حلم

Chapter eighteen

معتز : زيارتي مكنتش متوقعة طبعا
ملك : لا عادي .. بس خير
معتز : انتي مش عايزة تسامحيني ليه .. مانتي سامحتي كريم !!
(حازم رجع من الشغل واقف علي الباب بيسمع)
ملك : و انت مالك بكريم ! كريم اخويا .. احنا معلش مكناش صحاب و لا اي حاجة
معتز : نسيتي يا ملك و لا افكرك ؟؟ لما وقعتي في مشكلة مين االي اتصرفلك ؟؟ انا و لا كريم ؟؟؟ انا اللي حافظت علي بيتك و حميتك من شر هايدي و الصور اللي لو كانت وصلت لجوزك كانت عملت مصايب
ملك : انت بتعايرني ؟؟؟ انت لو مكنتش ساعدتني كان ربنا هيقف جمبي لاني كنت مظلومة و انت عارف
معتز : مش بعايرك يا ملك و لا اقدر .. و انا هفضل عمري كله جمبك .. يا ملك انا محبتش و لا هحب حد غيرك ! و انتي عارفة اني بحبك .. و حبي ليكي هو اللي مصبرني علي كل ده ..
ملك : لتاني مرة انت بتتعدي حدودك معايا !! انت عارف يعني ايه تقول لواحدة متجوزة بحبك ؟؟؟
معتز : ده اللي في قلبي من نحيتك .. و انا صبرت كتير اوووي علي امل انك في يوم تفوقي و تبقي ليا
ملك : نعم !!!! انت متخيل اني ممكن اكون ليك فعلا في يووم !!!! انت مجنون يبني انت ؟؟
معتز : اه يا ملك .. انتي مبتحبيش حازم .. و واضح في كل حاجة انك مبتحبيهوش .. لازم في يوم هتفوقي و تشوفي نفسك و تدوري حواليكي علي اللي بيحبك
ملك : اخرس !!! انا بحب حازم و هو بيحبني انت مالك بيا يا اخي بقي !
معتز : من امتي بتحبيه يا ملك !!
ملك : و انت ماااااالك !! بتدخل في حياتي لييييه!!
معتز : دلوقتي بدخل ! مش هو ده معتز اللي جريتي عليه اول موقعتي في مشكلة
ملك : ماهي كانت المشاكل كلها من تحت راسك انت و الزفتة هايدي اصلا !! سبوني بقي في حالي اعيش مع جوزي و ابني في هدووء
معتز : جوزك ده انتي مبتحبهوش !!
ملك : ماشي يا معتز و لو مبحبوش .. لو فكرت في يوم احب مش هيبقي انت .. لو اخر راجل في الدنيا انت لا
معتز (اتعصب) : لييييه يا روح امك مشبهش و لا مشبهش !!؟؟
ملك : ملكش دعوة بامي لوسمحت و اتكلم بأدب .. انت زي اخويا و لو سمحت اخرج من هنا دلوقتي حالا بدل ما و الله هتصل بحازم يجي يشوف شغله معاك
معتز (بيزعق) : حازم ده ايه اللي بتخوفيني بيه !!
ملك انا اديتك فرص كتير .. و انا مش قادر اصبر (بيبصلها)
ملك (نظرة خوف) : مش قادر تصبر علي ايه يا مجنون !!
معتز (بيتهجم عليها) : انا مجنون بيكي انتي يا ملك
(ملك بتصوت و حازم بيفتح الباب و بيضرب معتز)
حازم : يا ابن ال ****** يا ****
(معتز بيجيب تمثال و بيضرب بيه حازم ضربة واحدة علي راسه .. حازم وقع في الارض متعور .. و معتز جري برة الفيلا)

*بعد نص ساعة *

(حازم رابط راسه و ملك قاعدة جمبه)

ملك : و الله يا حازم انا بصده علي طوول .. و الله
حازم : انا سمعت كل حاجة يا ملك ..
ملك (سكتت)
حازم : صور ايه ؟ و معتز ايه اللي وقف جمبك؟
ملك : حازم .. انا ممكن اقلفلك اي قصة بس اقسملك بايه ان اللي هقوله ده هو اللي حصل ..

_______________________________________

*في المستشفي*

ليلي : طمني عليه يا دكتور
الدكتور : الحالة بتدهور
ليلي : طب و الحل حضرتك !!
الدكتور : محتاج معجزة .. ادعيله ..
ليلي : طب ينفع اخشله ؟
الدكتور : اه ينفع
ليلي (دخلت) : الدكتور طمني عليك يا سيف الحمد لله
سيف (صوت واطي و انفاس عالية) : مش باين يا ليلي
ليلي : متقولش كده .. هتبقي كويس و الله و هتقوم و هتعمل كل حاجة
سيف : انا تاعبك معايا اوي يا ليلي ..
ليلي : احنا مافيش بينا الكلام ده ..
سيف : واحدة زيك ايه اللي يوديها مستشفيات و تقعد مع عيانين .. انتي زنبك ايه ..
ليلي : اسكت يا سيف .. اسكت .. انت متعرفش انت ايه بنسبالي .. مش كنا بنقول زمان احنا علي الحلوة و المرة مع بعض ؟
سيف : و انا عمري ملتزمت بوعوود زمان ..
ليلي : علي الاقل انا ملتزمة بيها يا اخي ..
_______________________________________