Sisimulan ko na naman magsulat
Mga ala-alang napaglipasan na'y mauungkat
Mga mata'y imumulat
Sa istoryang pinagsimulaan ng lahat
Pansamantala...
Yan ang sabi sa isang kanta
Pansamantalang kakalimutan ang sakit na nararamdaman
Gaya ng mga luhang pinunasan na ng ulan
Sa nakaraan tila nananatiling nakagapos
Gusto ng takasan ngunit di pa matapos tapos
Ala-ala mo'y tila niyayapos
Nang memoryang binabalik ng iyong mga haplos
Paano nga ba?
Paano nga ba sisimulan
Ang paglimot sa mga kwento sa nakaraan
Masasayang kwentuhan
Nasayang na samahan
"Ikaw at ako"
Di ba yan ang sabi mo
Mga pangakong natulad na sa mga buhangin
Pangakong nilipad na ng hangin
Tatapusin ko na ang nasimulan
Pagkat luha'y pumapatak na naman
Sige na paalam dahil unti-unti na kong tatahan.
