عُدي قعد مقابلها...اتفضل معانا للمركز
لينا:واش المطلوب بالضبط؟؟
عُدي:ههههه هاك شاطرة و تفهم..
لينا:لعبة خامجة راك تلعب فيها...انت لي حطيت الكوكايين هنا باش تجبرني نخدم معاك...متأكدة بلي انت بصح ماعنديش دليل عليك
عُدي:المطلوب واضح اتقرب من حسام و جيبلي خبارو و من بعد كل واحد يروح في طريقو و حكاية الكوكايين تتنسا و حد مايعرف بيها...و الليلة تبدا تتقرب منو
لينا:كأنك نسيت حاجة مهمة!!!!لازم نعرف نوع المعلومات لي راك حابهم هكذا نعرف كيفاش نتعامل معاه
هوما يحكيو و تليفونو صونا رفد لقاها ميادة
عُدي:هااا واش تحب؟؟
ميادة:ههه😁😁 تعرف شحال نحبك انا..
عُدي:هات ملخر واش تحبي
ميادة:تعرف لي اليوم عندي جلسة فالمحكمة و انا نسيت عليها كامل و عطيت موعد للي تخدملي الديكور باش نديها تشوف الدار...روح انت و نعتلها الدار باش تبدا الخدمة
عُدي:😬😬 الله الله عليا وليت خديم عندك ا لالة....طيري كملي خدمتك و ضرك ندبر راسي
عُدي دور خزر في لينا و تبسم😏😏تبسيمة النصر قالها نوض نديك لدار ميادة باش تبدا تخدم فيها..لوكان حاكمة خدمة وحدة مش خير ليك علاه تعب في روحك ليل مع نهار...كلامو ستفزها و قريب طرطقت فيه😤😤...ناضت بلاما تجاوبو هزت حوايجها و خرجت قالت لسورية من بعد نبعتلك ميساج فيه العنوان تاع الدار باش تبعث الخدامين و دوازن الخدمة و خرجت خرج عُدي لقا جواد نارو شاعلة
جواد:اهدر اني نسمعك فيك و ماتبداش تبلعط فالهدرة...احكي الصح واش قاعد يصرا هنا😈😈
عُدي حكى لجواد واش راه يخمم و بلي هي لي تقدر تعاونهم و يلقيو القبض على حسام...جواد زاد صعر و هبل ماتقبلش الفكرة يعرف حسام عندو يتيري رصاصة اسهل من يفتح فمو باش ياكل
جواد:ياخي هبلت في راسك انت تبعث المخلوقة لذيب كيما هذاك...غابو الطرق كامل بقات غير هاذي؟؟ افطن يا عبد ربي كون يفيق بيها تخدم مع البوليس يحطلها رصاصة بين عينيها
عُدي:على الاقل تكون ماتت و هي تعاون في بلادها
جواد:وين ضميرك ا صاحبي وشبيك مستعد تضحي بيها و هي ماعندها دخل في حتى حاجة....افطن قبل ماتندم و بربي قولي كيفاش حطيت الكوكايين في مكتبها هاو فيه كاميرات
عُدي حك لحيتو و تبسم قالو:جيت البارح فالليل فتحت الباب و دخلت و الكاميرات حبستهم حطيت الرزمة و خرجت بلا حس
جواد:الله يهديك ا صاحبي...انا نحيت يدي منك و كاش مايصرا فالحكاية هاذي من بعد دبر راسك كيفاش تفكها😠😠😠
جواد رجع لمركز البوليس مغشش مايضويش...عُدي دور لقاها راكبة فطونوبيلها تحكي فالتليفون راح فتح الباب بالزعاف و قالها اهبط..لينا من الخلعة طاح التليفون من يدها دورت خزرت فيه😾😾 و قالتو ياااو واش بيك هكا زادم لا حس لا مس...
عُدي رخف في صوتو شوية:قلتلك اهبط اركب معايا خليني نديك لدار ميادة😒😒
لينا:روح انت و انا نتبعك عندي طونوبيل و نعرف نسوق
عُدي يهبل كي مايسمعوش كلمتو تخنزر فيها قريب ثقبها و قالها..ماتهبلنيش قلتلك اهبط ماتخليش جنوني يطلعو...شدها من يدها جبدها يكركر فيها طلعها لطونوبيل تاعو و ديمارا كي الغول...لينا قلبها عاد يخبط فالمليار واش الوحش هذا لي طحت فيه يا ربي علاش يعامل فيا هكا فاه غلطت معاه؟؟علاش مايكونش انسان متحضر كيما يبان يا الزح يبان ولد ناس و اكابر فيق على روحك يا بنت هاك انت تبان بنت ليل...المظاهر تخدع
عُدي:واش قاعدة تمتم بين شفايفك؟؟؟
لينا خزرت فيه فالشط:ما دخلك فيا...ااااو مانحكيش مع روحي😒😒؟؟؟
عُدي:هههه علاش ان شاء الله هبلت؟؟
لينا:بربي سوق قدامك و اسكت عليا صوتك بقا يزنزن في راسي
أنت تقرأ
توبة فتاة الليل
Romanceتوبة او لينا هي فتاة يتيمة عاشت في ظلم و نهب من طرف عمها و زوجته لتكبر و يصبح اهم اولوياتها الانتقام من عمها الذي سلبها طفولتها و حرمها من والديها و لم تفكر يوما في الحب لكن القدر كان له مخطط آخر منى و هي صديقة لينا المقربة ، منى ايضا يتيمة عاشت عند...
