فوتت عشية مع فاطمة و ميادة تضحك و تحكي...عُدي ماراحش للخدمة قعد فالدار يراقب فيها..كل حركة تتحركها كل ضحكة تضحكها كل كلمة تقولها تشعل فيه نار الشوق...فلخر راهو راجل يتأثر بالزين لي قدامو...قريبة ليه و بعيدة في نفس الوقت...متمني يحكمها من يدها يكركرها معاه لبيتو يدخلها و يغلق الباب بالمفتاح...و يمارس رجولتو عليها يخليها تذوب بين يديه و ماتزيدش تخمم في راجل بعدو...يعيش معاها الحب و العشق لي كل انسان يتمناه....بصح بين الواقع و الخيال فجوة كبيرة مستحيل اي واحد فيهم يقدر يتجاوزها.....مازال سارح مع تخيلاتو حتى سمع ميادة تحكي معاه
ميادة:عُدي...عُدي اك تسمع فيا
عُدي:اه..ايه واش قلت؟؟
ميادة:يما شفتي كيفاش خارجين على بعضهم...خمسة و خموس عليهم هو الامير و هي الاميرة😍😍😍
فاطمة:ههههه عندك الحق يا بنتي و الله خارجين على بعضهم...واش قلت كون نخطبهالك يا وليدي؟؟؟
عُدي و لينا خزرو في بعضهم و كل واحد متمني يقول ايه...بصح كل واحد عندو واش يمنعو...انتقامها منعها تكوّن عايلة مع راجل تحبو و تتمناه...حقيقتها كبنت ليل و كرامتو منعتو يقول ايه و يحقق واش كان يخمم فيه قبيل....
ميادة:علاش بكمتو؟؟؟قولو ايه و خليونا نوجدو لعرسكم
لينا:الحقيقة مانقدرش نتزوج فالوقت الحالي عندي امور لازم نهتم بيها..
عُدي:فطووووومة...ياك حكينا على الزواج نهار نقرر نتزوج انا نجيب عروستي مش انت ولا ميادة لي تخيروها......كلامو وجعها الدموع حكمتهم في شفار عينيها.. اكيد المرا لي خيرها باش تكون شريكة حياتو ماشي كيفي..باين عليها انسانة متربية و تاع دار و خاطيها الليل و سهرياتو....يا سعدها و حظها بيه...و انت علاش توجع فيا يا قلبي حسيت بطعنة..بخنقة..بضيقة...حسيت بالغدر مش قلتلك الحب هذا ما فيه غير العذاب ليا و ليك...انساه يا قلبي ولا عيش مابقالك من حياة و انت تتعذب و تعذب فيا.....ااااااااه منك يا قلب صدق لي قال ماتحب غير لي يعذبك..
فاطمة:ميادة نوض معايا نحطو العشا راه الوقت
ميادة:اوكي يما....عُدي ماعليش تقعد مع لينا حتى نوجدو الطابلة😉
لينا:😳لا..لا ماعليش نجي معاكم للكوزينة
فاطمة:هههه اتفضل بنتي...ميادة شعل النار و حط الماكلة تسخن.....لينا سمعت كلمة النار و هي حبست في بلاصتها عينيها تشرعو الدم جمد في عروقها و لونها صفار...عُدي توله ليها كيفاش تبدلت
عُدي:مش عيب يدخل ضيف للكوزينة؟؟؟لينا اقعد هنا فالصالون...فطومة و ميادة يوجدو العشا
فطومة:ههههه...قول حاب تقعد معاها و حنا جيناك فالطريق....ههههه امشي ميادة و خليهم......هوما راحو و عُدي قعد يخزر فيها خوفها الكبير باين في عينيها...خوفها من النار فهمو لي مازال مافهموش هو السبب وراء رهبتها من النار...علاش تخاف لهاذ الدرجة من كلمة نار....ناض راح للكوزينة جابلها كاس ما و مدهولها...حكمتو و يديها يرجفو...شربت منو شوية و حطتو فوق الطابلة
عُدي:علاش تخاف من النار؟؟و علاش حياتك غامضة هكذا؟؟؟
لينا:قلتلك حياتي و ماضيَ حاجة خايبة و الاحسن انك ماتدخلش فيهم....هي تحكي معاه و تليفونها صونا شافتو لقاتو حسام تأففت و رجعتو للساك...زاد صونا رجعت شافتو و الغش عاميلها عينيها هذا الكل و عُدي يخزر فيها
عُدي:علابالي بلي حسام هز عليه شوفو واش يحتاج
لينا تنهدت..._الو حسام لاباس عليك
حسام:لاباس و انت لينا بخير؟؟
لينا:لاباس اتهنا..
حسام:الليلة حاب نشوفك رد بالك ماتجيش...هاني نستنا فيك
لينا:اوكي حسام...نجي اتهنا.....كوبات عليه حطت راسها بين يديها
عُدي:واش يحتاج؟؟؟...لينا رد عليا ماتسكتش واش يحتاج؟؟؟.....ليناااااااا
لينا:علاش راك تعيط عليا مش انت لي قلت اتقرب منو و خليه يعترف بكلش...هاني ندير في خدمتي و قاعدة نخاطر بحياتي على جال باش نجيبلك معلومات....عُدي ارحمني يا اخي ارحمني مانيش قد الحمل هذا مانيش قدك ولا قد حسام مانيش مستعدة نكون مع واحد كيفو نظرتو ليا تقززني تعيفني نتمنا تنشق لرض و تبلعني على اني نكون معاه....عُدي افهمها مليح حطيت حياتي على الهاوية ماذا بيك ماتزيدش عليا بعياطك و صياحك...اوووف.......عُدي قعد داهش فيها لهاذ الدرجة صعيب على بنت ليل متعودة من واحد لواحد تكون قريبة من حسام لهاذ الدرجة؟؟؟واش الحقيقة لي قاعدة تخبي فيها يا لينا خليني نعرفها نتهنا من عذاب الضمير لي معيشتني فيه....البراءة لي ظاهرة في وجهك حقيقة ولا خيال...انت بنت ليل ولا مرا شريفة و محافظة على روحك...علاش دوختني و شلوشتلي عقلي...ااااه لوكان نعرف الحقيقة الكاملة...اااه
أنت تقرأ
توبة فتاة الليل
Lãng mạnتوبة او لينا هي فتاة يتيمة عاشت في ظلم و نهب من طرف عمها و زوجته لتكبر و يصبح اهم اولوياتها الانتقام من عمها الذي سلبها طفولتها و حرمها من والديها و لم تفكر يوما في الحب لكن القدر كان له مخطط آخر منى و هي صديقة لينا المقربة ، منى ايضا يتيمة عاشت عند...
