The Pretty Girl's Ugly Lover

Chapter 9

Isa't kalahating oras ako nagstay sa library. Pinili ko talaga ang pinakatahimik na lugar doon kung saan pwede ako magmemorize ng script para mamaya. Napag-isipan ko kasing tama nga si Sam. Di ako dapat sumuko nang ganun-ganun nalang. Kelangan kong ifocus ang sarili ko sa pinaka-priority ko at hindi sa walang kwentang bagay. At ang priority ko ngayon ay ang scholarship ko.

Nung simula, di ko talaga maiwasang sumagi sa isipan ko ang ginawa sakin ni Alessandra. Sino ba naman ang gaganahan sa ginawa niya? Nagsayang ako ng oras kahapon para iperfect ang pagiging Juliet ko, tapos malalaman kong para lang pala sa wala ang effort ko? Sobrang inis na inis ako na di ko na alam kung sino ba ang sisisihin ko. Ang sarili ko ba, dahil naniwala ako sa galing sa pag-arte ni Alessandra at sa di pagpansin ng message ni Sam kagabi o si Alessandra mismo dahil sobra-sobra na ang kamalditahan niya?

Nang humupa ang tensyon sa dibdib ko, inisip ko nalang ang positive sides ng nangyari. Una, di na ako magmumukhang tanga maging Juliet. Pangalawa, di ko na maisusuot ang gown at wig na ilang beses kong sinumpa kagabi. At ang huli, di ako mapapahiya nila Alessandra sa harap ng madaming tao. Dahil dito, nagkaroon muli ng katahimikan ang isip ko at napag-isipang di dapat ako sumuko, tulad ng sinabi ni Sam.

Sa pagkakataong ito, di na ako nahirapan masyado sa pagmemorize ng linya ko. Si Romeo na kasi ang gagampanan ko. Mas konti kasi ang script ni Romeo kesa kay Juliet sa part nato. At di ko na din kailangan magpractice ng maarteng pananalita at malambot na kilos. Ang kailangan ko lang gawin ay sabihin ang bawat linya na parang nanliligaw sa isang babae. Yun bang dapat malaman, galing sa puso at kapani-paniwala yung bawat sasabihin ko. Ayun lang. Medyo madadalian sana ako kung si Sam ang partner, pero dahil si Alessandra ang totoong partner ko, nako. Bahala na si batman sa mangyayari.

Naramdaman ko ang pag-vibrate ng cellphone ko sa bulsa ko.

Patago ko syang hinugot sabay tingin sa screen kung sino ang nagtext sa akin. Isang unfamaliar number ang lumabas. Sino kaya to?

+9169386574

One Message Received.

Pinindot ko yung "Show".

Mark, this is Sam. Where are you? Pls. reply.

Si Sam? Paano naman siya nagkaroon ng number ko? Di na ako nagdalawang isip na sagutin ang pag-aalala niya.

Nasa library lang ako. Inaaral script ko. Wag ka mag-alala sakin. :)

Sinagot ko nalang sya na parang sobrang okay lang ako para di na siya mag-alala pa.

Matapos ang ilang minuto, hindi na sya nagreply. Napaniwala ko na siguro siyang okay lang ako. Buti naman kung ganun. Ayoko na kasing mandamay pa ng tao sa kalungkutan ko. Bumalik nalang ulit ako sa pagmememorize ng script ko. Mas importante kasi to.

Patapos na sana ako nang biglang may isang babaeng umupo sa tapat ko. Napatingala tuloy ako bigla. Nalaman ko nalang na si Sam na pala yun. Nakangiti lang siya sakin na parang naaamaze sa ginagawa ko. Naghahallucinate lang ba ako?

"Are you done?" tanong sakin ni Sam. Hindi pa din nawawala ang ngiti sa mga labi niya. 

"Uhm, oo. . . Ba't ka pala nandito?" pagtataka kong tanong sa kanya. Medyo nahihiya-hiya pa.