حلم

Chapter one

*بيفتحوا الباب*
يا ملك !! اصحي يا عروسة
*زغاريط*
ملك : (فتحت عينها و بصتلهم ) : رودينا و ليلي .. هي الساعة كام ؟!
رودينا : الساعة تسعة يا هانم كل ده نوم ؟
ليلي: احنا جاينلك اهو من الصبح لحد الفرح بليل علي قلبك هههههه
ملك : يخليكوا ليا يا رب
*الام دخلت*
يلا يا عروسة صحي النوم عشان نطلع علي فيلا بتاعت عمتك
ملك : صحيت اهو يا ماما .. ماشي هقوم اغسل وشي و البس
الام : و انا هروح اعملكوا سندوتشات للفطار ناكلهم في العربية ..
ليلي : و انا هساعدك يا طنط
*الام و ليلي خرجوا من الاوضة*
رودينا : انا هستناكي برة معاهم بقي
ملك : استني يا رودي ..
رودينا : ايه ؟
ملك : انا حلمت حلم غريب اووووي
رودينا : و هو ده بزمتك وقت احلام ؟!
ملك : انا بكلم جد يا رودي .. حاسة احساس غريب عمري محسيته .. حاسة اني مبسوطة و مرتاحة نفسيا اوووي .. احساس محستوش من ايام ابتدائي
رودينا : ما اكيد مش فرحك انهردة ؟ ايه كنتي بتحلمي بحازم و لا ايه ؟
ملك : لا ..
رودينا : يالهوي ؟ امال مين ؟؟
ملك : معرفش .. واحد اول مرة اشوفه و لا اعرفه .. كنت راكبة معاه زي مركبة كده و كانت الشمس بتغرب .. و كنا واقفين نفس واقفة تايتنك دي .. فاكراها ؟
رودينا : (باستهزاء) و اغنية my heart will go on كانت شغالة برده ؟
ملك : لا .. اغنية i want to stay my life time loving you دي عارفاها ؟
رودينا : (بتتريق) ازاي ده فيلم و ده فيلم تاني خالص هههههههه
ملك : يا رودينا كفاية هزار .. انا بكلم بجد .. انا كنت حاسة ان معنديش مشاكل و ان الدنيا حلوة اووي .. مش قادرة اوصفلك اد ايه كنت فرحانة ..
رودينا : تلاقيه حازم بس انتي كنتي واقفة بضهرك فمشفتيهوش هههههههه
ملك : لا يابنتي حازم ابيضاني و ملون .. لكن ده اسمراني كده و شعره اسود و طوييل ..
رودينا : (بهزار) و اسمه ايه بقي الكتش
ملك : متكلمناش و لا كلمة و لا حتي قالي اسمه
رودينا : انتي هابلة يا ملك ؟ كل ده عبط تشليه من دماغك مش حلم اللي هيخليكي قاعدة تفكري في اسم واحد لمجرد انك حلمتي بيه .. ده حلم يابنتي في ايه
ملك : هو انا اول مرة احلم ؟ بس ده كان..
رودينا : (قاطعتها) بقولك ايه .. انا خارجة اقعد معاهم برة لحسن انتي اتهبلتي شكلك
*موبيل ملك بيرن*
ملك :(بتبص في الموبيل) ده كريم ..
الوو
كريم : ملك انا مخنووووق جدا
ملك : (بقلق) ماااالك يابني خير حصل ايه ؟!!
رودينا : يادي النكد
كريم : مش هينفع في الموبيل .. عايز اشوفك ..
ملك : انا فرحي انهردة يا كريم
كريم : عارف .. بس انا مخنوق بقولك .. و منمتش طول الليل و مش شايف قدامي بجد ..
ملك : متقلقنيش عليك .. خلاص انا جيالاك ..
كريم : انا في النادي تعالي بسرعة
ملك : حاضر مسافة السكة .. سلام
رودينا : انتي فعلا هتروحيله ؟
ملك : امال هسيبه مدايق ؟!
رودينا : و هو ملوش صحاب غيرك ده بيدلع
ملك : طلاما كلمني انا .. بيقي محتاجني انا ..
رودينا : انتي نسيتي ان في ناس من البيوتي سنتر جايين الساعة عشرة و نص ؟!
ملك : (بتبص في الساعة) و ناو تسعة و ربع .. هنزل بسرعة و متقوليلهمش قشطة !
رودينا : قشطة ياختي ..
_______________________________________
*في النادي*
ملك : كرييييم مالك في ايه ؟؟؟
كريم : امبارح كنت سهران مع جيجي و الشباب قشطة ؟ لاقيتها بتقولي انها مسافرة بعد بكرة مع صحابها .. اللي هو بتقولي مش بتستأذن اتعصبت عليها طبعا .. و ردودها كانت مستفزة و صوتنا علي بقولها صوتك ميعلاش .. راحت رامية الدبلة في وشي
ملك : انتوا كبرتوا الموضوع اووي يا كريم ..
كريم : انا مكملتش .. انتي عرفاني عصبي و الحركة اللي عملتها قدام الشباب دي عصبتني جامد .. محستش بنفسي غير و انا بضربها بالقلم ..
