شخابيط فتاة زمردية

العطشان يكسر الحب

مؤلم جداً ان تشعر بالخذلان ، ان تشعر كأنك لا شيء وكنت تحسب بحسن ظنك انك .. ربما شيئاً اهون على فؤادي من اللا شيء تلك ..
ان يخذلك ان ترى عدم تمسكهِ بك .. ان تسمع منه كلمات
يتجرع قساوتها ومرارتها قلبك بكل هوان .. بكل انكسار

هذه الليلة
وقبلها ستة اشهر .. لولا لطف الله وعنايته لمرت كالعلقم

9:30 ليلاً
في تلك الزاوية .. مكورة نفسها وتبعثر شضايا قلبها وسط دموعها
_هه اللي يحب هيج يسوي، هيج ثقته باللي يحبه
يگولج اللي عليه سويته وممقصر

كانت اختها بجوارها تنصد لأختها النازفة بأهتمام قبل ان تجلجل الغرفة بضحكتها .. ظنت انها جنت فما السبب الذي يدعوها لأن تقهقه ضحكاً

_هههههههه ااخ ليش الحب بي مقصر ،شما تسوي لمحبوبك هو لا شيء ..

ضمت رأسها وبدأت بذرف الدموع من جديد
فأقتربت منها ريما بحنان وحزن تحاول ضمها

*كافي لتسوين هيج حبابه
_وخري ما ريد احد .. هو لو يعرف شصار بيه ذيج الشهور .. لو يعرف شعانيت وشگد انكسرت وكسرت ويايه ناس بسببي
لو يعرف شصار بأمي من عرفت ، لو يعرف شگد حجيت لأمي عنه وشگد حجيتلها عليه وشگد تأذيت من ردود افعالها وردها على رغبتي بالررفض القاسي ، لو يعرف الى متى ظليت احجي لأمي وأگوللها هو رجال وحيجي شي يوم ويتقدملي وتشوفين
وجانت دگولي مراح يجي
جنت احجيلها واعرفها بطيبة گلبه وعقله الجبير ، وشخصيته
وجانت تعصب مني وتعتبر تمسكي بي عناد بيها .
مسحت دموعها التي بللت وجنتها وصنعت بركة صغيرة على الارض

هه والله يا ربي احبه
اكملت بصوتها المبحوح وانفها المسدود
_بعدين يجي يگول انسحب .. "حتى لو رفضت امج ابقه الح لما تمل مني وتقبل " وج بس حجييييي

*خلص انسي ميستاهلج .. انتهى كلشي . بس ليش امي دترفض
كانت شاردة وتائهه مع ذكرياتها _ياريته لو غريب ياريته.. تورطت وحبيته بس تعرفين احلى ورطة والله

اعتدلت بجلستها ومسكت يدا اختها وقالت كلماتها بدافع كبير
_وج مادري ليش احساسي يگولي انو مخلص منتهى
مداحسها انو هيج حتخلص .. ليش گلبي مديقبل هالشي ليش هو ميعوفني ويحبني كلش .. بس كرهته ليش هيج يگول .. هيج بهالسهولة يتخله عن وردة حياته

سمعت صوت امها وهي تحدث اخاها الكبير.
_ادري .. بس والله اني حبيت الولد بس اني ماحب نسب الگرايب .. شون اضحي بيها .. باجر عگبة حدگلي ليش قبلتي وانتي تعرفين ،هاي بنتي مااگدر وهي متعرف هالاشياء هسه

*صحيح ماما لازم واحد يحسب لي بعيد

ابتعدت ورجعت لمكانها وشبح ابتسامة على وجهها
_شكوو شبيج
_امي حابته ..
_يااي وريان ووائل هم .. تذكرين من گال اني مراح اقبل وكارهه من اساسه شون يسوي علاقه ويه اختي بس من اجه من الباب تغير
_اوووووف يا ربي ،
_ رب العالمين اعلم بالنية وحينطيكم لبعض بالوقت المناسب
تمعنت كلمات اختها وقالت لها بتركيز
_العطشان يكسر الحِب
سألتها اختها ببلاهه
*يعني شنو
قلبت عينها
_اويلي عليج
*دگوليلي
_عوفيني وحدي اريد انام هنا

دخلت واحتضنت سريرها وشريط ذكرياتها معروض عليها
اغمضت عينيها وتمتمت " كوني قوية صعبة الكسر ..
كوني قوية صعبة الكسر " ثم تذكرت المثل الذي راقها بشدة

" العطشان يكسر الحب "