مروان : يعنى هى بتعمل مع كل الناس كدة
ليلى بغيظ : لا معاك انت بس
قذفها مروان بالوسائد للمرة الثانية ثم قال مبتسما : لما اسالك على حاجة بعد كدة تبقى تردى
ليلى : ما انت اللى بتغظينى وعلى فكرة هى بتعمل مع كله كدة
مروان : ماشى يا ستى على فكرة حسام جاى النهاردة بليل
صاحت ليلى بحنق :وانا مالى وماله انت عارف ان انا مش بطيقه
مروان : ولا هو بيطيقك سبحان الله
نظرت له ليلى بغيظ ، ثم ذهبت الى غرفتها وهى تضحك ثم بدلت ملابسها وذهبت الى المطبخ حيث توجد سمية ، ليلى : ماما هو بابا فين
سمية : فى المكتب
ليلى : اصل انا قررت اروح احفظ قرآن مع عائشة النهاردة
سمية بابتسامة : كويس
ليلى : انا رايحة اقول لبابا
ذهبت ليلى الى مكتب والدها ثم طرقت الباب ودخلت بعد ان اذن لها احمد بالدخول ، احمد : ليلى حبيبتى عاملة ايه
ليلى : الحمد لله هو انا ينفع اروح مع عائشة علشان نحفظ قرآن
احمد : هتروحوا الساعة كام
ليلى : الساعة 4 ان شاء الله
احمد : ماشى روحى بس خلى مروان يجيبك
ليلى بسعادة : شكرا يا بابا
ذهبت ليلى الى غرفتها ثم نزلت عندما اعلمتها الخادمة بان الجميع ينتظرها بالاسفل من اجل الغداء ، انهت ليلى الغداء مع اسرتها ثم اخبرت مروان بان ياتى لياخذها بناءا على تعاليم والدها ،ثم ذهبت الى غرتها وابدلت ملابسها المكونة من جيبة سوداء و بلوزة جينز واسعة وطويلة وطرحة طويلة من اللون الابيض ، ثم نظرت الى نفسها نظرة رضا فى المرأة ، ثم خرجت من غرفتها وذهبت الى غرفة مروان واخبرته انها راحلة ، ثم ذهبت وركبت سيارتها وقادتها الى فيلا عائشة ثم اتصلت بها واخبرتها انها تنتظرها بالخارج ، خرجت عائشة ثم ركبت السيارة ، عائشة ضاحكة : من ساعة ما عرفتك يا ليلى وانا مش عارفة اركب عربيتى مرة
ليلى : ولا يهمك بكرة نروح بيها الجامعة
عائشة : ماشى
وصلوا الى المسجد الذى تحفظ فيه عائشة ، ثم نزلوا ودخلوا المسجد ثم القوا السلام وجلسوا حتى جاءت فتاة تدعى سلمى فقامت عائشة وسلمت عليها .... ، سلمى : سلام عليكم ازيك يا عائشة
عائشة : وعليكم السلام اعرفك ليلى صاحبتى ، ثم وجهت كلامه لليلى قائلة : ودى سلمى صحبتى اتعرفت عليها اول مرة جيت المسجد
ليلى : ازيك يا سلمى
سلمى : الحمد لله تمام
قطع كلامههم دخول المعلمة وهى سيدة فى العقد الخامس من عمرها ،جلست ثم قالت بابتسامة جميلة : السلام عليكم ازيكوا يا بناتى
رد الجميع قائلا : وعليكم السلام
فقالت : ده احنا معانا بنوتة جديدة اسمك اية بقى ، قالت ذلك وهى تنظر الى ليلى
فقامت ليلى وقالت اسمها بتردد وخوف ، فقالت لها بابتسامة : انتى خايفة كدة ليه اهدى شوية ، و انا بقى الحاجة نعمة
اومأت ليلى برأسها ، فقالت الحاجة نعمة : طيب مين هيبدا ، بدات الحاجة نعمة فى تحفيظ الفتيات والنساء حتى انهتهم فى وقت ليس بقليل ، ثم اخرجت من حقيبتها اوراق ونظرت فيها قائلة : طبعا انتوا عارفين ان كل مرة بعد ما بنحفظ بنتكلم فى موضوع وموضوع النهاردة عن الحجاب