ملك : انت اتجننت يا كريم ؟! ما كل البنات لما بتزعل من خطيبها بتقلعله الدبلة يعني
كريم : بقولك رمتها في وشي .. و علت صوتها و معملتليش حساب قدام صحابنا حتي .. و ماشي الموضوع مش مستاهل اللي انا عملته بس انا عصبي و انتي عارفة و بعدين انا مش جايبك تأنبيني يا ملك !
ملك : اهدي يا كريم مش كده احنا بنكلم .. طب هي عملت ايه لما ضربتها ؟
جيجي : صرخت و قعدت تكسر في الكبيات اللي قدمها .. و طبعا شتمت .. و البنات قعدوا يحوشوها و الرجالة خرجوني برة الكافية .. دخلت تاني بعد شوية ملقتهاش .. و الكافية اصلا في التجمع في حتة صحرا يعتبر .. معرفش روحت ازاي و لا مع مين
اتصلت علي صحبتها اما روحت قالتلي ملكش دعوة بيها و كلام من ده .. اتعصبت و شتمتها برده
ملك : انت نيلت الدنيا يا كريم
كريم : عارف .. انا دلوقتي عايز اصلح الحوار
ملك : مانتوا ممكن تتصالحوا يا كريم .. بس الفكرة في انكوا ازاي هتتعملوا مع بعض بعد كده .. جيجي مجنونة و طايشة و انت عصبي و حابب دور السي السيد اووي
كريم : هو ده طبعي و تستحملني ..
ملك : و انت تستحملها .. مشكلتك يا كريم انك مش عايز تضحي خالص او تتنازل عشان الدنيا تمشي .. انت مينفعش تسيب جيجي ده مبدأيا .. انتوا داخلين في العشر سنين مرتبطين .. لازم تصالحها بأي تمن حتي لو هتيجي علي نفسك او كرامتك ..
كريم : انا كلمتك عشان عارف انك هتنصحيني بجد و هرتاح لما اكلمك يا ملك .. اللي هتقوليهولي هعمله
ملك : انا هكلمها باعتبارنا كنا صحاب و دفعة واحدة و كده بعيد عنك خالص .. و اكلم معاها و اقولها انك حكتلي و نشوف حل ..
كريم : قافلة موبيلها من امبارح ..
ملك : اكلمها واتس آب ؟!
كريم : مش بتفتح كتير ..
ملك : امال هنوصلها ازاي ؟؟
كريم : بصي .. احنا نروحلها البيت
ملك : انا مسافرة بكرة يا كريم ..
كريم : ما احنا نروحلها انهردة
ملك : يابني انا فرحي بليل ههههههه
كريم : دلوقتي عشرة الصبح .. و انتي فرحك بليل قدامنا وقت اهو ..
ملك : ايوة بس في حاجات بنعملها الصبح قبل الفرح
كريم : حاجات ايه .. مانتي حلوة اهو من غير حاجات .. يا ملك انا مثقش في حد غيرك يجي معايا انا لو روحت لواحدي ممكن تطردني لكن وجودك معايا هيحرجها
ملك : بس يا كريم انا مقولتش لحد اني نزلت .. انا نزلت سرقة كده من وراهم و قولت لرودي تقلفلهم اي كدبة .. و قفلت الموبيل
كريم : انتي طيبة اوي يا ملك .. و الله انا لو كان ليا اخت مكونتش هحبها كده
ملك : و انت كمان يا كريم صاحبي و اخويا و الله و مقدرش اشوفك مدايق
كريم : هي البت رودينا كانت عندك بدري كده ليه ؟!
ملك : رودينا و ليلي جايين معايا في الفيلا عند عمتي لحد الفرح .. اكيد مش هبقي لوحدي في يوم فرحي
كريم : قرايبك البنات مجوش عندك ليه
ملك : احنا اصلا مش صحاب اوي و هما واخدين موقف زبالة من ساعة متخطبت لحازم .. فاهم اللي هو شايفينه الراجل الفظيع اللي البنت تتحسد عليه .. مع انه عادي يعني
كريم : ملك انتي بتحبي حازم ؟!
ملك : (اتلبخت) ايه لازمته السؤال ده ؟ او بتسأل ليه ؟!
كريم (ابتسم) : لسة عندك وقت لو مش بتحبيه سبيه .. دي نصيحة مني
ملك : (سكتت) : بتقول كده ليه
كريم : و البت هايدي مجتش مع رودينا و ليلي ليه ؟
ملك : شكلها لسة مكتأبة من ساعة مفركشت
كريم : فركشت ايه ياما .. هو مكنش بيحبها اصلا و قالها انتي زي اختي هههههههه
ملك : مش كانوا متصحبين ؟
كريم : لا هو واخدها اخته و صاحبته و هي بتحبه بس قشطة شكله حس و قرر يقطع معاها هههههههه
ملك : يا حراام .. بتضحك علي ايه يا كريم بس
كريم : عادي بقي .. هنروح لجيجي امتي ؟!
ملك : بس يا كريم ..
كريم : الساعة ٣ قشطة ؟
ملك : و هقولهم ايه ؟!
كريم : قلفي اي كدبة مش حوار
ملك : امري لله
كريم : اييوة بقي يا ملوكة ههههه
ملك : طب انا هقوم بقي
كريم : قشطة بس افتحي تليفونك
ملك : حاضر ..
_______________________________________