حلم

Chapter nine

ملك (صحيت فجأة) : ماااااالك !!! (حطت اديها علي بوقها) يالهوي لا يكون حازم سمع (بتبص في الساعة) .. لا لسة بدري .. بس مالك فيييين !!! ازاي انام و محلمش بيييه !!
(بتتصل برودينا)
رودينا : سوري يا ملك نسيت اتصل بيكي لما قفلت
ملك : رودي (بتعيط) انا مشفتش مالك انهردة ! اول مرة تحصل .. نمت و حلمت بنفس المكان اللي كنت بشوفه فيه بس كنت لوحدي .. هو مكنش موجود .. مصيبة ليكون ده نهاية الحلم فعلا .. مصيبة ليكون كان عندك حق انه لازم في يوم هيختفي .. ارووووح فييين يا ربي و لا اجي منين .. بعد متعلقت بيه .. يختفي !!
رودينا : يابنتي دي نتيجة متوقعة .. تفضلي تحبي شخصية وهمية ؟ ماهو لازم الحلم في يوم يختفي
ملك : لا !! و الله ده انا امووت فيها .. فكراني بهزر ؟؟ انا لو ملقتش مالك هموووت
رودينا : و هتلاقيه ازاي ان شاء الله!
ملك : هدور عليه في كل حته لحد ملاقيه
رودينا : و الله! هتدوري عليه في احلام الجران مثلا ؟ و لا تسألي الناس في الشارع يا جماعة محدش حلم بسي مالك و النبي!!
ملك : اتريقي يا رودينا!! انا لو ملقتهوش هموت نفسي !
رودينا : انتي اتجننتي صح ؟ اقفلي و لما تعقلي ابقي كلميني .. انا مش ناقصة جنان
ملك (بتعيط) : غوري في داهية (قفلت) .. انا هناام و هشوفك يا مالك .. ماشي ؟؟ مش انت وعدتني مش هتسبني .. ؟؟ صح ؟؟ اكيد بس في حاجة و هترجعلي .. انت وعدت لازم توفي بوعدك (بتعيط)

*بعد ساعة بتحاول تنام و فشلت*

ملك : لازم اناااام .. لاززمم اشووفك .. مينفعش تسبني ياااا ماالك .. (بتعيط) ..

_______________________________________

*الساعة ٥ بليل*

حازم(بيفتح باب الاوضة) : مساء الخير
ملك (معيطة و عنيها حمرا و قاعدة علي السرير مش بترد)
حازم : ملك !! مالك يابنتي ؟؟؟
ملك(مش بترد و مش بصاله)
حازم : انا مش بكلمك !! .. في اييييه !!
ملك (بتدمع)
حازم (بيعزق) : اخر مرة هسألك في ايه !! متردي هو انا بكلم خارصة !!
ملك (بصتله بقرف و جريت من الاوضة و خرجت برة الفيلا بلبس البيت و من غير شووز)
_______________________________________

*بعد يومين*

حازم (موبيل) : طنط ممكن اكلم ملك ؟
الام : ملك ؟ هي مش في الغردقة عندك ؟؟
حازم : يا نهار اسود
الام : في ايه يابني
حازم : في مصيبة .. ملك بقالها يومين برة البيت كنت فاكرها عندكوا
الام (صوتت) : يا حبيبتي يا بنتي !!!! عزميي بنتك فيننن يا عزمي !!
حازم : يا طنط اهدي بس .. انا هكلم عمي عزمي و ان شاء هنلاقيها
الام : هااتولي بنتي يا حااازم دلوقتي (بتصوت)
حازم : حاضر (قفل ) داهية في صوتك ايه ده !! انا ازاي غبي كده .. هي خرجت بلبس البيت من غير موبيل و لا فلوس و عربيتها برة .. اكيد مرجعتش القاهرة .. بس هو كان ايه اللي حصل بنت المجنونة !

_______________________________________

الام (بتتصل برودينا) : ايوة يابنتي متعرفيش ملك فين ؟
رودينا : ملك ؟ في الغردقة يا طنط .. بس خير ؟
الام : خيييييير !!! هيجي منين الخير و انا مش عارفة بنتي فين
رودينا : اييه! انا اخر مرة كلمتها كان من يومين
الام : ماهي اختفت من يومين
رودينا : يالهوي لا تكون عملت في نفسها حاجة ! اصلها كانت مخنوقة اخر مرة
الام : يا مصبتي السووودااا !!!
رودينا : اهدي يا طنط .. انا هكلم كل صحابنا ممكن تكون عند حد فيهم ..
_______________________________________