حلم

Chapter Nineteen

مالك : هننزل القاهرة نسأل و نعرف فين الفيلا دي و نشوف ملك فين
مراد : و لو معبرتكش ؟
مالك : هتعبرني
مراد : دي كانت متجوزة
مالك : بس بتحبني
مراد : انت مجنون يا مالك !
مالك : مجنون بيها .. انا حلمت حلم غريب امبارح .. بيها طبعا .. حلمت انها بتقع من فوق جبل و انا انقذتها ...
مراد : و ده يعني ايه ؟
مالك : يعني هي محتجاني جمبها ..
هدي (دخلت الاوضة) : ايه يا ولاد صوكتوا عالي ليه
مراد : مالك ياستي
هدي (بهزار) : عامل زيطة ليه يا ولد
مالك : ادعيلي يا هدهد و النبي .. لحسن انا رايح مشوار مهم اوي
هدي : دعيالك يا حبيبي .. بس مشوار ايه ؟
مالك : مش نفسك اجوز ؟
هدي : رايح تخطب يا مالك من غيري ؟؟؟؟
مالك : و الله ابدا .. ده انا يدوب ه ..
مراد : متكمل ..
مالك : هحكيلك لما ارجع يا هدهد و الله بس ادعيلي .. يلا يا مراد ؟
_______________________________________

*بعد يومين*

(في فيلا ملك الغردقة)

ملك : الفيلا اللي في القاهرة دي لازم تتباع يا غادة ..
غادة : اللي اخويا اتقتل فيها ..
ملك : لازم تتباع .. انا مش هقدر اعيش فيها .. يا نعيش هنا .. يا ناخد شقة في القاهرة
غادة : زي متحبي يا ملك .. انا هاخد حاجتي و ارجع بيت امي ..
ملك : لييه كده يا غااادة !! هتسبيني انا و مالك و البيبي اللي جاي في السكة نعيش لوحدنا ؟
غادة (سكتت) مش عايزة اتقل عليكوا
ملك : غادة .. انتي اخت جوزي و اختي .. مينفعش تعيشي لوحدك .. حازم لو كان عايش مكنش هيقبل بكده (بتعيط)
غادة : حااضر يا ملك حاااضر ..

(قدام فيلا ملك الغردقة)

مراد : انا خايف بعد البهدلة دي تطردنا
مالك : لا .. ملك مش هتعمل كده
مراد : طب خبط ..
مالك : متخبط انت ..
البواب : ايوة يا بيه
مالك : عايزين نقابل مدام ملك
البواب : طب اتفضلوا ..
_______________________________________

*في النادي*

(كريم و جيجي بيتمشوا في النادي)

كريم : غريبة ان معتز مختفي و مبيجيش النادي من يوم ما حازم اتقتل
جيجي : قصدك ان هو اللي عملها ؟
كريم : هيكون مين يعني ..
جيجي : اي حد .. مش شرط معتز ..
كريم : انا معرفش بقي .. انا بتصل بملك مبتردش .. لازم يا جيجي نروحلها البيت بقي
جيجي : هي هنا و لا في الغردقة ..
كريم : نروحلها هنا ملاقينهاش نسافرلها بقي ..
جيجي : طب شوف لو رودينا او ليلي يجوا معانا
كريم : رودينا دي واطية اوي .. ملك بتقولي من يوم المستشفي و هي مكلمتهاش حتي .. و يوم مولدت كتبتلها مبروك علي الفيس ..
جيجي : ياااه علي الدنيا .. دول كانوا صحاب اوووي
كريم : هي من ساعة متخطبت و هي بعدت عنهم اصلا ..
جيجي : طب خلاص فكك منها .. نكلم ليلي ؟
كريم : ليلي موبيلها مقفول
_______________________________________

*في شقة مازن*

مرام : انا يا ربي مش عارفة ايه اللي بيحصل لملك بجد
مازن : مش عارفة تفرح .. المصايب عمالة تتحدف عليها .. و اهو جوزها مات و سبلها مسئولية اطفال صغيرين ..
مرام : مسكينة ملك .. طب انا سايبها ازاي في الظرف ده
مازن : انا اعصابي باظت يا مرام .. تعبت بقي من الموت و العياط و الاسود اللي لابسينه .. انا امتحناتي قربت خلاص و عايز اهدي نفسي عشان اعرف اركز في المذاكرة و اتخرج عشانك و الله يا مرام و نتجوز بقي قدام الناس ..
مرام : امتي بقي اليوم ده يجي .. انا علي طول خايفة و حاسة اني عاملة عاملة (بتعيط)
مازن (بيمسح دموعها) : مش بحب اشوفك بتعيطي يا مرام و النبي خلاص متعيطيش
مرام : انا حاسة اني رخيصة اوي .. بستحقر نفسي و انا جاية الشقة هنا .. بحس اني بسرق و ان الناس كلها بتبصلي و انا طالعة هنا و ..
مازن (قاطعها) : جري ايه يا مرام ؟ هو احنا بنعرف بعض في الحرام ؟ انتي مراتي يا بت علي سنة الله و رسوله
مرام : قدام الناس اه في الحرام يا مازن .. محدش يعرف اننا متجوزين
مازن : ربنا عارف و شاهد .. ملناش دعوة بالناس
مرام : انت لو بتخاف عليا كنت قولتلي متجيش هنا تاني .. لكن انت مش هامك حاجة .. لا هامك الناس تتكلم عليا و لا هامك احساسي و مشاعري .. و عارف اني مركونة جمبك مش هعرف اسيبك و لا ابعد لاني اتربط خلاص ..
مازن : انتي ازاي بتفكري كده ؟؟ مرااام انا مش ناقص و اللي فيا مكفيني !! انا هربان من النكد عندك هنا تقومي تنكدي عليا انتي ؟؟؟ خلاص مبقاش في دم ؟؟
مرام : لا انت اللي مبقاش عندك دم ! انا صبرت و استحملت كتير و الكلام ده في قلبي بقاله فترة .. بس خلاص مش قادرة استحمل !
مازن : انتي بقيتي نكدية و علي طول بتشتكي و مفيش حاجة عجباكي .. حسي علي دمك .. حسي ان جوز اختي مقتول و انا سايبها و جيلك انتي
مرام : جايلي عشان سواد عيوني اياك ؟؟؟ (بتعلي صوتها) انت جاي عشان نفسك و مزاجك و بس
مازن : مزاجي ؟ احنا وصلنا للمستوي الوسخ ده يا مرام ؟؟ هو انا جايبك من الشارع ؟؟
مرام : و هو انا بقيت افرق ايه عن بتوع الشوارع !!! مانت خلتني زيهم !!!
مازن : مرااااام !!! متستفزنيش بكلامك ده !! انا مش ناقص
مرام : هو انت بس اللي عندك مشاكل يعني ؟؟؟ و انا اولع !!!
مازن : يوووووه انتي بقيتي حاجة قرف .. يا شيخة ينعل ابو اللي يكلم معاكي في حاجة .. انا ماشي ( و رزع الباب)
_______________________________________