyaw sa kanya ni Claude, na schoolmate niya at kaibigan ng kapatid niyang si Jaxon. Katulad ng kuya niya third year college na ito at halata ba kung paano sila nagkakilala? Of course kaibigan siya ng kuya niya and yes the usual unfortunate event, she fell in love with her brother’s bestfriend.

            Pero hindi gaya ng nababasa sa mga pocketbooks hindi nasuklian ang pagmamahal niya dito. Palagi naman siya nitong tinataboy dahil sa kagagawan din niya kaya lang mukhang napasobra siya ngayon dahil nag-away ito at ang girlfriend nito na si Sarah. Sobrang galit ang nakita niya sa mga mata nito. All anger and pure disgust at her. Feeling niya ay nahihirapan siyang huminga sa mga titig nito sa kanya. Alam niyang mali ang ginawa niya, alam niyang nakakasakit na siya pero kung ikaw ba ang magmamahal gagawin mo rin ang lahat ng katangahan sa mundo para lang sa taong mahal mo. Siguro nasobrahan lang siya.

            Mag-so-sorry sana siya kaya lang ay naunahan na naman siya nitong magsalita. “Sorry to say this Megan but I don’t like you at kahit kapatid ka ng bestfriend ko hinding-hindi kita magugustuhan. You are not my type.” And he looks at her from head to foot at hindi siya tanga upang hindi malaman kung anong klaseng tingin ang ibinibigay nito sa kanya. Nakakawala ng self-confidence hindi naman kasi siya ganoon kaganda.

            Nasaktan siya, gusto niyang umiyak, sino ba naman ang hindi iiyak? Taong mahal mo ang nagsasalita ng ganoon sa iyo. Balak lang naman sana niyang yayain itong maging date sa grandball pero nalaman niyang si Sarah ang dadalhin nito. She wanted his time and attention pero he wanted to rid her off his life. Isang masakit na katotohanan na hindi niya kayang tanggapin at hindi niya kayang harapin.

            At alam din niya kung bakit hindi siya magugustuhan nito. Sino nga lang ba siya kompara sa masungit na girlfriend nitong si Sarah. Hindi siya umabot ng limang talampakan, maiksi ang buhok at nakasalamin dahil malabo ang mata. Ang maipagmamalaki lang naman niya ay ang talino niya na hindi naman talaga ganoon ka outstanding kasi marami namang matatalino na tulad niya.

Minsan ay naisip niya kung kapatid ba talaga niya ang kapatid niya, hindi sila magkamukha kasi gwapo ito katulad ni Claude. Kung sana ay naging matangkad at maganda siya malamang baka napansin din siya ni Claude. Kaya lang ay hindi eh... impossible...

            Pinigilan niya ang mga luhang gusto ng pumatak sa mga mata niya habang nakatitig sa palayong bulto ng binata. Narinig niya ang tawanan ng mga tao sa buong paligid, sa buong department kung saan siya pinahiya ng husto ng lalaking pinakagusto niya. Lahat sila ay nakatingin sa kanya na para bang sinasabi na nababaliw na siya at nakakahiya iyong nangyari sa kanya. Ngayon lang siya nakaramdam ng ganoong pagkapahiya at ganoong sakit. Gusto niya itong takbuhin at sabihin na bawiin nito ang lahat ng sinabi nito pero pakiramdam niya mas gusto nalang niyang bumukas ang lupa at lamunin siya ng buong-buo. Iyong wala ng matira sa kanya kahit na isang hibla ng balahibo niya.