نظرت لها جميع الفتيات بلهفة كى تكمل حديثها ، فاكملت قائلة : الحجاب من اهم المواضيع بالنسبة للبنت المسلمة لكن كتير من الناس بيهملوه وبيتعاملوا معاه على انه موضوع عادى جدا بيشكلوه على مزاجهم يعنى مثلا لو جينا نبص للبنات اللى مشيين فى الشارع هنلاقيهم كلهم ماعدا قلييلين جدا لابسين بنطلونات ضيقة وبلوزات قصيرة ونص شعرهم باين تقريبا لسة ماقنعوش شعرهم كله بالحجاب وحطين اجمر واصفر فى وشهم وبقوا عاملين زى تورتة الفواكه وهما نازلين يعنى ينفع كدة ، البنات شيفين ان هو ده الحجاب بس منظلمهمش ممكن يكون فيهم ميعرفوش فكدة هما ميتحسبوش لكن اللى عارف ومطنش ده عقابه كبير اوى فى النار (قال رسول الله صلى الله عليه وسلم)-: (صنفان من أهل النار لم أرهما: رجال بأيديهم سياط يضربون بها الناس ونساء كاسيات عاريات مائلات مميلات رؤوسهن مثل أسنمة البخت المائلة، لا يدخلن الجنة ولا يجدن ريحها ) يعنى أخبر النبي صلى الله عليه وسلم أنه سيكون صنفان من الناس لم يرهم النبي صلى الله عليه وسلم ....والصنف الثاني نساء كاسيات عاريات يعني عليهن كسوة لكنهن بمنزلة العاريات قال العلماء إما لضيق الكسوة وإما لخفتها حتى يرى من ورائها البشرة وإما لقصرها وأما قوله مميلات مائلات فالمعنى أنهن يملن الثياب أو المشطة أو يملن الرجال بفتنتهم ومائلات هن مائلات عن الحق بسبب فعلهن رؤسهن كأسنمة البخت المائلة يعني أن الواحدة منهن تتزين بهذا الزي تجعل شعرها كبة فوق هامتها حتى يميل يمينا أو شمالا كسنام البعير والبخت نوع من أنواع الإبل معروفة بعظم السنام وميله إلى أحد الجانبين والخلاصة أن هؤلاء النساء يفعلن ما فيه الفتنة في أنفسهن ولغيره ، طب تعالوا نعرف شروط الحجاب الشرعى.... وذكرت الحاجة نعمة الشروط كما ذكرتها عائشة لليلى ، ثم اكملت قائلة : طب ومحارمك اللى هما ينفع تقعدى من غير طرحة قدامهم اللى هما الاب والجد والخال والعم والاخ طيب وبالنسبة لابن عمك او عمتك وابن خالك وابن خالتك وزوج الاخت واخو الزوج كل دول مش من محارمك وفى بنات كتير مبتخدش بالها من الحتة دى ، ببساطة الحجاب دهب يخلى البنت زى الجوهرة مش اى حد يوصل لها غير اللى يستحقها ، كان فى قصة كنت عايزة احكيهلكوا كان فى بنت ملتزمة بالحجاب والصلاة والصيام ...، فى مرة اتصاحبت على كام بنت مش كويسين
اقنعوها تبطل صلاة ووتقلع الطرحة وتلبس لبس ضيق وكدة والبنت دى ماتت وهى لبسها كدة ، جت المغسلة وكانت بتشلها الهدوم باللحم انتوا متخيلين المنظر ، فحاولوا تنفذوا شروط الحجاب وياريت اى واحدة ليها اخت او صديقة بعيدة عن ربنا تنصحها ، حد عندوا اى سؤال ، هزت الفتيات رؤسها بالنفى ، نظرت عائشة لليلى لتسألها ان كانت استفادت او لا لكن ...... !
