حلم

Chapter Four

رودينا : ده جناااان !! اللي انتي بتحكييه ده جنان !! مش قصة انك مجوزة .. قصة انك بتحبي شخصية وهمية ! مش في الطبيعة .. وصلت انك بتحبي واحد في خيالك ؟!
ملك : الشخصية دي حتي لو وهمية هي اللي مخلياني اكمل حياتي ...
رودينا : و لو بطلتي تحلمي بيه ؟ هتجبيه منين تاني
ملك : (سكتت) مالك عايش معايا و قدامي و انا صاحية و انا نايمة و في كل وقت
رودينا : انتي عايشة في وهم ! و انا لو هفضل اسمع هبلك ده ابقي بساعدك تكملي في جنانك .. انا ماشية
ملك : استني يابنتي رايحة فين
رودينا : متتصليش بيا تاني يا ملك غير لما تقوليلي انك نسيتي الهبل ده .. انا مش هشيل نفسي زنب حاجة زي دي .. لو عايزانا نفضل صحاب مالك ده متجبيش سيرته قدامي !
ملك (سكتت)
رودينا : طب خلاص اقعدي متبقيش رخمة
_____________________________________

*في الصالة*

هايدي : قولت اجي اقعد معاك بقي و انت بتاكل .. اصل حاجات البنات و اللبس و ااتفاههة بتاعتهم دي بتشلني
حازم : امال انتي بتحبي ايه
هايدي : بحب الحب
حازم : لا يا شيخة ..
هايدي : اه .. بس يمكن لسة ملقتش الانسان اللي احبه و يحبني .. (بصتله) بس شكلي هلاقيه قريب
حازم (قام) : شبعت
هايدي : رايح فين ؟!
حازم : طالع اخد شاور .. طبعا البيت بيتك .. بعد اذنك
_______________________________________

*بعد مرور ٤ ساعات*
*في الاوضة*

حازم : كلموني قدامهم عشر دقايق
ملك : (بتحط برفان) تمام ينوروا
حازم : بقولك ايه .. انتي تعرفي هايدي دي منين ؟
ملك : هايدي صاحبتنا من ايام الجامعة .. اتعرفنا عليها في رحلة و بقت صاحبتنا
حازم : بصي هايدي دي مش تمام
ملك : ليه ان شاء الله !
حازم : هو كده .. انا بقولك اهو هي مش تمام خففي علاقتك بيها .. عجباكي اولعي بيها بس بعيد عني
ملك : هو انت ليه بتكره كل صحابي ؟ يعني انت هتبسط لو كل شوية اقولك كومنتات علي صحابك؟
حازم : اقفلي الحوار .. انتي حرة
ملك : ماشي
حازم : و افردي وشك .. غادة اختي لسة جاية من السفر علي هنا و انتي فاهمة التجربة اللي مرت بيها .. فخلي بالك من كلامك معاها ..
ملك : حاضر
حازم : بينهم وصلوا .. تعالي ..
_______________________________________

*في الريسبشن*

حازم : واحشاني يا غادة و الله
غادة : و انت كمان يا حبيبي
حازم : و الله وشك نور بعد مخلصتي من بوز الغراب ده
غادة : و مين سمعك ده انا صحابي بيبركولي علي الطلاق
الام : اه و الله ده انا زغرطت لما خلصنا منه
غادة : بس مراتك زي القمر يا حازم ما شاء الله
الام : المهم مريحاك يابني
حازم : هي محترمة و ده اكتر حاجة عجبتني فيها بس .. و حلوة ماشي بس خيبة اوي في شغل البيت
الام : بكرة تتعلم
غادة : هي فين صحيح كل ده ؟
حازم : يا ملك ! كل ده بتيجي العصير (بيزعق)
ملك (جاية و شايلة صنية العصير و بتقدم لغادة) : اتفضلي
(الصنية وقعت علي غادة)
ملك : انا اسفة جدااا و الله
غادة : مش مشكلة عادي و لا يهمك
حازم : مش تاخدي بالك (بيزعق) .. و واقفة كده ليه متروحي تجيبلها لبس تلبسه و امسحي الارض ! مش عيب عليكي في سنك ده و مش عارفة تشيلي صنية ! بتعرفي تعملي ايه في حياتك يا شيخة قرفتيني في عيشتي !
ملك (بصتله بقرف و دمعت)
حازم : انتي هتقفي تصوريني !!!!! (بيزعق)
ملك (طيرت فازة الورد من علي الطربيزة) اسلوبك ده تكلم بيه واحدة شغالة عندك ! و انا مش عشان سكتلك هتسوق فيها (بتعيط و تصوت) انا مش هسمحلك تتكلم كده تاني انت فاهم ؟
حازم (طير الطربيزة) : (بيزعق) انتي بتهديدني و بتعلي صوتك عليا !!! غوري من وشي دلوقتي حالا عشان ممسحش بكرامتك الارض
غادة : اهدي يا حازم مش كده
ملك : هي وصلت لكده ؟ طيب يا حازم .. (طلعت الاوضة )
الام : اطلع ورا مراتك يابني
حازم (خرج متعصب برة الفيلا)
غادة : طب نطلعلها يا ماما ؟
الام : مش عارفة و الله
(ملك نازلة بشنطة هدومها)
الام : علي فين يابنتي
ملك : (مردتش و بتعيط و خرجت برة الفيلا)