Nais kong bumuo ng isang kanta
Kantang naglalaman ng atin mga ala-ala
Na siyang bibigyang tunog at ritmo ng bawat kaba, bawat kabog ng dibdib at bawat impit na pag hikbi at tunog ng pagkadurog,
Pagkadurog ng puso, pagkatapos..
Sabay ang pagpikit ng mga mata
Para damdamin ang mensahe ng bawat lirikong ikinikwento ang ating nasimulan, ang ating bawat tagpuan, kasiyahan, kalungkutan at ang siyang dulo at katapusan para piliin na ang paglisan
Bagamat hindi ko alam kung paano ito sisimulan, alam kong magiging gabay ang ala-ala mo,
Ang ala-ala ng ikaw at ako, ng tayo..
Nang "tayo" noon, na siyang itatago ng kantang bubuin ko pagdating ng panahon.
