حلم

Chapter Two

ملك : رودينااااااا و حشتيني (بتحضنها)
رودينا : و انتي كمان و الله احكيلي عملتي ايه بقي في شهر العسل .. حلوة ال Maldives ؟
ملك : حلمت بيه تاني يا رودي
رودينا : هو مين ؟
ملك : نفس الشخص اللي حلمت بيه يوم فرحي ...
رودينا : انتي لسة فاكرة من ساعتها ؟
ملك : هو نفس الشخص .. انا منستهوش من ساعتها
رودينا : يعني اجوزتي و سافرتي Maldives و لسة فاكرة ؟
ملك : اه .. اصلك مش هتفهمي ..
رودينا : حلمتي بايه المرادي
ملك : كنا في مكان كده عامل زي القصر و المفروض مطعم و علي النيل .. كنت لابسة البلوزة البيضة الشيفون بتاعتي و هو كان لابس بدلة بيضة و ببيون .. و اداني الجاكيت بتاعه .. و قالي البلوزة دي متتلبسش تاني عشان شفافة ..
رودنيا : ده فيلم رومانسي بقي ؟ ملك هو انتي عندك مراهقة متأخرة ؟ يا ملك احنا كبرنا يا ملك انتي عندك ٢٥ سنة و متجوزة و بكرة تخلفي و تتلبخي في العيال و البيت و الشغل .. انتي فاضية دلوقتي و قاعدة مهتمة بحتتة حلم و بتحكي عليه و لا كأنك بنت في ثانوي فرحانة باول حب ليها ..
ملك : (اتحرجت) انا بحكي عادي يعني ..
رودينا : انتي مش شايفة شكلك يعني ؟! انتي عينيك قلبت قلبين و طلعلك جناحات و فراشات حواليكي .. حاجة زي الفل و الله
ملك : انا غلطانة اني بحكيلك علي حاجة ..
رودينا : اه متحكليش  علي الهبل ده تاني
ملك : طيب .. و ازي كريم مسمعتش عنه بقالي شهر
رودينا : و لا انا بشوفه خالص .. )
ملك : استني اما نكلمه (بتتصل)
كريم : ايه يا ملك ازيك
ملك : (بهزار) اخرس يا واطي .. بقي كل ده متسألش عليا
كريم : (بيضحك) طب و الله كنتي في بالي و بعدين حد يسأل علي حد في شهر العسل ؟
ملك : ما البنات سألو عليا عادي
كريم :(بهزار) دول صيع موراهمش شغلة و لا مشغلة
ملك : تعالي شوفي يا رودي كريم بيقول عليكوا ايه هههههههه
رودينا (بتنتش الموبيل) : بتقول ايه ياض ؟
كريم : يا ساتر عليكي طب سلمي حتي
رودينا : (بهزار) و انت يا معفن فكرت تسأل في حد فينا و لا خلاص نسيتنا و لازق في الغندورة بتاعتك
كريم : اديني حد كبير يا بت
رودينا : (بهزار) بت تبتك يا كلب 
ملك : هاتيه .. ايوة يا زفت
كريم : عيون الزفت (بيضحك)
ملك : عامل ايه
كريم : تمام و انتي ؟
ملك : كويسة.. و عامل ايه مع جيجي كله تمام ؟
كريم : عيب ياسطي من ساعة آخر مرة و الدنيا لوز العنب
ملك : يا رب نهدي بقي هه ؟
كريم : ماتخفيش اخوكي اتغير خالص
ملك : اتمني ياخويا
كريم : مين معاكي من البنات غير البت ام لسان طويل
ملك : و لا حد .. معرفش صحيح ليلي و هايدي فين
كريم : البت هايدي مسحولة في حوار معتز اكيد ههههه
ملك : ليه حصل ايه ؟
كريم : مفيش بعد مقطع معاها رجعت تلقح جتتها عليه تاني .. قالها انه معجب بواحدة تانية هههههه
ملك : معتز ده حيوان علي فكرة !
كريم : هي اللي لازقة بصراحة
ملك : ماهي بتحبه يا كريم
كريم : ياستي و هو مبيحبهاش هو بالعافية ؟
ملك : لا يبقي براحة مش يجرح فيها كل شوية .. و بعدين انت بتعرف الكلام ده منين ؟
كريم : ده معتز محفل عليها كل يوم وسط الشباب .. اصله بينزل معانا لعب كورة كل خميس و بيجي النادي كتير فبسمع
ملك : كده يا كريم مش ترد غيبتها ؟
كريم : و انا مال امي ؟ انا اصلا مبحبهاش البت دي
ملك : و هي كانت عملتلك ايه ؟
كريم : معملتش .. بس دمها تقيل علي قلبي و بيئة
ملك : الفقر مش عيب !
كريم : بقول بيئة مش فقيرة .. و بعدين بقولك ايه احنا هنفضل نكلم علي امها كتير ؟
ملك : خلاص خلاص ..
*حازم دخل *
حازم : ملك .. اعملي حسابك اننا معزومين علي العشا عندكوا في البيت .. ايه ده انتي معاكي موبيل !
ملك : اه ده كريم .. خد عايز يسلم عليك ..
حازم : (اخد الموبيل) الو
كريم : الو ايه يا معلم الف مبروك ياسطي
حازم : الله يبارك فيك عقبالك
كريم : اه و النبي ادعيلي
حازم : يا رب نفرح بيكوا قريب
كريم : يا رب يا معلم
حازم : يلا سلام
كريم : طب هات ملك
حازم : (قفل)
ملك : معزومين الساعة كام ؟
حازم : الساعة سبعة .. الاستاذ عزمي والدك اتصل عزمني و والدة سعاتدك كانت بتتصل بيكي بس موبيلك مشغول
رودينا : معلش يا حازم اصل كريم رغاي شوية هدي نفسك كده ده انت لسة عريس
حازم (مبصلهاش) : و كمان قالي اننا لازم ننزل الشغل من بكرة ..
ملك : بسرعة كده ؟!
حازم : اه ابقي شوفي لو عايزة تاخدي حاجة معانا عشان حجزت اول طيارة للغردقة بكرة الصبح
ملك : كل ده امتي !
حازم : اصل حضرتك كنتي نايمة نوم اهل الكهف بس .. انا نازل ورايا مشوار مش هتأخر
ملك : ماشي
(و مشي)
رودينا : هو ماله بيكلم كده ليه ؟! ده و لا اكنكم متجوزين بقالكم عشربن سنة
ملك : هو حازم كده .. دي طريقته
رودينا : طريقة زبالة و تقصر العمر .. لما انتوا مش بتحبوا بعض اتجوزتوا ليه !
ملك : لا بنحب بعض طبعا
رودينا : اه ماهو واضح ..
ملك : ليلي فين صحيح ؟!
رودينا : ليلي .. (سكتت)
ملك : (بقلق) في اييييه مالها ليلي !!!
رودنيا : تعبانة اوي و مش بتخرج من البيت
ملك: ليييييييه
رودينا : سيف حبيبها اختفي
ملك : يعني ايه اختفي ؟!
رودينا : فجأة متعرفش عنه حاجة بتكلمه في الموبيل مبيردش بتكلمه واتس مبيردش برده مش اكتيف علي الفيس و لا انستجرام و لا تعرف عنه حاجة ..
ملك : يا نهار اسود .. تعالي نروحلها دلوقتي
رودنيا : و جوزك ؟
ملك : ماهو نزل .. يلا ..