حلم

Chapter twenty

المشهد : في شقة مازن .. مرام لابسة قميص نوم و بتحضر العشا و بتولع شموع  و فجأة باب الشقة اتفتح و راجل بيدخل ..
مرام : ايييه ده !!! اونكل عزمي ؟؟؟!!!
عزمي : دكتوورة مرام  !!!!؟؟
مرام (محرجة و ساكتة)
عزمي : انتي تطلعي كده !! انتي !!! انا مكنتش اتخيل انك رخيصة كده
مرام : لا عمي لو سمحت !!،
عزمي : اخرسي يا سافلة يا رخيصة يا شمال
مازن (بيفتح الباب)
مازن : بابااا !!!!
عزمي : اه بابا يا عديم الرباية !
مازن : بابا دي ..
عزمي (ضربه بالقلم و مسك مرام و رماها بره البيت بقميص النوم)
مرام (بتصوت) يااا عمي لاااااا ياااا مااازن قوووول حاجة !!!
عزمي : احمدي ربنا اني مطلبتلكيش بوليس الاداب .. (ماسك مازن من قفاه ) قدامي علي البيت يا ابن الكلب
المشهد : مرام بقميص النوم بتعيط علي السلم .. و عزمي اخد مازن في العربية و مشيوا ..

_______________________________________

*في بيت اهل ملك*

الاب (بيضرب ابنه بالقلم) : خش يا سافل يا منحط
الام (بتجري) : في ايييه يا عزمي
الاب : في انك معرفتيش تربي يا هانم ..
الام : حصل اييه !! متنطق يا ماااازن !!!
مازن : مفيش يا ماما مفييش
الاب (بيضربه) : انت كمان بتتكلم بعد عملتك السودا دي!
الام : متنطق يا عزمي حصل ايه !!!
الاب : مفيش ياستي (بيزعق) رايح شقة مازن اشقر عليها ابص الاقي الصايعة اللي ماشي معاها في الشقة بقميص النوم مستنيه المحروس ابنك
الام (بتلطم) : يادي المصيبة .. هي حصلت يا مازن ؟؟
الاب : جايبله شقة و عامله بني آدم عشان يعملها شقة دعارة .. فين يا ولا ازايز البيرة يلا ؟ (بيضربه بالقلم) قدااامي علي جووووة (بيزقه في اوضة و بيقفل عليهم الباب و صوت ضرب )
الام : خلاااص يا عزمي (بتخبط علي الباب و بتعيط)  اعمل ايييه يا رب !! (بتتصل بملك)
الام : الحقيني يا ملك !!
ملك : في ايه يا ماما ؟؟؟؟
الام : ابوكي بيضرب مازن جوة !! خايفة يموته
ملك : هي النتيجة ظهرت و لا ايه ؟؟؟
الام : لا .. انيل ..
_______________________________________

ملك (موبيل) : انا في المطار ..
مالك : بتعملي ايه هناك ؟؟
ملك : في مشكلة في البيت و لازم ابقي موجودة
مالك : مشكلة ايه
ملك : هبقي افهمك بعدين ..
مالك : طب اجي معاكي ؟
ملك : لا يا حبيبي خليك و انا هبقي اكلمك لما اروح
مالك : طيب يا حبيبتي لا اله الا الله ..
ملك : محمد رسول الله ( و قفلت)
مراد : خير يا مالك ؟؟
مالك : عندها مشكلة في البيت ..
مراد : و بعدين ..
مالك : مش عارف .. قلبي واكلني عليها .. مش عايز اسيبها .. بس مش عايز ابقي حشري
مراد : تعالي نرجع اسكندرية و نفكر في بيتنا براحتنا
مالك : مراد .. روح انت !
مراد : يابني هتفضل تلف وراها كده ؟
مالك : اه
______________________________________

*في بيت اهل ملك القاهرة*

ملك : خيييير يا ماما !! مازن فين ؟؟
الام : ابوكي حبسه و خرج ..
ملك : ايه الاسلوب ده !! هو مازن صغير عشان يعمل معاه كده !
الام : و هو اللي مازن عمله كان شوية !
ملك (بتنادي من ورا باب اوضة مازن) : ماااازن ؟؟ انت كويس !! انا ملك يا حبيبي
مازن : ملك .. شوفي مرام يا ملك .. بابا طردها في الشارع بقميص النوم ..
ملك : و انت كنت عايزه يعملها ايه يا مازن
مازن : دي مراتي يا ملك مراااااتي
الام (بتخبط علي صدرها) : يا مصبتي !
ملك : متجوزين فعلا ؟ طب مقولتش لبابا ليييه ؟؟
مازن : عشان ميشيطش مني زيادة
ملك : يا حبيبتي يا مرااام .. البت مظلومة ..
مازن : انا عايز اشوفها او اكلمهاا !! انا عايز اخرج من هناا يا ملك !!
ملك : و هخرجك ازاي بس !!
مازن : اتصرفي!
ملك : المهم الحق البنت الغلبانة !!
(الباب بيخبط)
ملك (بتفتح الباب) : مااالك !
مالك : مقدرتش اسيبك ..
ملك : يا حبيبي يا مالك ..
الام : ميييين يا ملك !
ملك : ده ده .. ده مالك
الام : مالك ابنك !!!!!
مالك : لا يا طنط .. انا مالك زميل ملك من زمان .. و بحبها و طلبتها للجواز .. ده بعد اذن حضرتك طبعا ..
الام : تتجوزها ؟ (ابتسمت) علي خيرة الله يابني بس هي حامل ..
مالك : لما تولد ان شاء الله نجوز ..
ملك : احنا في ايه و لا في ايه دلوقتي يا ماما !
مالك : مش عايز اتحشر .. بس خليني اقف جنبك ..
ملك : تعالي معايا في مشوار و هحكيلك ..
_______________________________________