حلم

Cahpter Fourteen

*بعد مرور شهر*

بساتين (شات) : عاملة ايه مع حازم
ملك : اهو زي كل يوم .. انتي عاملة ايه
بساتين : انهردة عيد ميلادي
ملك : كل سنة و انتي طيبة .. هتعملي ايه انهردة
بساتين : يوم زي اي يوم😂 عايزة اطلب منك طلب بس انتي مش مجبرة توافقي
ملك : اطلبي
بساتين : ممكن نتقابل انهردة ؟
ملك : ممكن .. بس ليه ؟
بساتين : انا كل عيد ميلاد بقضيه لوحدي .. نفسي اعمل حاجة مختلفة السنادي ... بس لو مش عايزة خلاص
ملك : لا ماشي مفيش مشكلة بس هنتقابل فين ؟
بساتين : في Cilantro المهدسين okay ؟
ملك : اوك .. بس انتي ليه لحد دلوقتي مقولتليش اسمك .. و احنا بقينا صحاب و بنكلم دايما
بساتين : بصي .. انا لما دخلت الموقع كنت عايزة اتعرف علي حد في دنيا الانترنت بس .. يمكن لو عرفتي اسمي تكوني سمعتي عني .. لاني الا حدا ما معروفة ..
ملك : famous ؟
بساتين : يعني ممكن تكوني شوفتيني علي الفيس او كده .. بس عامة .. انا حبيتك و ارتحتلك .. بصي يا سيتي انا اسمي شارلوت
ملك : عاشة الاسامي يا شارلوت ..
شارلوت : و ده رقمي ٠١٢٣٤٥٦٧٧٨٨٩٩٩٩ لو تحبي نكلم واتس آب
ملك : اه ياريت .. بقولك .. انا هنزل شوية النادي كده
شارلوت : قشطة .. لو شوفتي حد من صحابك متعبريهمش
ملك : حاضر .. سلام ..

_______________________________________

ملك (في العربية بتتصل بمازن) : صباح الخير يا مازن
مازن : صباح العسل
ملك : عامل اييه
مازن : قشطة كويس .. و انتي ؟
ملك : الحمد لله .. كنت عايزة اخد رأيك في حاجة
مازن : اشجيني
ملك : ايه رأيك في علاقات النت و كده ؟
مازن : زفت .. خرة .. بتسألي ليييه ؟؟؟؟
ملك : لا عادي بسأل بس
مازن : اتعرفتي علي واحد يا ملك !!! انتي نسيتي انك متجوزة!!!
ملك : لا و الله العظيم انا اتعرفت علي واحدة مش واحد
مازن : يا غبية تلاقيه واحد و عامل نفسه بنت !
ملك : لا بنت .. و انا واثقة فيها
مازن : يا حلاوة !! و انتي من قلة صحابك رايحة تصاحبي من النت ؟
ملك : من ساعة يوم المستشفي و انا مبكلمهمش و لا هما بيكلموني .. و انا علي طول زهقانة و قاعدة لوحدي و حازم بيجي ٣ ايام في الاسبوع بس ..
مازن : بس يا ماما .. البت و لا الواد ده يتعمله بلوك
ملك : ماشي .. سلام ( وقفلت)
مرام : في ايه
مازن : اتعرفت علي بت من النت
مرام : مش ممكن تكون ولد ؟
مازن : ممكن ؟ ده اكيد ..
مرام : و هي ايه اللي خلاها تكلم واحدة متعرفهاش
مازن : مبقاش ليها صحاب و كلام اهبل كده
مرام : مازن .. متستهزأش بالكلام ده .. هي ممكن تكون فعلا حاسة بالوحدة .. و مش لاقية حد حواليها عشان كده دورت علي النت .. قرب منها .. لو انت قريب منها مش هتدور برة يا مازن ..
مازن : مش مبرر برده
مرام : مبرر .. انت مجربتش الوحدة .. و لا احساس ان كل اللي حواليك يطلعوا مش كويسين ..
مازن : يعني انتي اللي جربتي ؟
مرام : (سكتت) اه .. جربت .. و في مين .. في اهلي
مازن : ازاي ؟ انتي محكتليش يعني
مرام : هحكي ايه .. هحكي ايه بجد ..
مازن : احكي يا مرام ..
مرام : (سكتت شوية) .. بابا زمان كان هو الوحيد في اخواته اللي اتعلم و دخل جامعة .. و سافر القاهرة و اتعرف علي ماما .. و قرر يرتبط بيها .. طبعا جدي رفض .. كان عايز يجوزه واحدة من البلد .. بابا صمم و اتجوز ماما ..
مازن : و بعدين
مرام : و طرد بابا من بيته .. و فضلوا علي الحال ده لحد ما جدي توفي .. ساعتها بابا رجع البيت في البلد و كان معاه ماما و انا .. و اتصالح علي اخواته .. و عيشنا في البيت اللي في البلد ..
مازن : طب حلو جدا
مرام : لا خالص .. انا و امي كنا بنتعامل معاملة مش كويسة من اهلي .. لحد ما امي توفت كنت صغيرة .. و لما كبرت كانوا رافضين اتعلم و ادخل مدرسة .. و رغم كل ده بابا علمني برده .. و عيشنا و اتربينا انا و بنات عمي في بيت واحد .. كنت انا الوحيدة المتعلمة فيهم .. و في الثانوية لما ربنا كرمني بالمجموع العالي شوفت كمية غيرة و حقد من بنات عمي و عماتي و محدش فرحلي .. لما لاقينا كده انا و بابا .. لمينا حاجتنا و قررنا نسافر القاهرة .. و نستقر هناك جمب الجامعة بتاعتي .. عمامي كانوا رافضين اني ادخل جامعة اصلا و كانوا شايفين كفاية تعليم لحد كده و يجوزوني ابن عمي
مازن : هو اهلك دول عايشين في القرن الكام ؟ مش الكلام ده خلص من زمان !
مرام : للاسف لا ..
مازن : و بعدين هما مالهم يرفضوا و لا يتنيلوا
مرام : عشان بابا اصغر اخواته .. ففاكرين نفسهم واصين عليه ..
مازن : باباكي كان بيشتغل ايه في البلد ؟
مرام : كان بيشتغل محامي في المدينة نفسها .. و كان بيراعي الاراضي بتاعته بعد الضهر و كده
مازن : اراضي ؟ هو انتوا عندكوا اراضي و كلام من ده
مرام : كان بقي .. لما بابا قرر يسافر القاهرة معايا .. طلب من عمامي يراعوله الاراضي بتاعته و كده .. بس رفضوا برده كنوع من الضغط عشان يتراجع و يقعدني من التعليم .. بابا عند معاهم .. و قرر نسيب المنصورة خالص .. و باع كل اراضينا و مكتبه .. و اخد شقة هنا في التجمع و صيدلية عشاني .. و لينا فلوس في البنك بيجيبولنا قرشين علي مكسب الصيدلية ماشية الحمد لله .. بس اللي يحزن فعلا ان اهلي مسألوش عننا و لا مرة من ساعتها كأنهم مصدقوا خلصوا مننا ... تخيل بنات عمي و اهلي اللي اتربينا مع بعض يتصرفوا كده معايا ؟
مازن : وطينة يابنتي .. طب علي فكرة برده بنات عمتي عملوا كده مع ملك لما اتجوزت و بتاع .. الغيرة بقيت اسلوب حياه عند الاهل و الله
مرام : لا طبعا .. في اهالي كويسين .. مش كله وحش اكيد
______________________________________