الصباح ناضت وجها اصفر عينيها منفخين و حمورة دوشت و لبست و خرجت عند نجية و منى صباح الخير ماقالتهاش....خزرت في منى و قالتلها:هاني فالطونوبيل نستنا فيك...ازرب ماتبطاش
نجية:لينا بنتي اقعد تفطر
لينا:ماعينيش فالماكلة خالتي نجية.....و خرجت..منى كملت فطورها و خرجت تجري باش تلحق بلينا و نجية تمشي و توصي فيها عليها..رد بالك عليها و ماتخليهاش وحدها اديها تتغدا حتم عليها تاكل....ركبت معاها فالطونوبيل و ديمارات من فم ساكت...الطريق كامل لا هدرة لا ضحكة لا ڨصرة وصلو دخلت للبيرو تاعها و غلقت الباب سورية بقات تخزر في منى مافاهمة والو.....بعد ساعتين دقدق الباب و دخلت سورية تحكي معاها و خايفة
سورية:لينا...او جا الراجل تاع البارح
لينا هزت راسها خزرت فيها متعجبة و قالتلها:واش من راجل؟؟مايهمش شوف منى تستكلف بالخدمة مانيش مليحة.
عُدي كي العادة ناض دوش حط الحطة و خرج راح للبيرو تاع الديكور باش يبدا ينفذ فالفكرة لي جاتو باش يطيح حسام فالفخ دخل قال لسورية تخبر لينا بلي حاب يشوفها و يحكي معاها...دخلت شوية و خرجت قالتلو بلي لينا ماهيش مليحة اليوم و اذا عندو كاش خدمة منى تستكلف بيها...قلق و عاد مايضويش كيفاش وحدة خامجة تتكبر عليه و ماتقابلوش..خبط الباب و دخل لقاها قاعدة و حاطة راسها بين يديها...هزت راسها و خزرت فيه و قالتلو ببرود:مسيو عُدي منى متكفلة بخدمتكم اذا عندك حاجة خبرها هي...و ضرك تقدر تخرج......عُدي خلاص صعر و هبل في راسو خبط الطابلة بيديه و قالها:احترم روحك كيفاش تحكي مع ضابط فالبوليس...
لينا فوق ماهي مقلقة زاد عليها هو ربعت يديها و قالتلو:واش يحتاج ضابط فالبوليس من مكتب الديكور؟؟
عُدي قعد و حط رجل على رجل و خزر فيها تبسم تبسيمة مستفزة و قالها:لا من مكتب الديكور مانحتاج والو بصح من بنت الليل نحتاج...هههه بنت الليل لي مغطية خماجها و عفنها و قلة ادبها ورا مكتب ديكور كبير قولي ان شاء الله خدمت المكتب بالدراهم لي بعت بيهم بدنك للكلاب لي كيفك رجال رايحة و رجال جاية شحال من واحد مسك و درتي معاه علاقة فالحرام...تخدم بالساعة ولا بالليلة
لينا اول مرة في حياتها تتلقا هذا الكم من الشتائم ضربة وحدة بصح كيما قلنا عمرها لا تبرر لانسان تصرفاتها....كانت هادية ماتقلقت ما تنرفزت مابينت والو تبسمت و قالتلو:حتى انت من الكلاب لي حابين يشريو بدني شحال تدفع
عُدي ضحك حتى وصل صوتو لبرا...واقيلا هبلتي انا نمسخ روحي بوحدة كيفك ههههه تخمامك خامج و حقير كيفك دراهمي حلال ماندفعهمش على بنت الحرام...فرنك واحد مانخسروش فيك
لينا:ههه مش كنت تقول تحتاجني؟؟واش يحتاج راجل كيفك من بنت الليل...امم قولي تراش واش يحتاج الضابط
عُدي:نحتاجك تكون قريبة من حسام...حسام عبد الصمد لازم يوثق فيك و يخبرك باسرار خدمتو
لينا:مانقدرش نعاونك يا ضابط شوف غيري بنات الليل بزاف و الف وحدة تقبل تجيبلك المعلومات لي تحبها و زيادة
عُدي:لا مش اي وحدة نحبك انت تجيب المعلومات هاذي...صونا تليفونو جبدو شاف شكون كوبا عليه و رجعو للجيب....اسمعني من الليلة تبدا تتقرب ليه..
وقفت من الكرسي و خزرت فيه قاطعتو و ماخلاتوش يكمل كلامو...اسمعني مليح مسيو عُدي ماتخلينيش نغلط معاك اتفضل برا و حكايتك هاذي انساها مش انا لي نقدر نعاونك
خرج من عندها الطريق مايشوفهاش زعفان للخر صونا تليفونو لقاه جواد
عُدي:واش تحتاج انت تاني.....الصعار حاكمني ماتزيدليش انت
جواد:اوووو واش بيك هذا...عيطتلك على جال الخدمة لازم تجي ضرك....ركب طونوبيلو و قلع للخدمة و خلاها تاكل في روحها و تغلي كي القدرة كانت تخبط و تسب فيه..انسان تافه و حقير...رخيس مايسواش كيفاش عطاه قلبو يحكي هكا....سمعتها منى و سورية دخلو يجريو للبيرو لقاوها تهز فالحوايج و ترمي للرض و الزعاف حاكمها من الشوشة عينيها حمورة كي الدم من الغش....قعدت فوق الكرسي و شدت في راسها منى جرات ليها و سورية راحت جابتلها كاس الما مدتولها..تشرب و تتفكر فيه واش كان يقول هزت الكاس و خبطتو في لرض هزت ساكها و خرجت ركبت طونوبيلها و راحت
أنت تقرأ
توبة فتاة الليل
Lãng mạnتوبة او لينا هي فتاة يتيمة عاشت في ظلم و نهب من طرف عمها و زوجته لتكبر و يصبح اهم اولوياتها الانتقام من عمها الذي سلبها طفولتها و حرمها من والديها و لم تفكر يوما في الحب لكن القدر كان له مخطط آخر منى و هي صديقة لينا المقربة ، منى ايضا يتيمة عاشت عند...
